[173] iam vero illud quam non probabile, quam inusitatum, iudices, quam novum, in pane datum venenum! faciliusne potuit quam in poculo, latentius[919] potuit abditum aliqua in parte panis quam si totum conliquefactum in potione esset, celerius potuit comestum[920] quam epotum in venas atque in omnis partis[921] corporis permanare, facilius fallere in pane, si esset animadversum, quam in poculo, cum ita confusum esset ut secerni nullo modo posset?