---
id: heraclito-fragmentos-grc-diels-1922
type: primary_text
title: Fragmenta
subtitle: Os fragmentos de Heráclito de Éfeso
author: Heráclito
editor: Hermann Diels
base_edition: 'Die Fragmente der Vorsokratiker, vol. 1, ed. Hermann Diels (Berlim: Weidmann, 1922)'
year_original: séc. VI–V a.C.
publication_year: 1922
language: grc
tags:
- pre-socratics
- ionians
- fragments
- ancient-philosophy
- century-5-bce
status: draft
project: pedra_angular
scope: 'Os fragmentos (B) na edição de Diels, citados pelo número dele: B 1 = [1]; o verso que Diels numera, B 1, 5 = [1.5]. A fonte de cada fragmento e a concordância com outras edições estão nas notas (a numeração de Bywater, entre colchetes no TEI, também)'
urn_work: urn:cts:greekLit:tlg0626.tlg002
urn: urn:cts:greekLit:tlg0626.tlg002.1st1K-grc1
source: https://github.com/OpenGreekAndLatin/First1KGreek/tree/master/data/tlg0626/tlg002
source_repo: OpenGreekAndLatin/First1KGreek
source_file: data/tlg0626/tlg002/tlg0626.tlg002.1st1K-grc1.xml
source_commit: 03776b39
license: CC-BY-SA-4.0
processing: Saneamento/obra_nova_tei.py e conversor_tei.py (perfil fragmentos), 2026-10-14; preparado por Διαφορεύς com o Claude.
---

# Fragmenta

[1] [^1] [^2] τοῦ δὲ λόγου τοῦδ’ ἐόντος ἀεὶ ἀξύνετοι γίνονται ἄνθρωποι καὶ πρόσθεν ἢ ἀκοῦσαι καὶ ἀκούσαντες τὸ πρῶτον· γινομένων γὰρ πάντων κατὰ τὸν λόγον τόνδε ἀπείροισιν ἐοίκασι, πειρώμενοι καὶ ἐπέων καὶ ἔργων τοιούτων, ὁκοίων ἐγὼ διηγεῦμαι διαιρέων ἕκαστον κατὰ φύσιν καὶ φράζων ὅκως ἔχει. τοὺς δὲ ἄλλους ἀνθρώπους λανθάνει ὁκόσα ἐγερθέντες ποιοῦσιν, ὄκωσπερ ὁκόσα εὕδοντες ἐπιλανθάνονται.

[2] [^3] [^4] διὸ δεῖ ἕπεσθαι τῶι 〈ξυνῶι, τουτέστι τῶι〉 κοινῶι· ξυνὸς γὰρ ὁ κοινός. τοῦ λόγου δ’ ἐόντος ξυνοῦ ζώουσιν οἱ πολλοὶ ὡς ἰδίαν ἔχοντες φρόνησιν.

[3] [^5] [^6] εὖρος ποδὸς ἀνθρωπείου.

[4] [^7] [^8] dixit quod Si felicitas esset in delectationibus corporis, boves felices diceremus, cum inveniant orobum ad comedendum.

[5] [^9] [^10] καθαίρονται δ’ ἄλλως αἵματι μιαινόμενοι οἶον εἴ τις εἰς πηλὸν ἐμβὰς πηλῶι ἀπονίζοιτο. μαίνεσθαι δ’ ἂν δοκοίη, εἴ τις αὐτὸν ἀνθρώπων ἐπιφράσαιτο οὕτω ποιέοντα. καὶ τοῖς ἀγάλμασι δὲ τουτέοισιν εὔχονται, ὁκοῖον εἴ τις δόμοισι λεσχηνεύοιτο, οὔ τι γινώσκων θεοὺς οὐδ’ ἥρωας οἵτινές εἰσι.

[6] [^11] [^12] ὁ ἥλιος οὐ μόνον, καθάπερ ὁ Ἡ. φησι, νέος ἐφ’ ἡμέρηι ἐστίν, ἀλλ’ ἀεὶ νέος συνεχῶς.

[7] [^13] [^14] εἰ πάντα τὰ ὄντα καπνὸς γένοιτο, ῥῖνες ἂν διαγνοῖεν.

[8] [^15] [^16] Ἡ. τὸ ἀντίξουν συμφέρον καὶ ἐκ τῶν διαφερόντων καλλίστην ἁρμονίαν καὶ πάντα κατ’ ἔριν γίνεσθαι [^17].

[9] [^18] [^19] ἑτέρα γὰρ ἵππου ἡδονὴ καὶ κυνὸς καὶ ἀνθρώπου, καθάπερ Ἡ. φησιν ὄνους σύρματ’ ἂν ἑλέσθαι μᾶλλον ἢ χρυσόν· ἥδιον γὰρ χρυσοῦ τροφὴ ὄνοις.

[10] [^20] [^21] ἴσως δὲ τῶν ἐναντίων ἡ φύσις γλίχεται καὶ ἐκ τούτων ἀποτελεῖ τὸ σύμφωνον, οὐκ ἐκ τῶν ὁμοίων· ὥσπερ ἀμέλει τὸ ἄρρεν συνήγαγε πρὸς τὸ θῆλυ καὶ οὐχ ἑκάτερον πρὸς τὸ ὁμόφυλον καὶ τὴν πρώτην ὁμόνοιαν διὰ τῶν ἐναντίων συνῆψεν, οὐ διὰ τῶν ὁμοίων. ἔοικε δὲ καὶ ἡ τέχνη τὴν φύσιν μιμουμένη τοῦτο ποιεῖν· ζωγραφία μὲν γὰρ λευκῶν τε καὶ μελάνων ὠχρῶν τε καὶ ἐρυθρῶν χρωμάτων ἐγκερασαμένη φύσεις τὰς εἰκόνας τοῖς προηγουμένοις ἀπετέλεσε συμφώνους, μουσικὴ δὲ ὀξεῖς ἅμα καὶ βαρεῖς μακρούς τε καὶ βραχεῖς φθόγγους μείξασα ἐν διαφόροις φωναῖς μίαν ἀπετέλεσεν ἁρμονίαν, γραμματικὴ δὲ ἐκ φωνηέντων καὶ ἀφώνων γραμμάτων κρᾶσιν ποιησαμένη τὴν ὅλην τέχνην ἀπ’ αὐτῶν συνεστήσατο. ταὐτὸ δὲ τοῦτο ἦν καὶ τὸ παρὰ τῶι σκοτεινῶι λεγόμενον Ἡρακλείτωι· συνάψιες ὅλα καὶ οὐχ ὅλα, συμφερόμενον διαφερόμένον, συνᾶιδον διᾶιδον, καὶ ἐκ πάντων ἓν καὶ ἐξ ἑνὸς πάντα.

[11] [^22] [^23] τῶν τε ζωίων τά τε ἄγρια καὶ ἥμερα τά τε ἐν ἀέρι καὶ ἐπὶ γῆς καὶ ἐν ὕδατι βοσκόμενα γίνεταί τε καὶ ἀκμάζει καὶ φθείρεται τοῖς τοῦ θεοῦ πειθόμενα θεσμοῖς· πᾶν γὰρ ἑρπετὸν πληγῆι νέμεται, ὥς φησιν Ἡράκλειτος.

[12] [^24] [^25] Ζήνων τὴν ψυχὴν λέγει αἰσθητικὴν ἀναθυμίασιν, καθάπερ Ἡ.· βουλόμενος γὰρ ἐμφανίσαι, ὅτι αἱ ψυχαὶ ἀναθυμιώμεναι νοεραὶ ἀεὶ γίνονται, εἴκασεν αὐτὰς τοῖς ποταμοῖς λέγων οὕτως· ποταμοῖσι τοῖσιν αὐτοῖσιν ἐμβαίνουσιν ἕτερα καὶ ἕτερα ὕδατα ἐπιρρεῖ· καὶ ψυχαὶ δὲ ἀπὸ τῶν ὑγρῶν ἀναθυμιῶνται [^26].

[13] [^27] [^28] δεῖ γὰρ τὸν χαρίεντα μήτε ῥυπᾶν μήτε αὐχμεῖν μήτε βορβόρωι χαίρειν καθ’ Ἡράκλειτον. [^29] [^30] ὕες βορβόρωι ἥδονται. [^31]

[14] [^32] [^33] τίσι δὴ μαντεύεται 64 Ἡ. ὁ Ἐφέσιος; νυκτιπόλοις, μάγοις, βάκχοις, λήναις, μύσταις· τούτοις ἀπειλεῖ τὰ μετὰ θάνατον, τούτοις μαντεύεται τὸ πῦρ· τὰ γὰρ νομιζόμενα κατ’ ἀνθρώπους μυστήρια ἀνιερωστὶ μυεῦνται.

[15] [^34] [^35] εἰ μὴ γὰρ Διονύσωι πομπὴν ἐποιοῦντο καὶ ὕμνεον ἆισμα αἰδοίοισιν, ἀναιδέστατα εἴργαστ’ ἂν· ὡυτὸς δὲ Ἀίδης καὶ Διόνυσος, ὅτεωι μαίνονται καὶ ληναΐζουσιν.

[16] [^36] [^37] λήσεται μὲν γὰρ ἴσως τὸ αἰσθητὸν φῶς τις, τὸ δὲ νοητὸν ἀδύνατόν ἐστιν, ἢ ὥς φησιν Ἡ, τὸ μὴ δῦνόν ποτε πῶς ἄν τις λάθοι;

[17] [^38] [^39] οὐ γὰρ φρονέουσι τοιαῦτα πολλοί, ὁκόσοι ἐγκυρεῦσιν, οὐδὲ μαθόντες γινώσκουσιν, ἑωυτοῖσι δὲ δοκέουσι.

[18] [^40] [^41] ἐὰν μὴ ἔλπηται, ἀνέλπιστον οὐκ ἐξευρήσει, ἀνεξερεύνητον ἐὸν καὶ ἄπορον. [^42]

[19] [^43] [^44] ἀπίστους εῖναί τινας ἐπιστρύφων Ἡ. φησιν· ἀκοῦσαι οὐκ ἐπιστάμενοι οὐδ’ εἰπεῖν.

[20] [^45] [^46] Ἡ γοῦν κακίζων φαίνεται τὴν γένεσιν, ἐπειδὰν φῆι· γενόμενοι ζώειν ἐθέλουσι μόρους τ’ ἔχειν, μᾶλλον δὲ ἀναπαύεσθαι, καὶ παῖδας καταλείπουσι μόρους γενέσθαι.

[21] [^47] [^48] οὐχὶ καὶ Ἡ. θάνατον τὴν γένεσιν καλεῖ... ἐν οἶς φησι· θάνατός ἐστιν ὁκόσα ἐγερθέντες ὁρέομεν, ὁκόσα δὲ εὕδοντες ὕπνος.

[22] [^49] [^50] χρυσὸν γὰρ οἱ διζήμενοι γῆν πολλὴν ὀρύσσουσι καὶ εὑρίσκουσιν ὀλίγον.

[23] [^51] [^52] Δίκης ὄνομα οὐκ ἂν ἤιδεσαν, εἰ ταῦτα μὴ ἦν.

[24] [^53] [^54] ἀρηιφάτους θεοὶ τιμῶσι καὶ ἄνθρωπο:.

[25] [^55] [^56] μόροι γὰρ μέζονες μέζονας μοίρας λαγχάνουσι.

[26] [^57] [^58] ἄνθρωπος ἐν εὐφρόνηι φάος ἅπτεται ἑαυτῶι ἀποθανών, [ἀποσβεσθεὶς ὄψεις], ζῶν δέ· ἅπτεται τεθνεῶτος εὕδων, ἀποσβεσθεὶς ὄψεις, ἐγρηγορὼς ἅπτεται εὕδοντος.

[27] [^59] [^60] ἀνθρώπους μένει ἀποθανόντας ἅσσα οὐκ ἔλπονται οὐδὲ δοκέουσιν.

[28] [^61] [^62] δοκέοντα γὰρ ὁ δοκιμώτατος γινώσκει, φυλάσσει· καὶ μέντοι καὶ Δίκη καταλήψεται ψευδῶν τέκτονας καὶ μάρτυρας.

[29] [^63] [^64] αἱρεῦνται γὰρ ἕν ἀντὶ ἁπάντων οἱ ἄριστοι, κλέος ἀέναον θνητῶν, οἱ δὲ πολλοὶ κεκόρηνται ὅκωςπερ κτήνεα.

[30] [^65] [^66] κόσμον τόνδε, τὸν αὐτὸν ἁπάντων, οὔτε τις θεῶν οὔτε ἀνθρώπων ἐποίησεν, ἀλλ’ ἧν ἀεὶ καὶ ἔστιν καὶ ἔσται πῦρ ἀείζωον, ἁπτόμενον μέτρα καὶ ἀποσβεννύμενον μέτρα.

[31] [^67] [^68] ὅτι δὲ καὶ γενητὸν καὶ φθαρτὸν εἶναι ἐδογμάτιζεν, μηνύει τὰ ἐπιφερόμενα· πυρὸς τροπαὶ πρῶτον θάλασσα, θαλάσσης δὲ τὸ μὲν ἥμισυ γῆ, τὸ δὲ ἥμισυ πρηστήρ. δυνάμει γὰρ λέγει ὅτι τὸ πῦρ ὑπὸ τοῦ διοικοῦντος λόγου καὶ θεοῦ τὰ σύμπαντα δι’ ἀέρος τρέπεται εἰς ὑγρὸν τὸ ὡς σπέρμα τῆς διακοσμήσεως, ὁ καλεῖ θάλασσαν, ἐκ δὲ τούτου αὖθις γίνεται γῆ καὶ οὐρανὸς καὶ τὰ ἐμπεριεχόμενα. ὅπως δὲ πάλιν ἀναλαμβάνεται καὶ ἐκπυροῦται, σαφῶς διὰ τούτων δηλοῖ· [^69] θάλασσα διαχέεται καὶ μετρέεται εἰς τὸν αὐτὸν λόγον, ὁκοῖος πρόσθεν ἦν ἢ γενέσθαι γῆ.

[32] [^70] [^71] ἕν τὸ σοφὸν μοῦνον λέγεσθαι οὐκ ἐθέλει καὶ ἐθέλει Ζηνὸς ὄνομα.

[33] [^72] ——— νόμος καὶ βουλῆι πείθεσθαι ἑνός.

[34] [^73] ——— ἀξύνετοι ἀκούσαντες κωφοῖσιν ἐοίκασι· φάτις αὐτοῖσιν μαρτυρεῖ παρεόντας ἀπεῖναι.

[35] [^74] —— [^75] χρὴ γὰρ εὖ μάλα πολλῶν ἵστορας φιλοσόφους ἄνδρας εἶναι καθ’ Ἡράκλειτον.

[36] [^76] —— [^77] ψυχῆισιν θάνατος ὕδωρ γενέσθαι, ὕδατι δὲ θάνατος γῆν γενέσθαι, ἐκ γῆς δὲ ὕδωρ γίνεται, ἐξ ὕδατος δὲ ψυχή.

[37] [^78] [^79] si modo credimus Ephesio Heracleto qui ait sues caeno [^80], cohortales aves pulvere vel cinere lavari.

[38] [^81] [^82] δοκεῖ δὲ κατά τινας πρῶτος ἀστρολογῆσαι... μαρτυρεῖ δ’ αὐτῶι καὶ Ἡ καὶ Δημόκριτος.

[39] [^83] [^84] ἐν Πριήνηι Βίας ἐγένετο ὁ Τευτάμεω, οὗ πλείων λόγος ἢ τῶν ἄλλων. [^85]

[40] [^86] [^87] πολυμαθίη νόον ἔχειν οὐ διδάσκει· Ἡσίοδον γὰρ ἂν ἐδίδαξε καὶ Πυθαγόρην αὖτίς τε Ξενοφάνεά τε καὶ Ἑκαταῖον.

[41] [^88] [^89] εἶναι, γὰρ ἕν τὸ σοφόν, ἐπίστασθαι γνώμην, ὁτέη ἐκυβέρνησε. πάντα διὰ πάντων.

[42] [^90] —— τόν τε Ὅμηρον ἔφασκεν ἄξιον ἐκ τῶν ἀγώνων ἐκβάλλεσθαι καὶ ῥαπίζεσθαι καὶ Ἀρχίλοχον ὁμοίως.

[43] [^91] —— [^92] ὕβριν χρὴ σβεννύναι μᾶλλον ἢ πυρκαϊήν.

[44] [^93] —— μάχεσθαι χρὴ τὸν δῆμον ὑπὲρ τοῦ νόμου ὅκωσπερ τείχεος.

[45] [^94] —— [^95] ψυχῆς πείρατα ἰὼν οὐκ ἂν ἐξεύροιο, πᾶσαν ἐπιπορευόμενος ὁδὸν· οὕτω βαθὺν λόγον ἔχει.

[46] [^96] —— τήν τε οἴησιν ἱερὰν νόσον ἔλεγε καὶ τὴν ὅρασιν ψεύδεσθαι.

[47] [^97] —— [^98] μὴ εἰκῆ περὶ τῶν μεγίστων συμβαλλώμεθα.

[48] [^99] [^100] βίος: τῶι οὖν τόξωι ὄνομα βίος, ἔργον δὲ θάνατος. [^101]

[49] [^102] [^103] [^104] εἶς ἐμοὶ μύριοι, ἐὰν ἄριστος ἦι. [^105]

[49a] [^106] [^107] ποταμοῖς τοῖς αὐτοῖς ἐμβαίνομέν τε καὶ οὐκ ἐμβαίνομεν, εἶμέν τε καὶ οὐκ εἶμεν. [^108]

[50] [^109] [^110] Ἡ. μὲν οὖν 〈ἕν〉 φησιν εἶναι τὸ πᾶν διαιρετὸν ἀδιαίρετον, γενητὸν ἀγένητον, θνητὸν ἀθάνατον, λόγον αἰῶνα, πατέρα υἱόν, θεὸν δίκαιον· “οὐκ ἐμοῦ, ἀλλὰ τοῦ λόγου ἀκούσαντας ὁμολογεῖν σοφόν ἐστιν ἓν πάντα εἶναι” ὁ Ἡ. φησι.

[51] [^111] [^112] καὶ ὅτι τοῦτο οὐκ ἴσασι πάντες οὐδὲ ὁμολογοῦσιν, ἐπιμέμφεται ὧδέ πως· οὐ ξυνιᾶσιν ὅκως διαφερόμενον ἑωυτῶι ὁμολογέει· παλίντροπος ἁρμονίη ὅκωσπερ τόξου καὶ λύρης. [^113]

[52] [^114] [^115] αἰὼν παῖς ἐστι παίζων, πεττεύων· παιδὸς ἡ βασιληίη.

[53] [^116] —— Πόλεμος πάντων μὲν πατήρ ἐστι, πάντων δὲ βασιλεύς, καὶ τοὺς μὲν θεοὺς ἄδειξε τοὺς δὲ ἀνθρώπους, τοὺς μὲν δούλους ἐποίησε τοὺς δὲ ἐλευθέρους.

[54] [^117] —— ἁρμονίη ἀφανὴς φανερῆς κρείττων.

[55] [^118] —— ὅσων ὄψις ἀκοὴ μάθησις, ταῦτα ἐγὼ προτιμέω.

[56] [^119] ἐξηπάτηνται, φησίν, οἱ ἄνθρωποι πρὸς τὴν γνῶσιν τῶν φανερῶν παραπλησίως Ὁμήρωι, ὃς ἐγένετο τῶν Ἑλλήνων σοφώτερος πάντων. ἐκεῖνόν τε γὰρ παῖδες φθεῖρας κατακτείνοντες ἐξηπάτησαν εἰπόντες· ὅσα εἴδομεν καὶ ἐλάβομεν, ταῦτα ἀπολείπομεν, ὅσα δὲ οὔτε εἴδομεν οὔτ’ ἐλάβομεν, ταῦτα φέρομεν.

[57] [^120] [^121] διδάσκαλος δὲ πλείστων Ἡσίοδος· τοῦτον ἐπίστανται πλεῖστα εἰδέναι, ὅστις ἡμέρην καὶ εὐφρόνην οὐκ ἐγίνωσκεν· ἔστι γὰρ ἕν.

[58] [^122] —— καὶ ἀγαθὸν καὶ κακόν [näml. ἕν ἐστιν]. οἱ γοῦν ἰατροί, φησὶν ὁ Ἡ., τέμνοντες, καίοντες πάντη, βασανίζοντες κακῶς τοὺς ἀρρωστοῦντας, ἐπαιτέονται μηδὲν ἄξιοι μισθὸν λαμβάνειν παρὰ τῶν ἀρρωστούντων, ταὐτὰ ἐργαζόμενοι, τὰ ἀγαθὰ καὶ τὰς νόσους.

[59] [^123] —— γναφείωι ὁδὸς εὐθεῖα καὶ σκολιὴ (ἡ τοῦ ὀργάνου τοῦ καλουμένου κοχλίου ἐν τῶι γναφείωι περιστροφὴ εὐθεῖα καὶ σκολιή· ἄνω γὰρ ὁμοῦ καὶ κύκλωι περιέρχεται) μία ἐστί, φησί, καὶ ἡ αὐτή.

[60] [^124] —— ὁδὸς ἄνω κάτω μία καὶ ὡυτή.

[61] [^125] θάλασσα ὕδωρ καθαρώτατον καὶ μιαρώτατον, ἰχθύσι μὲν πότιμον καὶ σωτήριον, ἀνθρώποις δὲ ἄποτον καὶ ὀλέθριον.

[62] [^126] —— ἀθάνατοι θνητοί, θνητοὶ ἀθάνατοι, ζῶντες τὸν ἐκείνων θάνατον, τὸν δὲ ἐκείνων βίον τεθνεῶτες.

[63] [^127] [^128] λέγει δὲ καὶ σαρκὸς ἀνάστασιν ταύτης 〈τῆς〉 φανερᾶς, ἐν ἧι γεγενήμεθα, καὶ τὸν θεὸν οἶδε ταύτης τῆς ἀναστάσεως αἴτιον οὕτως λέγων· ἔνθα δ’ ἐόντι ἐπανίστασθαι καὶ φύλακας γίνεσθαι ἐγερτὶ ζώντων καὶ νεκρῶν. λέγει δὲ καὶ τοῦ κόσμου κρίσιν καὶ πάντων τῶν ἐν αὐτῶι διὰ πυρὸς γίνεσθαι λέγων οὕτως·

[64] τὰ δὲ πάντα οἰακίζει Κεραυνός [^129], τουτέστι κατευθύνει, κεραυνὸν τὸ πῦρ λέγων τὸ αἰώνιον. λέγει δὲ καὶ φρόνιμον τοῦτο εἶναι τὸ πῦρ καὶ τῆς διοικήσεως τῶν ὅλων αἴτιον·

[65] καλεῖ δὲ αὐτὸ χρησμοσύνην καὶ κόρον [^130]· χρημοσύνη δὲ ἐστιν ἡ διακόσμησις κατ’ αὐτόν, ἡ δὲ ἐκπύρωσις κόρος.

[66] πάντα γάρ, φησί, τὸ πῦρ ἐπελθὸν κρινεῖ καὶ καταλήψεται [^131].

[67] [^132] —— ὁ θεὸς ἡμέρη εὐφρόνη, χειμὼν θέρος, πόλεμος εἰρήνη, κόρος λιμός (τἀναντία ἅπαντα· οὗτος ὁ νοῦς), ἀλλοιοῦται δὲ ὅκωσπερ 〈πῦρ〉, ὁπόταν συμμιγῆι θυώμασιν, ὀνομαζεται καθ’ ἡδονὴν ἑκάστου.

[67a] [^133] [^134] ita vitalis calor a sole procedens omnibus quae vivunt vitam subministrat. cui sententiae Heraclitus adquiescens optimam 72 similitudinem dat de aranea ad animam, de tela araneae ad corpus. sic〈ut〉 aranea, ait, stans in medio telae sentit, quam cito musca aliquem filum suum corrumpit itaque illuc celeriter currit quasi de fili perfectione dolens, sic hominis anima aliqua parte corporis laesa illuc festine meat quasi impatiens laesionis corporis, cui firme et proportionaliter iuncta est.

[68] [^135] [^136] καὶ διὰ τοῦτο εἰκότως αὐτὰ ἄκεα Ἡ. προσεῖπεν ὡς ἐξακεσόμενα τὰ δεινὰ καὶ τὰς ψυχὰς ἐξάντεις ἀπεργαζόμενα τῶν ἐν τῆι γενέσει συμφορῶν.

[69] [^137] [^138] θυσιῶν τοίνυν τίθημι διττὰ εἴδη· τὰ μὲν τῶν ἀποκεκαθαρμένων παντάπασιν ἀνθρώπων, οῖα ἐφ’ ἑνὸς ἄν ποτε γένοιτο σπανίως, ὥς φησιν Ἡ., ἤ τινων ὀλίγων εὐαριθμήτων ἀνδρῶν· τὰ δ’ ἔνυλα κτλ.

[70] [^139] [^140] πόσωι δὴ οὖν βέλτιον Ἡ. παίδων ἀθύρματα νενόμικεν εἶναι τὰ ἀνθρώπινα δοξάσματα.

[71] [^141] [^142] μεμνῆσθαι δὲ καὶ τοῦ ἐπιλανθανομένου ἦι ἡ ὁδὸς ἄγει.

[72] [^143] — — ὧι μάλιστα διηνεκῶς ὁμιλοῦσι λόγωι τῶι τὰ ὅλα διοικοῦντι, τούτωι διαφέρονται, καὶ οἶς καθ’ ἡμέραν ἐγκυροῦσι, ταῦτα αὐτοῖς ξένα φαίνεται.

[73] [^144] — — οὐ δεῖ ὥσπερ καθεύδοντας ποιεῖν καὶ λέγειν· καὶ γὰρ καὶ τότε δοκοῦμεν ποιεῖν καὶ λέγειν.

[74] [^145] — — οὐ δεῖ 〈ὡς〉 παῖδας τοκεώνων, τοῦτ’ ἔστι κατὰ ψιλόν· καθότι παρειλήφαμεν.

[75] [^146] [^147] τοὺς καθεύδοντας οἶμαι ὁ ῾Ἡ. ἐργάτας εἶναι λέγει καὶ συνεργοὺς τῶν ἐν τῶι κόσμωι γινομένων.

[76] [^148] [^149] ζῆι πῦρ τὸν γῆς θάνατον καὶ ἀὴρ ζῆι τὸν πυρὸς θάνατον, ὕδωρ ζῆι τὸν ἀέρος θάνατον, γῆ τὸν ὕδατος. [^150] πυρὸς θάνατος ἀέρι γένεσις, καὶ ἀέρος θάνατος ὕδατι γένεσις. [^151] [^152] ὅτι γῆς θάνατος ὕδωρ γενέσθαι καὶ ὕδατος θάνατος ἀέρα γενέσθαι καὶ ἀέρος πῦρ καὶ ἔμπαλιν.

[77] [^153] [^154] ὅθεν καὶ Ἡράκλειτον ψυχῆισι φάναι τέρψιν ἢ θάνατον ὑγρῆισι γενέσθαι. τέρψιν δὲ εἶναι αὐταῖς τὴν εἰς γένεσιν πτῶσιν, ἀλλαχοῦ δὲ φάναι ζῆν ἡμᾶς τὸν ἐκείνων θάνατον καὶ ζῆν ἐκείνας τὸν ἡμέτερον θάνατον [^155].

[78] [^156] [^157] ἦθος γὰρ ἀνθρώπειον μὲν οὐκ ἔχει γνώμας, θεῖον δὲ ἔχει.

[79] [^158] [^159] ἀνὴρ νήπιος ἤκουσε πρὸς δαίμονος ὅκωσπερ παῖς πρὸς ἀνδρός.

[80] [^160] [^161] εἰδέναι δὲ χρὴ τὸν πόλεμον ἐόντα ξυνόν, καὶ δίκην ἔριν, καὶ γινόμενα πάντα κατ’ ἔριν καὶ †χρεώμενα.

[81] [^162] [^163] ἡ δὲ τῶν ῥητόρων εἰσαγωγὴ πάντα τὰ θεωρήματα πρὸς τοῦτ’ ἔχει τείνοντα καὶ κατὰ τὸν Ἡράκλειτον κοπίδων ἐστὶν ἀρχηγός.

[82] [^164] [^165] πιθήκων ὁ κάλλιστος αἰσχρὸς ἀνθρώπων γένει συμβάλλειν.

[83] [^166] [^167] ἀνθρώπων ὁ σοφώτατος πρὸς θεὸν πίθηκος φανεῖται καὶ σοφίαι καὶ κάλλει καὶ τοῖς ἄλλοις πᾶσιν.

[84] [^168] [^169] μεταβάλλον ἀναπαύεται καὶ κάματός ἐστι τοῖς αὐτοῖς μοχθεῖν καὶ ἄρχεσθαι.

[85] [^170] [^171] θυμῶι μάχεσθαι χαλεπόν· ὅ τι γὰρ ἂν θέληι, ψυχῆς ὠνεῖται.

[86] [^172] [^173] ἀλλὰ τῶν μὲν θείων τὰ πολλά, καθ’ Ἡράκλειτον, ἀπιστίηι διαφυγγάνει μὴ γιγνώσκεσθαι.

[87] [^174] [^175] βλὰξ ἄνθρωπος ἐπὶ παντὶ λόγωι ἐπτοῆσθαι φιλεῖ.

[88] [^176] [^177] ταὐτό τ’ ἔνι ζῶν καὶ τεθνηκὸς καὶ τὸ ἐγρηγορὸς καὶ τὸ καθεῦδον καὶ νέον καὶ γηραιόν· τάδε γὰρ μεταπεσόντα ἐκεῖνά ἐστι κἀκεῖνα πάλιν μεταπεσόντα ταῦτα. [^178]

[89] [^179] [^180] ὁ Ἡ. φησι τοῖς ἐγρηγορόσιν ἕνα καὶ κοινόν κόσμον εἶναι, τῶν δὲ κοιμωμένων ἕκαστον εἰς ἴδιον ἀποστρέφεσθαι.

[90] [^181] [^182] πυρός τε ἀνταμοιβὴ τὰ πάντα καὶ πῦρ ἁπάντων ὅκωσπερ χρυσοῦ χρήματα καὶ χρημάτων χρυσός.

[91] [^183] [^184] ποταμῶι γὰρ οὐκ ἔστιν ἐμβῆναι δὶς τῶι αὐτῶι καθ’ Ἡράκλειτον [^185] οὐδὲ θνητῆς οὐσίας δὶς ἅψασθαι κατὰ ἕξιν 〈τῆς αὐτῆς〉· ἀλλ’ ὀξύτητι καὶ τάχει μεταβολῆς σκίδνησι καὶ πάλιν συνάγει (μᾶλλον δὲ οὐδὲ πάλιν οὐδ’ ὕστερον, ἀλλ’ ἅμα συνίσταται καὶ ἀπολείπει) καὶ πρόσεισι καὶ ἄπεισι.

[92] [^186] [^187] Σίβυλλα δὲ μαινομένωι στόματι καθ’ Ἡράκλειτον ἀγέλαστα καὶ ἀκαλλώπιστα καὶ ἀμύριστα φθεγγομένη χιλίων ἐτῶν ἐξικνεῖται τῆι φωνῆι διὰ τὸν θεόν.

[93] [^188] [^189] ὁ ἄναξ, οὗ τὸ μαντεῖόν ἐστι τὸ ἐν Δελφοῖς, οὔτε λέγει οὔτε κρύπτει ἀλλὰ σημαίνει.

[94] [^190] [^191] ἥλιος γὰρ οὐχ ὑπερβήσεται μέτρα· εἰ δὲ μή, Ἐρινύες μιν Δίκης ἐπίκουροι ἐξευρήσουσιν.

[95] [^192] [^193] ἀμαθίην γὰρ ἄμεινον κρύπτειν, ἔργον δὲ ἐν ἀνέσει καὶ παρ’ οἶνον [^194].

[96] [^195] [^196] νέκυες γὰρ κοπρίων ἐκβλητότεροι.

[97] [^197] [^198] κύνες γὰρ καταβαΰζουσιν ὧν ἂν μὴ γινώσκωσι.

[98] [^199] [^200] αἱ ψυχαὶ ὀσμῶνται καθ’ Ἅιδην.

[99] [^201] [^202] [^203] εἰ μὴ ἥλιος ἦν, ἕνεκα τῶν ἄλλων ἄστρων εὐφρόνη ἂν ἦν.

[100] [^204] [^205]... περιόδους· ὦν ὁ ἥλιος ἐπιστάτης ὢν καὶ σκοπὸς ὁρίζειν καὶ βραβεύειν καὶ ἀναδεικνύναι καὶ ἀναφαίνειν μεταβολὰς καὶ ὥρας αἳ πάντα φέρουσι καθ’ Ἡράκλειτον κτλ.

[101] [^206] [^207] ἐδιζησάμην ἐμεωυτόν.

[101a] [^208] [^209] δυεῖν γὰρ ὄντων κατὰ φύσιν ὡσανεί τινων ὀργάνων ἡμῖν, οἶς πάντα πυνθανόμεθα καὶ πολυπραγμονοῦμεν, ἀκοῆς καὶ ὁράσεως, ἀληθινωτέρας δ’ οὔσης οὐ μικρῶι τῆς ὁράσεως κατὰ τὸν Ἡράκλειτον· ὀφθαλμοὶ γὰρ τῶν ὤτων ἀκριβέστεροι μάρτυρες.

[102] [^210] [^211] τῶι μὲν θεῶι καλὰ πάντα καὶ ἀγαθὰ καὶ δίκαια, ἄνθρωποι δὲ ἃ μὲν ἄδικα ὑπειλήφασιν ἃ δὲ δίκαια.

[103] [^212] [^213] ξυνὸν γὰρ ἀρχὴ καὶ πέρας ἐπὶ κύκλου περιφερείας.

[104] [^214] [^215] τίς γὰρ αὐτῶν νόος ἢ φρήν; δήμων ἀοιδοῖσι πείθονται καὶ διδασκάλωι χρείωνται ὁμίλωι οὐκ εἰδότες ὅτι “οἱ πολλοὶ κακοί, ὀλίγοι δὲ ἀγαθοί” [^216].

[105] [^217] [^218] ἐντεῦθεν ἀστρολόγον φησὶ τὸν Ὅμηρον καὶ ἐν οἶς φησι μοῖραν δ’ οὔ τινά φημι πεφυγμένον ἔμμεναι ἀνδρῶν’ κτλ.

[106] [^219] [^220] unus dies par omni est.

[107] [^221] [^222] κακοὶ μάρτυρες ἀνθρώποισιν ὀφθαλμοὶ καὶ ὦτα βαρβάρους ψυχὰς ἐχόντων [^223].

[108] [^224] [^225] Hense Ἡρακλείτου. ὁκόσων λόγους ἤκουσα, οὐδεὶς ἀφικνεῖται ἐς τοῦτο, ὥστε γινώσκειν ὅτι σοφόν ἐστι πάντων κεχωρισμένον.

[109] [^226] [^227] κρύπτειν ἀμαθίην κρέσσον ἢ ἐς τὸ μέσον φέρειν [^228].

[110] [^229] [^230] ἀνθρώποις γίνεσθαι ὁκόσα θέλουσιν οὐκ ἄμεινον [^231].

[111] [^232] [^233] νοῦσος ὑγιείην ἐποίησεν ἡδύ, κακὸν ἀγαθόν, λιμὸς κόρον, κάματος ἀνάπαυσιν.

[112] [^234] [^235] τὸ φρονεῖν ἀρετὴ μεγίστη, καὶ σοφίη ἀληθέα λέγειν καὶ ποιεῖν κατὰ φύσιν ἐπαΐοντας.

[113] [^236] [^237] ξυνόν ἐστι πᾶσι τὸ φρονέειν.

[114] [^238] [^239] ξὺν νόωι λέγοντας ἰσχυρίζεσθαι χρὴ τῶι ξυνῶι πάντων, ὅκωσπερ νόμωι πόλις, καὶ πολὺ ἰσχυροτέρως. τρέφονται γὰρ πάντες οἱ ἀνθρώπειοι νόμοι ὑπὸ ἑνὸς τοῦ θείου· κρατεῖ γὰρ τοσοῦτον ὁκόσον ἐθέλει καὶ ἐξαρκεῖ πᾶσι καὶ περιγίνεται.

[115] [^240] [^241] ψυχῆς ἐστι λόγος ἑαυτὸν αὔξων.

[116] [^242] [^243] ἀνθρώποισι πᾶσι μέτεστι γινώσκειν ἑωυτοὺς καὶ φρονεῖν.

[117] [^244] [^245] ἀνὴρ ὁκόταν μεθυσθῆι, ἄγεται ὑπὸ παιδὸς ἀνήβου σφαλλόμενος, οὐκ ἐπαΐων ὅκη βαίνει, ὑγρὴν τὴν ψυχὴν ἔχων.

[118] [^246] [^247] αὐγὴ ξηρὴ ψυχὴ σοφωτάτη καὶ ἀρίστη

[119] [^248] [^249] Ἡ. ἔφη ὡς ἦθος ἀνθρώπωι δαίμων.

[120] [^250] [^251] Βέλτιον δ’ Ἡ. καὶ ὁμηρικωτέρως ὁμοίως ἀντὶ τοῦ ἀρκτικοῦ τὴν ἄρκτον ὀνομάζων· ἠοῦς καὶ ἑσπέρας τέρματα ἡ ἄρκτος καὶ ἀντίον τῆς ἄρκτου οὖρος αἰθρίου Διός. ὁ γὰρ ἀρκτικός ἐστι δύσεως καὶ ἀνατολῆς ὅρος, οὐχ ἡ ἄρκτος.

[121] [^252] [^253] ἄξιον Ἐφεσίοις ἡβηδὸν ἀνάγξασθαι πᾶσι καὶ τοῖς ἀνήβοις τὴν πόλιν καταλιπεῖν, οἵτινες Ἑρμόδωρον ἄνδρα ἑωυτῶν ὀνήιστον ἐξέβαλον φάντες· ἡμέων μηδὲ εἶς ὀνήιστος ἔστω, εἰ δὲ μή, ἄλλη τε καὶ μετ’ ἄλλων.

[122] [^254] [^255] ἀμφισβατεῖν und ἀγχιβατεῖν: ἀγχιβασίην Ἡράκλειτος.

[123] [^256] [^257] φύσις δὲ καθ’ Ἡράκλειτον κρύπτεσθαι φιλεῖ.

[124] [^258] [^259] ἄλογον δὲ κἀκεῖνο δόξειεν ἄν, εἰ ὁ μὲν ὅλος οὐρανὸς καὶ ἕκαστα τῶν μερῶν ἅπαντ’ ἐν τάξει καὶ λόγωι, καὶ μορφαῖς καὶ δυνάμεσιν καὶ περιόδοις, ἐν δὲ ταῖς ἀρχαῖς μηθὲν τοιοῦτον, ἀλλ’ ὥσπερ σάρμα εἰκῇ κεχυμένον ὁ κάλλιστος, φησὶν Ἡράκλειτος, [ὁ] κόσμος.

[125] [^260] [^261] καὶ ὁ κυκεὼν διίσταται 〈μὴ〉 κινούμενος.

[125a] [^262] [^263] τυφλὸν δὲ τὸν Πλοῦτον ποιεῖ ὡς οὐκ ἀρετῆς, κακίας δὲ παραιτίου. ὅθεν καὶ Ἡ. ὁ Ἐφέσιος ἀρώμενος Ἐφεσίοις, οὐκ ἐπευχόμενος· μὴ ἐπιλίποι ὑμᾶς πλοῦτος, ἔφη, Ἐφέσιοι, ἵν’ ἐξελέγχοισθε πονηρευόμενοι.

[126] [^264] [^265] τὰ ψυχρὰ θέρεται, θερμὸν ψύχεται, ὑγρὸν αὐαίνεται, καρφαλέον νοτίζεται.

[126a] [^266] [^267] κατὰ λόγον δὲ ὡρέων συμβάλλεται ἑβδομὰς κατὰ σελήνην, διαιρεῖται δὲ κατὰ τὰς ἄρκτους, ἀθανάτου Μνήμης σημείω.

[126b] [^268] [^269] Ἐπίχαρμος ὁ 〈ὁμιλή〉σας τοῖς Πυθα〈γορείοις〉 ἄλλα τ〈έ〉 τινα ἐ〈πινενόη〉κεν δ〈ειν〉ὰ τ〈όν τε περὶ το〉ῦ αὐξο〈μένου λόγον〉. ἐφοδ〈εύει δὲ κατὰ τὸ〉 Ἡρα〈κλείτου〉 “ἄλλως ἄ〈λλο ἀεὶ αὔξε〉ται πρὸς ὃ 〈ἂν ἦι ἐλλι〉πές”. εἰ οὖν 〈μηδεὶς〉 〈παύε〉ται 〈ρέων καὶ ἀλ〉λ〈ἀτ〉των 〈τὸ εἶδος, αἱ〉 οὐσίαι ἄλλ〈οτε ἄλλαι〉 γίνονται 〈κατὰ συν〉εχῆ ῥύσιν.

[127] [^270] [^271] ὁ αὐτὸς πρὸς Αἰγυπτίους ἔφη· εἰ θεοί εἰσιν, ἵνα τί θρηνεῖτε αὐτούς; εἰ δὲ θρηνεῖτε αὐτούς, μηκέτι τούτους ἡγεῖσθε θεούς.

[128] [^272] [^273] ὅτι ὁ Ἡράκλειτος ὁρῶν τοὺς Ἕλληνας γέρα τοῖς δαίμοσιν ἀπονέμοντας εἶπεν· δαιμόνων ἀγάλμασιν εὔχονται οὐκ ἀκούουσιν, ὥσπερ ἀκούοιεν, οὐκ ἀποδιδοῦσιν, ὥσπερ οὐκ ἀπαιτοῖεν.

[129] [^274] [^275] Πυθαγόρης Μνησάρχου ἱστορίην ἤσκησεν ἀνθρώπων μάλιστα πάντων καὶ ἐκλεξάμενος ταύτας τὰς συγγραφὰς ἐποιήσατο ἑαυτοῦ σοφίην, πολυμαθείην, κακοτε χνίην.

[130] [^276] [^277] non convenit ridiculum esse ita, ut ridiculus ipse videaris. Heraclitus dixit.

[131] [^278] [^279] ὁ δὲ γε Ἡ. ἔλεγε τὴν οἴησιν κροκοκῆς ἐγκοπήν.

[132] [^280] [^281] τιμαὶ θεοὺς καὶ ἀνθρώπους καταδουλοῦνται.

[133] [^282] [^283] ἄνθρωποι κακοὶ ἀληθινῶν ἀντίδικοι.

[134] [^284] [^285] τὴν παιδείαν ἕτερον ἥλιον εἶναι τοῖς πεπαιδευμἐνοις.

[135] [^286] [^287] συντομωτάτην ὁδὸν ἔλεγεν εἰς εὐδοξίαν τὸ γενέσθαι ἀγαθόν.

[136] [^288] [^289] Ἡρακλείτου· ψυχαὶ ἀρηίφατοι καθερώτεραι (20) ἢ ἐνὶ νούσοις.

[137] [^290] [^291] γράφει γοῦν “ἔστι γὰρ εἱμαρμένα πάντως... ”

[138] [^292] [^293] Ἡρακλείτου φιλοσόφου κατὰ τοῦ βίου. 81 Ποίην τίς βιότοιο τάμοι τρίβον κτλ. = [^294] [^295] = [^296]

[139] [^297] [^298] Ἡρακλείτου φιλοσόφου. Ἐπειδὴ φασί τινες εἰς ἀρχὰς κεῖσθαι τὰ ἄστρα … μέχρις οὑ ἐθέλει ὁ ποιήσας αὐτόν.

[^1]: [2 Bywater]
[^2]: Sext. adv. math, VII 132 (Vgl. A 4. 16. B 51)
[^3]: (92)
[^4]: Sext. VII 133 [vgl. S. 75, 30]
[^5]: (0)
[^6]: Aët. II 21, 4 (D. 351, περὶ μεγέθους ἡλίου)
[^7]: [J. of phil. IX 230]
[^8]: Albertus M. de veget. VI 401 p. 545 Meyer H.
[^9]: [130. 126]
[^10]: Aristocritus Theosophia 68 (Buresch Klaros 118), Orig. c. Cels. VII 62
[^11]: (32)
[^12]: Aristoteles meteor. B 2. 355a 13 [vgl. 55 B 158]
[^13]: (37)
[^14]: — de sensu 5. 443a 23
[^15]: (46)
[^16]: — eth. Nic. Θ 2. 1155b 4
[^17]: [s. Β 80]
[^18]: (51)
[^19]: — — K. 5. 1176a 7
[^20]: (59)
[^21]: [Arist.] de mundo 5. 396b 7
[^22]: (55)
[^23]: [Arist.] de mundo 6 p. 401a 8
[^24]: [41. 42]
[^25]: Arius Did. ap. Eus. P. E. XV 20 (D. 471, 1)
[^26]: [vgl. B 49a.91 und A 6. 15]
[^27]: (54)
[^28]: Athen. V p. 178F
[^29]: [Vgl. B 9. 55 B 147].
[^30]: Clem. Strom. I 2 (II 4, 3 St.)
[^31]: [Vgl. B 37. Plotin. I 1, 6].
[^32]: [124. 125]
[^33]: Clem. Protr. 22 (p. 16, 24 St.)
[^34]: (127)
[^35]: — — 34 p. 26, 6
[^36]: (27)
[^37]: — Paedag. II 99 (I 216, 28 St.)
[^38]: (5)
[^39]: — Strom. II 8 (II 117, 1 St.)
[^40]: (7)
[^41]: —— II 17 (II 121, 24)
[^42]: [Vgl. B 27.]
[^43]: (6)
[^44]: Clem. Strom. II (II 126, 5)
[^45]: (86)
[^46]: —— III 14 (II 201, 23)
[^47]: (64)
[^48]: —— 21 (II 205, 7)
[^49]: (8)
[^50]: —— IV 4 (II 249, 23)
[^51]: (60)
[^52]: 10 (II 252, 25)
[^53]: (102)
[^54]: —— 16 (II 255, 30)
[^55]: (101)
[^56]: 50 (II 271, 3)
[^57]: (77)
[^58]: ——— 143 (II 310, 21)
[^59]: (122)
[^60]: ——— 146 (II 312, 15)
[^61]: (118)
[^62]: —— V 9 (II 331, 20)
[^63]: (111b)
[^64]: ——— 60 (II 366, 11) [nach B 104] vgl. IV 50 (II 271, 17)
[^65]: (20)
[^66]: Clem. Strom. V 105 (II 396, 10) [Plut. d. anim. 5 p 1014A]
[^67]: (21)
[^68]: —— (II 396, 13) [nach 30]
[^69]: (23)
[^70]: (65)
[^71]: —— 116 (II 404, 1)
[^72]: (110)
[^73]: (3)
[^74]: (49)
[^75]: 141 (II 421, 4)
[^76]: (68)
[^77]: VI 16 (II 435, 25)
[^78]: (53)
[^79]: Columella VIII 4
[^80]: [vgl. B 13]
[^81]: (33)
[^82]: Diog. I 23 [1 A 1 Thales]
[^83]: (112)
[^84]: — Ι 88
[^85]: [Vgl. B 104].
[^86]: (16)
[^87]: Diog. IX 1 [s. A 1 S. 67, 25 vgl. Athen. XIII 610 B]
[^88]: (19)
[^89]: —— [anschl. an 40]
[^90]: (119)
[^91]: (103)
[^92]: 2
[^93]: (100)
[^94]: (71)
[^95]: 7
[^96]: (132)
[^97]: (48)
[^98]: 73
[^99]: (66)
[^100]: Etym. Gen.
[^101]: [Vgl. C. 2, 21.]
[^102]: (113)
[^103]: Galen. de diff. puls., VIII 773 K.
[^104]: [Symmach. ep. IX 115, Theod. Prodr. ep. p. 20]
[^105]: [Vgl. 55 B 98. 302a.]
[^106]: (81)
[^107]: Heraclit. alleg. 24 (nach 62)
[^108]: [Vgl. B 12.]
[^109]: (1)
[^110]: Hippol. refut. IX 9
[^111]: [45; vgl. 56]
[^112]: —— (nach B 50)
[^113]: [Folgt. B 1.]
[^114]: (79)
[^115]: Hippol. IX 9
[^116]: (44)
[^117]: (47)
[^118]: (13)
[^119]: [47 Anm.]
[^120]: (35)
[^121]: — IX 10
[^122]: [57, 58]
[^123]: (50)
[^124]: (69)
[^125]: (52)
[^126]: (67)
[^127]: (123)
[^128]: Hippol. IX 10
[^129]: (28)
[^130]: (24)
[^131]: (26)
[^132]: (36)
[^133]: (0)
[^134]: Hisdosus Scholasticus ad Chalcid. Plat. Tim. [cod. Paris. I. 8684 s. XII f. 2]
[^135]: (129)
[^136]: Iambl. de myst. I 11
[^137]: (128)
[^138]: — V 15
[^139]: [79 Anm.]
[^140]: — de anima [Stob. ecl. n II 1, 16]
[^141]: [73 Anm.]
[^142]: Marc. Anton. IV 46 (nach 76)
[^143]: (93)
[^144]: (94)
[^145]: [97 Anm.]
[^146]: (90)
[^147]: — VI 42
[^148]: (25)
[^149]: Maxim. Tyr. XII 4 p. 489 [nach B 60. 62]
[^150]: Plut. de E 18. 392 c
[^151]: (Vgl. de primo frig. 10. 949 a).
[^152]: Marc. IV 46 (vor B 71)
[^153]: (72)
[^154]: Numen. fr. 35 Thedinga bei Porphyr. antr. nymph. 10
[^155]: [Β 62]
[^156]: (96)
[^157]: Orig. c. Cels. VI 12 p. 82, 23 Koetschau [wie 79. 80 aus Celsus]
[^158]: (97)
[^159]: — — [nach 78]
[^160]: (62)
[^161]: Orig. c. Cels. VI 42 (II 111, 11 Koetschan)
[^162]: [vgl. 138]
[^163]: Philodem. Rhet. I c. 57. 62 S. 351. 354 Sudh. [aus d. Stoiker Diogenes]
[^164]: (99)
[^165]: Plato Hipp. maior. 289 a
[^166]: (98)
[^167]: — — B
[^168]: [83. 82]
[^169]: Plotin. Enn. IV 8, 1
[^170]: (105)
[^171]: Plut. Coriol 22
[^172]: (116)
[^173]: — — 38
[^174]: (117)
[^175]: — de aud. 7 p. 41 A
[^176]: (78)
[^177]: — cons. ad Apoll. 10 p. 106 E
[^178]: [Vgl. Sext. P. H. III 230].
[^179]: (95)
[^180]: — de superst. 3 p. 166 c
[^181]: (22)
[^182]: — de E 8 p. 388 e
[^183]: [41. 40]
[^184]: Plut. de E 18 p. 392b
[^185]: [vgl. Β 12]
[^186]: (12)
[^187]: — de Pyth. or. 6 p. 397 a
[^188]: (11)
[^189]: — — 18 p. 404d
[^190]: (29)
[^191]: — de exil. 11 p. 604 a
[^192]: (108)
[^193]: Plut. Sympos. III pr. 1 p. 644 F
[^194]: [vgl. B 109]
[^195]: (85)
[^196]: — — IV 4, 3. p. 669 A
[^197]: (115)
[^198]: — an seni resp. 7. p. 787 C
[^199]: (38)
[^200]: — fac. lun. 28 p. 943 E
[^201]: (31)
[^202]: — aqu. et ign. comp. 7 p. 957 A;
[^203]: de fort. 3. p. 98 C
[^204]: (34)
[^205]: — Qu. Plat. 8, 4 p. 1007 D
[^206]: (80)
[^207]: — adv. Colot. 20. 1118 C
[^208]: (15)
[^209]: Polyb. XII 27
[^210]: (61)
[^211]: Porphyr. zu Δ 4 [I 69, 6 Schr.]
[^212]: (70)
[^213]: — zu Ξ 200 [I 190 Schr.]
[^214]: (111a)
[^215]: Procl. in Alc. I p. 525, 21 (1864)
[^216]: [vgl. Bias c. 73 a 3 ς]
[^217]: [119 Anm.]
[^218]: Schol. Hom. AT zu Σ 251 Ἡ.
[^219]: (120)
[^220]: Seneca ep. 12, 7
[^221]: (4)
[^222]: Sext. Emp. VII 126
[^223]: [vgl. A 16 S. 74, 36ff.; B 101 a]
[^224]: (18)
[^225]: Stob. flor. I 174
[^226]: (108)
[^227]: — — 175
[^228]: [vgl. B 95]
[^229]: (104a)
[^230]: — — 176
[^231]: [vgl. B 85]
[^232]: (104b)
[^233]: — — 177
[^234]: (107)
[^235]: — — 178
[^236]: (91)
[^237]: — — 179
[^238]: (91b)
[^239]: — — 179
[^240]: (0)
[^241]: Stob. flor. I 180a
[^242]: (106)
[^243]: — — v 6
[^244]: (73)
[^245]: — — 7
[^246]: [74—76]
[^247]: — — 8
[^248]: (121)
[^249]: — — IV 40, 23
[^250]: (30)
[^251]: Strabo I 6 p. 3
[^252]: (114)
[^253]: XIV 25 p. 642. Diog. IX 2 [s. S. 67, 29]
[^254]: (9)
[^255]: Suid. s. v.
[^256]: (10)
[^257]: Themist. or. 5 p. 69
[^258]: [46 Anm.]
[^259]: Theophr. Metaphys. 15 p. 7a 10 Usen.
[^260]: (84)
[^261]: Theophr. de vert. 9
[^262]: (0)
[^263]: Tzetzes ad Aristoph. Plut. 88 [Ambr., Paris.]
[^264]: (39)
[^265]: schol. ad exeg. II p. 126 Herm.
[^266]: (0)
[^267]: Anatol. de decade p.36 Heiberg (Annales d’histoire. Congrès de Paris 1901. 5. section)
[^268]: (0)
[^269]: Anonym. in Plat. Τheaet. [Berl. Klassikert. 2] 71, 12 zu p. 152 E [13 A 6]
[^270]: (0)
[^271]: Aristocritus Theos. 69 [nach B 5]
[^272]: (0)
[^273]: — 74
[^274]: (17)
[^275]: Diog. VIII 6
[^276]: (0)
[^277]: Gnomol. Monac. lat. I 19 (Caecil. Balb. Wölffin p. 18)
[^278]: (134)
[^279]: Paris. ed. Sternbach n. 209
[^280]: (0)
[^281]: — Vatic. 743 n. 312 Sternb.
[^282]: (0)
[^283]: —— 313
[^284]: (135)
[^285]: —— 314
[^286]: (137)
[^287]: —— 315
[^288]: (0)
[^289]: Schol. Epictet. Bodl. p. LXXI Schenkl
[^290]: (63)
[^291]: Stob. ecl. I 5, 15 p.78, 11 (nach Aët. I 27, 1 S. 12 A 8)
[^292]: (0)
[^293]: Cod. Paris. 1630 s. XIV f. 191r
[^294]: Anth. Pal. IX 359.
[^295]: Stob. fl. 98, 57
[^296]: Posidipp. ep. 21 p. 79 Schott.
[^297]: (0)
[^298]: Catal. Codd. Astrol. Graec. IV 38 VII 106