Salmos (Targum dos Escritos)

Capítulo 13

1 לְשַׁבָּחָא תּוּשְׁבַּחְתָּא לְדָוִד:

2 עַד אָן יְיָ תַּשְׁלִינַנִי לְעָלְמִין עַד אָן תִּטְמוֹר זִיו אַפָּךְ מִנִי:

3 עַד אָן אֲשַׁוֵי מִלְכָּא בְּנַפְשִׁי דְוָנָא בִּלְבָבִי יְמָם עַד אָן יִתְּרָם בְּעֵל דְבָבִי עֲלָי:

4 אִסְתַּכֵּל וְקַבֵּל צְלוֹתִי יְיָ אֱלָהִי אַנְהִיר עֵינַי בְּאוֹרַיַתָךְ דִלְמָא אֱחוֹב וְאֶדְמוּךְ עִם חַיָבֵי מוֹתָא:

5 דִלְמָא יֵימַר יִצְרָא בִישָׁא אַשְׁלַטְתֵּיהּ מְעִיקַי יְרַנֵנוּן מְטוּל אֶסְטֵי מֵאָרְחָתָךְ:

6 וַאֲנָא בְּטוּבָךְ אִתְרַחֲצֵית יְרַנֵן לְבָבִי בְּפוּרְקָנָךְ אֲשַׁבַּח קֳדָם יְיָ מְטוּל דִפְרִיעַ עֲלָי טָבְתָא: