[124] principia verecunda, nondum[290] elatis incensa verbis, sed acuta sententiis vel ad offensionem adversarii vel ad commendationem sui. Narrationes credibiles nec historico[291] sed prope cotidiano sermone explicatae dilucide. Dein si tenuis causa est[292], tum[293] etiam argumentandi tenue filum et in docendo et in refellendo, idque ita tenebitur, ut quanta ad rem tanta ad orationem fiat accessio.