Capítulo 3
1 וְאִלֵין הֲווֹ בְּנֵי דָוִיד דְאִתְיְלִידוּ לֵיהּ בְּחֶבְרוֹן בּוּכְרָא אַמְנוֹן לַאֲחִינוֹעַם דְמִן יִזְרָעֵאל תִּנְיָנָא דָנִיאֵל הוּא כִלְאָב דְדַמְיָה כֻּלֵיהּ לְאַבָּא דִילֵיהּ לַאֲבִיגַיִל דְמִן כַּרְמְלָא:
2 תְּלִיתָי אַבְשָׁלוֹם (תְּלִיתָאֵי) בַר מַעֲכָה בְּרַת תַּלְמַי מַלְכָּא דִגְשׁוּר רְבִיעָאָה אֲדנִיָה בַר חַגִית:
3 חֲמִישָׁאָה שְׁפַטְיָה לַאֲבִיטָל שְׁתִיתָאָה יִתְרְעָם לְעֶגְלָה אִנְתְּתֵיהּ הִיא מִיכָל בְּרַת שָׁאוּל:
4 אֲשִׁתָּה אִתְיְלִידוּ לֵיהּ בְּחֶבְרוֹן וּמְלַךְ תַּמָן שְׁבַע שְׁנִין וַאֲשִׁתָּה יַרְחִין וּתְלָתִין וּתְלַת שְׁנִין מָלַךְ בִּירוּשָׁלָםִ:
5 וְאִלֵין אִתְיְלִידוּ לֵיהּ בִּירוּשְׁלֶם שִׁמְעָא וְשׁוֹבָב וְנָתָן וּשְׁלמה אַרְבַּעְתְּהוֹן לְבַת שׁוּעַ הִיא בַּת שֵׁבַע בְּרַת עַמִיאֵל:
6 וְיִבְחָר וֶאֱלִישָׁמָע וֶאֱלִיפֶלֶט:
7 וְנגַהּ וָנֶפֶג וְיָפִיעַ:
8 וֶאֱלִישָׁמָע וְאֶלְיָדָע וְאֱלִיפֶלֶט תִּשְׁעָא:
9 כֻּלְהוֹן בְּנֵי דָוִיד בַּר מִן בְּנֵי פִלַגְתִּין וְתָמָר אֲחַתְהוֹן:
10 וּבְרֵיהּ דִשְׁלמה רְחַבְעָם אֲבִיָה בְרֵיהּ אָסָא בְרֵיהּ יְהוֹשָׁפָט בְּרֵיהּ:
11 יוֹרָם בְּרֵיהּ אֲחִזְיָהוּ בְרֵיהּ יוֹאָשׁ בְּרֵיהּ:
12 אֲמַצְיָהוּ בְרֵיהּ עֲזַרְיָה בְרֵיהּ יוֹתָם בְּרֵיהּ:
13 אָחָז בְּרֵיהּ חִזְקִיָהוּ בְרֵיהּ מְנַשֶׁה בְרֵיהּ:
14 אָמוֹן בְּרֵיהּ יאשִׁיָהוּ בְרֵיהּ:
15 וּבְנֵי יאשִׁיָהוּ בּוּכְרָא יוֹחָנָן תִנְיָנָא יְהוֹיָקִים תְּלִיתָאָה צִדְקִיָהוּ רְבִיעָאָה שַׁלוּם דִשְׁלֵימַת מַלְכוּתָא דְבֵית דָוִד בְּיוֹמוֹי:
16 וּבְנֵי יְהוֹיָקִים יְכָנְיָה בְּרֵיהּ צִדְקִיָה בְּרֵיהּ:
17 וּבְנֵי יְכָנְיָה אַסִר שְׁאַלְתִּיאֵל בְּרֵיהּ:
18 וּמַלְכִּירָם וּפְדָיָה וְשֶׁנְאַצַר יְקַמְיָה הוֹשָׁמָע וּנְדַבְיָה:
19 וּבְנֵי פְדָיָה זְרֻבָּבֶל וְשִׁמְעִי וּבַר זְרֻבָּבֶל מְשֻׁלָם וַחֲנָנְיָה וּשְׁלמִית אֲחַתְהוֹן:
20 וַחֲשׁוּבָה וָאהֶל וּבֶרֶכְיָה וַחֲסַרְיָה יוּשַׁב חֶסֶד חָמֵשׁ:
21 וּבְנֵי חֲנַנְיָה פְּלַטְיָה וִישַׁעְיָה וּבְנֵי רְפָיָה בְּנֵי אַרְנָן בְּנֵי עוֹבַדְיָה בְּנֵי שְׁכַנְיָה:
22 וּבְנֵי שְׁכַנְיָה שְׁמַעְיָה וּבְנֵי שְׁמַעְיָה חַטוּשׁ וְיִגְאָל וּבָרִיחַ וּנְעַרְיָה וְשָׁפָט אֲשִׁתָּה:
23 וּבְנֵי נְעַרְיָה אֶלְיוֹעֵינַי וְחִזְקִיָה וְעַזְרִיקָם תְּלָתָא:
24 וּבְנֵי אֶלְיוֹעֵינַי הוֹדַוְיָהוּ וְאֶלְיָשִׁיב וּפְלָיָה וְעַקוּב וְיוֹחָנָן וּדְלָיָה וַעֲנָנִי הוּא מַלְכָּא מְשִׁיחָא דְעָתִיד לְאִתְגְלָאָה כֻּלְהוֹן שַׁבְעָא: