61. Πλειστάρχου
[61.1] Πλείσταρχος ὁ Λεωνίδου [123] πρὸς τὸν ἐπερωτήσαντα, διὰ τίνα αἰτίαν οὐκ ἀπὸ τῶν πρώτων βασιλέων προσαγορεύονται, “ὅτι” ἔφη “ἐκεῖνοι μὲν [124] ἄγειν ἢ βασιλεύειν ἔχρῃζον, οἱ δʼ ἐκείνων ὕστεροι οὐδαμῶς.”
[61.2] συνηγόρου δέ τινος γελοῖα λέγοντος, “οὐ φυλάξῃ ὦ ξένε” ἔφη “συνεχῶς γελοιάζων, ὅπως μὴ γελοῖος γένῃ, ὥσπερ καὶ οἱ συνεχῶς παλαίοντες παλαισταί;”
[61.3] πρὸς δὲ τὸν ἀηδόνα μιμούμενον “ἥδιον” ἔφη “ὦ ξένε αὐτῆς ἄκουσα τῆς ἀηδόνος. ”
[61.4] [231d] λέγοντος δέ τινος, ὅτι κακολόγος τις αὐτὸν ἐπῄνει “θαυμάζω” ἔφη “εἰ μή τις αὐτῷ εἶπεν ὅτι ἀπέθανον· ζῶντα γὰρ ἐκεῖνος οὐδένα καλῶς λέξαι δύναται.”