[1201] Cicero de divin. II 65, 134. Defert ad coniectorem quidam, somniausse se, ovum pendere ex fascea lecti sui cubicularis. Est hoc in Chrysippi libro somnium. Respondet coniector, thesaurum defossum esse sub lecto. Fodit, invenit auri aliquantum idque circumdatum argento. Misit coniectori quantulum visum est de agento. Tum ille “nihilne, inquit, de vitello?” id enim ei ex ovo videbatur aurum declarasse, reliquum argentum.