[198] iam qui in agro Larinati[1045] praedia, qui negotia, qui res pecuarias[1046] habent, honesti homines et summo splendore praediti[1047], difficile dictu est quam sint solliciti, quam laborent. non multi mihi ab uno sic diligi videntur ut hic ab his[1048] universis.
[cap.70] quam doleo[1049] abesse ab huius iudicio L. Volusenum[1050], summo splendore hominem ac virtute praeditum! vellem praesentem possem[1051] P. Helvidium Rufum, equitem Romanum omnium ornatissimum, nominare. qui cum huius causa dies noctesque vigilaret et cum me hanc causam doceret, in morbum gravem periculosumque incidit; in quo tamen non minus de capite huius quam de sua vita laborat. Cn. Tudici senatoris, viri optimi et honestissimi, par studium ex[1052] testimonio et laudatione cognoscetis. eadem spe sed maiore verecundia de te, P. Volumni, quoniam iudex es in A. Cluentium, dicimus. et ne longum sit, omnium vicinorum summam esse in hunc benivolentiam confirmamus. Horum omnium[1053] studium,