---
id: targum-escritos-mg-20-proverbios
type: primary_text
title: Provérbios (Targum dos Escritos)
original_title: משלי
base_edition: Targum dos Escritos (Ketuvim), texto das Mikraot Gedolot (a Bíblia rabínica), na digitalização do Sefaria
language: arc
tags:
- bible
- targum
- targum-ketuvim
- aramaic
- writings
- tanakh
status: draft
project: pedra_angular
reference_system: verse
abbrev: Pv
book_number: 20
urn_work: urn:cts:pedraAngular:bible.Prov
urn: urn:cts:pedraAngular:bible.Prov.targum-arc1
source: Sefaria-Export (sefaria.org), versão "Mikraot Gedolot" de "Aramaic Targum to Proverbs", lida em 2026-10-10.
source_repo: Sefaria/Sefaria-Export
source_file: json/Tanakh/Targum/Aramaic Targum/Writings/Aramaic Targum to Proverbs/Hebrew/Mikraot Gedolot.json
license: public-domain
publishable: true
processing: JSON do Sefaria-Export posto na forma das Bíblias do acervo por Διαφορεύς, Claude Opus 5.5, em 2026-10-10 (sefaria_para_acervo.py). Nenhuma normalização de grafia ou de vocalização; saíram só os espaços nas pontas do versículo e a marcação small da fonte (o texto que ela envolvia ficou).
---

# Provérbios — תרגום כתובים

## Capítulo 1

**1** מַתְלוֹי דִשְׁלֹמֹה בַּר דָוִד מַלְכָּא דְיִשְׂרָאֵל: ^pv-1-1

**2** לְמֵדַע חָכְמְתָא וּמַרְדוּתָא לְאֶתְבַּיִן אִמְרֵי בְיוּנְתָּא: ^pv-1-2

**3** לִמְקַבָּלָא מַרְדוּתָא דְשׂוּכְלָא וְצִדְקְתָא וְדִינָא וּתְרִיצוּתָא: ^pv-1-3

**4** לְמִתַּן לְשַׁבְרֵי עֲרִימוּתָא וְלִטְלָאֵי יְדִיעָתָא וְתַרְעֵיתָא: ^pv-1-4

**5** יִשְׁמַע חַכִּימָא וְיוֹסִיף מַדָעָא וְסוּכְלְתָנָא מַדְבְּרָנוּתָא יִקְנֵי: ^pv-1-5

**6** לְמִתְבְּיָנָא מַתְלָאָה וּפִלְאֲתָא וּמִילֵי דְחַכִּימֵי וְאוֹחֲדָתְהוֹן: ^pv-1-6

**7** רֵישׁ חָכְמְתָא דְחַלְתָּא דַייָ וְחָכְמְתָא וּמַרְדוּתָא סִיכְלֵי שָׁיְטִין: ^pv-1-7

**8** שְׁמַע בְּרִי מַרְדּוּתָא דַאֲבוּךְ וְלָא תִטְעֵי מִנִימוֹסָא דְאִמָךְ: ^pv-1-8

**9** מְטּוּל דְיֵאוּתָא וְחִסְדָא אִנוּן לְרֵישָׁךְ וְהַמְנִיכָא לְצַוְרָךְ: ^pv-1-9

**10** בְּרִי אִין נְשַׁדְלוּ לָךְ חֲטָאֵי לָא תִתְפַּיֵס: ^pv-1-10

**11** אִין יֵימְרוּן אֱתָא עִמָנָא נִכְמוֹן לִדְמָא נִטְשֵׁי לְזַכֵּי מַגָן: ^pv-1-11

**12** נִבְלָעִנוּן כִּשְׁיוֹל לְחַיֵי וְלִדְלָא מוּם הֵיךְ נָחֲתֵי גוּבָא: ^pv-1-12

**13** כָּל עוּתְרָא וִיקָרָא נִשְׁכַח וּנְמַלֵי בָתָּנָא בִּזְתָא: ^pv-1-13

**14** פַּיְסָךְ אַרְמֵי בֵּינָתָנָא כִּיסָא חַד יֶהֱוֵי לְכוּלָנָא: ^pv-1-14

**15** בְּרִי לָא תֵיזִיל בְּאָרְחָא עִמְהוֹן מְנַע רַגְלָךְ מִן שְׁבִילֵיהוֹן: ^pv-1-15

**16** מְטוּל דְרִגְלֵיהוֹן לְבִישְׁתָּא רָהֲטָן וּמִסְתַּרְהֲבִין לְמִשְׁפַּךְ דָמָא: ^pv-1-16

**17** מְטוּל דְמַגָן פְּרִיסָא מְצוּדְתָּא עַל פִּרְחֲתָא דְגַפָּא: ^pv-1-17

**18** וְהִנוּן לִדְמָהוֹן כָּמְנָן וּמִטְשִׁין לְנַפְשָׁתְהוֹן: ^pv-1-18

**19** הֵיכְדֵין אִנוּן אָרְחָתָא דְכָל דְעָבְדִין עִילָא נַפְשָׁתָא דְמָרֵיהוֹן נָסְבִין: ^pv-1-19

**20** חָכְמְתָא בְשׁוּקָא מִשְׁתַּבְּחָא וּמִשְׁקָקֵי יָהֲבָא קָלָהּ: ^pv-1-20

**21** בְּרֵישׁ בִּירָתָא מַכְרְזָא וּבְמַעֲלָנָא דְתַרְעֵי בִּכְרַכֵּי מִלָהָא אָמְרָה: ^pv-1-21

**22** עַד אֵימַת שַׁבְרֵי רָחֲמִין שַׁבְרוּתָא וּמְמִקְנֵי מְמִקְנוּתָא רְגִיגוּ לְהוֹן וְסַכְלֵי סָנִין יְדִיעֲתָא: ^pv-1-22

**23** תִּתְפְּנוּן לְמַכְסְנוּתִי אַבַּע לְכוֹן רוּחִי וְאוֹדְעִינוּן מִלָי: ^pv-1-23

**24** עַל דְקָרִית וְלָא הֵימַנְתּוּן אֲרֵימִית אַיְדַי וְלָא אֲצִיוּתוּן: ^pv-1-24

**25** וְשַׁנֵתוּן כָּל תַּרְעִיתִי וּמַכְסְנוּתָא לָא אֲבִיתוּן: ^pv-1-25

**26** אַף אֲנָא בְּתַבְרֵכוֹן אֶגְחַךְ וְאֶדְחַךְ כַּד יֵיתֵי דְלוּחְיָא עֲלֵיכוֹן: ^pv-1-26

**27** כַּד יֵיתֵי בְּשִׁלְיָא דְלוּחְיְכוֹן וּתְבַרְכוֹן כְּעַלְעוֹלָא יֵיתֵי כַּד תֵּיתֵא עֲלֵיכוֹן עָקְתָא וְשִׁנוֹקָא: ^pv-1-27

**28** הֵידֵין יִקְרוּנִי וְלָא אֶעֱנֶה נִקְרְיָן וְלָא תִשְׁכְּחִנַנִי: ^pv-1-28

**29** עַל דִסְנוֹי יְדִיעֲתָא וּדְחַלְתֵּיהּ דֶאֱלָהָא לָא אִתְרְעוּ: ^pv-1-29

**30** לָא צְבוּ בְּתַרְעִיתִי וְאַשְׁלִיאוּ לִי כָּל מַכְסָנוּתִי: ^pv-1-30

**31** וַאֲכַלוּ מִן פֵּרֵי דְאָרְחַתְהוֹן וּמִמִלְכֵּיהוֹן יִסְבַּעוּן: ^pv-1-31

**32** מְטוּל דְנֶהְפְּכָנוּתָא דְשַׁבְרֵי תִקְטוֹל אִנוּן וְטוּעֵי דְסִכְלֵי תוֹבְדִנוּן: ^pv-1-32

**33** מַן דְשָׁמֵעַ לִי נִשְׁרֵי בְּסִבְרָא וְנִשְׁרָא מִן דְלוּחָא דְבִישְׁתָּא: ^pv-1-33

## Capítulo 2

**1** בְּרִי אִין תְּקַבֵל מִלַי וּפוּקְדָנִי תִּטְשֵׁי גַבָּיִךְ: ^pv-2-1

**2** וְתַצְלֵי אֻדְנָךְ לְחָכְמְתָא וְתַפְנֵי לִבָּא לִבְיוּנָא: ^pv-2-2

**3** וְאִמָּא לִבְיוּנְנוּתָא תִקְרֵא וְלִבְיוּנָא תִּתֵּן קֳלָךְ: ^pv-2-3

**4** וְתִבְעֵי הֵיךְ סִימָא הֵיךְ סִימָתָא תִצְבְּיָהּ: ^pv-2-4

**5** הֵידֵין תִּתְבַּיֵן דְחַלְתֵּיהּ דֶאֱלָהָא וִידִיעֲתָא מִן קֳדָם אֱלָהָא תִשְׁכָּח: ^pv-2-5

**6** מְטוּל דֶאֱלָהָא יָהַב חָכְמְתָא מִן פּוּמֵיהּ יְדִיעֲתָא וּבְיוּנָא: ^pv-2-6

**7** יִטְשֵׁי לִתְרִיצֵי שִׁבְהוֹר וּמְסַיֵעַ לְאִילֵן דִמְהַלְכִין בְּלָא מוּם: ^pv-2-7

**8** לְמִנְטוֹר אָרְחָתָא דְדִינָא וְאָרְחָתָא דְצַדִיקִין נִנְטַר: ^pv-2-8

**9** הֵידֵין תִּתְבַּיֵן צִדְקְתָא וְדִינָא וּתְרִיצוּתָא דְכָל שִׁבְלֵי שַׁפִּירֵי: ^pv-2-9

**10** אֲרֵי תֵעוֹל חָכְמְתָא לְלִבָּךְ וִידִיעֲתָא לְנַפְשָׁךְ יִבְסָם: ^pv-2-10

**11** תַּרְעִיתָא תִּנְטוֹר עֲלָךְ בְּיוּנְתָּא תִּנְצְרָךְ: ^pv-2-11

**12** דִי תִתְפְּצֵי מִן אָרְחָא בִישָׁא וּמִן גַבְרָא דִמְמַלֵל מְפַרְכְיָתָא: ^pv-2-12

**13** דְשָׁבְקִין אָרְחָתָא תְרִיצָתָא וְאָזְלִין בְּאָרְחָתָא דַחֲשׁוֹכָא: ^pv-2-13

**14** דְחָדְיָן לְמֶעְבַּד בִּישׁ וְדִיצִין בְּהוֹפְכָא דְבִישְׁתָּא: ^pv-2-14

**15** דְאָרְחָתְהוֹן מְעַקְמָן וּמִפַּתְּלִין שְׁבִילֵיהוֹן: ^pv-2-15

**16** דְתִתְפְּצֵי מִן אִתְּתָא חִילוֹנִיתָא מִנוּכְרֵיתָא דְמִלָהָא חַלְיָן: ^pv-2-16

**17** דְשָׁבְקָה מַרְבִּיתָא דְטַלְיוּתָהָא וּקְיָמָא דֶאֱלָהָא טְעָת: ^pv-2-17

**18** דִבְעִמְקָא דְמוֹתָא בֵיתָהּ וּלְגִבָרַיָא הִלְכָתָא דִשְׁבִילָהָא: ^pv-2-18

**19** כָּל דְעָיְלָן לָא חָזְרִין בִּשְׁלָם וְלָא צָיְדִין אָרְחָתָא דְחַיֵי: ^pv-2-19

**20** בְּדִיל הַלֵךְ בְּאָרְחָתָא דְטָבֵי וּשְׁבִילֵי דְצַדִיקֵי תִנְטוֹר: ^pv-2-20

**21** מְטוּל דִתְרִיצֵי עָמְדִין בְּאַרְעָא וְאִלֵין דְלָא מוּם מִשְׁתּוֹתְרִין בָּהּ: ^pv-2-21

**22** וְרַשִׁיעַיָא מִן אַרְעָא נְסוּפוּן וּבָזוֹזֵי נִתְעַקְרוּן מִנָהּ: ^pv-2-22

## Capítulo 3

**1** בְּרִי נִימוֹסִי לָא תִנְשֵׁי וּפוּקְדָנִי יִנְטַר לִבָּךְ: ^pv-3-1

**2** מְטוּל דְנוּגְדָא דְיוֹמָתָא וּשְׁנַיָא דְחַיֵי וּשְׁלָמָא נוֹסְפוּן לָךְ: ^pv-3-2

**3** טֵיבוּתָא וְקוּשְׁטָא לָא נִשְׁבְּקוּנָךְ קְטוֹרִנוּן בְּצַוְרָךְ וּכְתוֹב אִנוּן עַל לוּחַ דִלְבָּךְ: ^pv-3-3

**4** וְתַשְׁכַּח חִסְדָא וְשִׂכְלָא וְטִיבוּתָא קֳדָם אֱלָהָא וְקָדָם בְּנֵי אֱנָשָׁא: ^pv-3-4

**5** סְבִיר בֵּאלָהָא מִן כֻּלֵי לִבָּךְ וְעַל בְּיוּנְתָּא דְלִבָּךְ לָא תִסְתְּמִיךְ: ^pv-3-5

**6** בְּכָל אָרְחָתָךְ דְעֵהוּ וְהוּא יְתָרֵץ שְׁבִילָךְ: ^pv-3-6

**7** לָא תְהֵי חַכִּים בְּאַפָּךְ דְחֵיל מִן אֱלָהָא וּסְטָא מִן בִּישְׁתָא: ^pv-3-7

**8** אַסְיוּתָא תֶהֱוֵי לְכוּנְשְׁרָךְ וְדוּהֲנָא לְגַרְמָיִךְ: ^pv-3-8

**9** יַקֵר לֵאלָהָךְ מִן מָמוֹנָךְ וּמֵרֵישׁ כֻּלְהוֹן עֲלַלְתָּךְ: ^pv-3-9

**10** וּמִתְמַלְיָן אוֹצְרָךְ שֻׂבְעָנָא וּמֻעְצַרְתָּךְ חַמְרָא נִשְׁפְּעָן: ^pv-3-10

**11** בְּרִי מַרְדוּתָא דֶאֱלָהָא לָא תַסְלֵא וְלָא תַמְרִיק בְמַכְסְנוּתֵיהּ: ^pv-3-11

**12** מְטוּל דִלְמַן דְרָחֵם לֵיהּ אֱלָהָא רָדֵיהּ לֵיהּ וְהֵיךְ אַבָּא דְרָדֵי לִבְרֵיהּ: ^pv-3-12

**13** טוּבוֹהִי לְבַר נָשָׁא דְאַשְׁכַּח חָכְמָתָא וּבַר נָשָׁא דְמַבִּיעַ בְּיוּנְתָּא: ^pv-3-13

**14** מְטוּל דְטָבָא תִּגְרוּתָהּ מִן תִּגְרוּתָא דְסִימָא וּמִן דַהֲבָא סְנִינָא עֲלַלְתָּהּ: ^pv-3-14

**15** יַקִירָא הִיא מִן כֵּיפֵי טָבָתָא וְכָל מִדָעַם לָא פָחֵים לֵיהּ: ^pv-3-15

**16** נוּגְדָא דְיוֹמָתָא בִימִינָהּ וּבִשְׂמָאלָהּ עוּתְרָא וִיקָרָא: ^pv-3-16

**17** אָרְחָתָהָא אָרְחָתָא דְבוּסְמָא וְכֻלְהוֹן הֲלִיכָתָהָא שְׁלָמָא: ^pv-3-17

**18** אִילָנָא דְחַיֵי הִיא לְאִלֵין דְמִתְחַזְקִין בָּה וְאִלֵין דְמִתְעַסְקִין בָהּ טוּבֵיהוֹן: ^pv-3-18

**19** אֱלָהָא בְּחָכְמְתָא שִׁתְאַסְיָא אַרְעָא וְאַתְקֵין שְׁמַיָא בִבְיוּנָה: ^pv-3-19

**20** בְּדַעְתֵּיהּ תְּהוֹמֵי אִתְבְּזִיעוּ וּשְׁמַיָא צָעֵי מִטַלַיָא: ^pv-3-20

**21** בְּרִי לָא נִזַל בְּעֵינָךְ נְטַר מַדְעָא וְתַרְעִיתָא: ^pv-3-21

**22** וְיֶהֱווֹן חַיֵי לְנַפְשָׁךְ וְחִסְדָא לְצַוְרָךְ: ^pv-3-22

**23** הֵידֵין תֵּיזֵל בְּסִבְרָא בְּאָרְחָתָךְ וְרִגְלָךְ לָא תִתְקָל: ^pv-3-23

**24** אִם תִשְׁכּוֹב וְתִדְמוּךְ לָא תִדְחַל וְתִשְׁכַּב וְתִבְסַם שִׁנְתָךְ: ^pv-3-24

**25** לָא תִדְחַל מִן דַחֲלַיָא וּמִן שִׁלְיָא וּמִן חָיְסָא דְרַשִׁיעֵי כַּד יֵיתֵי: ^pv-3-25

**26** מְטוּל דֶאֱלָהָא יְהֵי בְסַעְדָךְ וְיִנְטַר רִגְלָךְ וְלָא תִתְצֵיד: ^pv-3-26

**27** לָא תִתְכְּלֵי לְמֶעְבַּד שַׁפִּיר כַּד אִית חֵילָא בִידָךְ לְמֶעְבַּד: ^pv-3-27

**28** לָא תֵימַר לְחַבְרָךְ אֱזַל וְתוּב וְלִמְחַר אֶתֵּן וְאִית גַבָּךְ: ^pv-3-28

**29** לָא תְחַשֵׁב עַל חַבְרָךְ בִּישְׁתָּא וְהוּא יָתֵב עִמָךְ בְּשַׁלְוָה: ^pv-3-29

**30** לָא תִנְצֵי עִם בַּר נָשָׁא מַגָן אִם לָא עֲבַד לָךְ בִּישָׁא: ^pv-3-30

**31** לָא תִטַן בְּגַבְרָא חַטוּפָא וְלָא תִצְבֵי בְּכֻלְהוֹן אָרְחָתֵיהּ: ^pv-3-31

**32** מְטוֹל דִמְרָחַק עַוְתָא מִן קֳדָם יְיָ וְעִם תְּרִיצַיָא שׁוּעִיתֵיהּ: ^pv-3-32

**33** לְוָטְתָא דֶאֱלָהָא בְּבָתֵּיהוֹן דְרַשִׁיעֵי וּמַעֲמַדְהוֹן דְצַדִיקֵי יְבָרֵךְ: ^pv-3-33

**34** וְלִמְמִקְנֵי נִסְחוֹף וּלְעֶנְוָנֵי יִתֵּן חִסְדָא: ^pv-3-34

**35** יְקָרָא חַכִּימֵי נַחְסְנָן וְסִכְלֵי נְקַבְּלָן צַעֲרָא: ^pv-3-35

## Capítulo 4

**1** שְׁמַעוּ בְנַיָא מַרְדוּתָא דְאָב וְאַצִיתוּ לְמֵדַע בְיוּנָא: ^pv-4-1

**2** מְטוּל דְיוּלְפָנָא טָבָא יַהֲבֵית לְכוֹן וְנִימוֹסִי לָא תִשְׁבְּקוּן: ^pv-4-2

**3** מְטוּל דִבְרָא הֲוֵית לְאַבָּא מְפַנֵק וִיחִידָא קֳדָם אִמִי: ^pv-4-3

**4** וְאַלְפַנִי וַאֲמַר לִי (יְיָ) יְקַמֵט מִלַי לִבָּךְ נְטַר פִּקוּדַי וֶחְיֵה: ^pv-4-4

**5** קְנֵה חָכְמְתָא קְנֵה בְיוּנָא לָא תִנְשֵׁי וְלָא תִסְטֵי מִן מַאֲמָרֵי פוּמִי: ^pv-4-5

**6** וְלָא תִשְׁבַּקְיָה וְתִנְטַרְיָךְ רַחֲמָהּ דְתֻגָבְיָךְ: ^pv-4-6

**7** רֵישׁ חָכְמְתָא קְנֵה חָכְמְתָא וּבְכָל קִנְיָנָךְ קְנֵה בְיוּנָא: ^pv-4-7

**8** חַבִּבְיָהּ דִי תְרוֹמְמִנָךְ וְחַבְּקֵיָהּ דִתְיַקְרָךְ: ^pv-4-8

**9** וּתְשִׂים בְּרֵישָׁךְ יָאֲיוּתָא דְחִסְדָא כְּלִילָא דְשַׁבְהוֹרָא עֲלָךְ: ^pv-4-9

**10** שְׁמַע בְּרִי וְקַבֵּל מִנִי וְנִסְגְיוּן שְׁנַיָא דְחַיָךְ: ^pv-4-10

**11** אָרְחֲתָא דְחָכְמְתָא אֲלֵפְתָּךְ וְהַלֵכְתָּךְ בִּשְׁבִילֵי תְרִיצֵי: ^pv-4-11

**12** כַּד תֵּיזֵל לָא תִתְּעוּק אָרְחָךְ וְאִין תִּרְהַט לָא תִתְקָל: ^pv-4-12

**13** תִּתְחֲזַק בְּמַרְדוּתָא וְלָא תִרְפֵּא נְטַרְיָה מְטוּל דְהִיא חַיָךְ: ^pv-4-13

**14** בְּאָרְחָא דְרַשִׁיעֵי לָא תֵיזֵל וְלָא תִטַן בְּאָרְחָא דְבִישִׁין: ^pv-4-14

**15** אֲרֵישׁ וְלָא תֶעְבַּר עִמְהוֹן סְטֵי וַעֲבַר מִנְהוֹן: ^pv-4-15

**16** לָא דָמְכִין עַד מָה דְמַבְאֲשִׁין וּפְרִידָא שִׁנְתְּהוֹן עַד מָה דְעָבְדִין תִּקְלָא: ^pv-4-16

**17** דְמֵיכַלְתְּהוֹן מֵיכַלְתָּא דְרַשִׁיעֵי וְחַמְרָא דְחָטוֹפַיָא שָׁתְיָן: ^pv-4-17

**18** וְאָרְחָא דְצַדִיקֵי כִּנְהוֹרָא דְמַזְהַר וְאָזֵל נַהֲרֵיהּ עַד מָה דְתַקִין יוֹמָא: ^pv-4-18

**19** וְאָרְחָא דְרַשִׁיעֵי חַכֵּירָא וְלָא יָדְעִין בִּמְנָא מִתְתַּקְלִין: ^pv-4-19

**20** בְּרִי לְמִלַי אֲצֵית וּלְמַאֲמָרַי צְלֵי אוּדְנָךְ: ^pv-4-20

**21** לָא נִזְלָן מֵעַיְנָךְ נַטְרִנוּן בְּגַוֵיהּ דְלִבָּךְ: ^pv-4-21

**22** מְטוּל דְחַיֵי אִנוּן לְמַן דְמַשְׁכַּח לְהוֹן וּלְכוּלָא בִשְׂרֵיהּ מַאֲסֵי: ^pv-4-22

**23** מִכָּל זְהוּרָא נְטַר לִבָּךְ מְטוּל דְמִנֵיהּ הוּא מַפְקָנָא דְחַיֵי: ^pv-4-23

**24** אַעְבֵּר מִנָךְ עִקּוּמָא דְפוּמָא וְעֲאַתָא דְשִׂפְוָתָא אַרְחֵק מִנָךְ: ^pv-4-24

**25** עַיְנָךְ בִּתְרִיצוּתָא נְאוֹרָן וְתִמָרָיִךְ נִתְרְצוּן לְקוּבְלָךְ: ^pv-4-25

**26** אַעְבֵּר רִגְלָךְ מִשְׁבִילֵי בִישֵׁי וְכוּלְהוֹן אָרְחָתָךְ מְתַקְנָן: ^pv-4-26

**27** לָא תִסְטֵי לִימִינָא וְלִשְׂמָאלָא אַעֲבַר רִגְלָךְ מִן בִּישְׁתָּא: ^pv-4-27

## Capítulo 5

**1** בְּרִי לְחוּכְמְתִי צֵית לִבְיוּנִי צְלֵי אָדְנָךְ: ^pv-5-1

**2** דְתִזְדְהַר בְּתַרְעִיתָא וְדַעְתָּא שִׂפְוָתָךְ נִנְטְרָן: ^pv-5-2

**3** מְטוּל דְכַבְרִיתָא מְנַטְפָן שִׂפְוָתָא דְנוּכְרֵיתָא וּשְׁעִיעַ מִן מִשְׁחָא חִכָּהּ: ^pv-5-3

**4** וְאַחֲרַיְתָהּ מְרִירָא הֵיךְ גִירָא חֲרִיפָא מִן סַיְפָא דִתְרֵין פּוּמִין: ^pv-5-4

**5** רִגְלָהּ נָחֲתָן לְמוֹתָא שְׁיוֹל הִלְכָתָהָא מְסַמְכָן: ^pv-5-5

**6** בְּאָרְחָא דְחַיֵי לָא דָרְכָא מְטַלְטְלִין שְׁבִילָהָא וְלָא יָדְעָה: ^pv-5-6

**7** וְהַשְׁתָּא בְנַיָא שְׁמַעוּן לִי וְלָא תִסְטוּן מִן מֵימְרֵי דְפוּמִי: ^pv-5-7

**8** אַרְחֵק מִנָהּ אָרְחָךְ וְלָא תְקָרֵב לְתַרְעָא דְבַיְתָהּ: ^pv-5-8

**9** דְלָא תִתֵּן לְאַחֲרָנֵי חֵילָךְ וּשְׁנָיִךְ לְנוּכְרָאִין: ^pv-5-9

**10** דְלָא נִשְׂבְּעוּן נוּכְרָאֵי חֵילָךְ וְלֵעוּתָךְ תָּעֵל לְבֵיתָא דְאַחֲרִינֵי: ^pv-5-10

**11** וְתִנְהוֹם בְּסוֹפָךְ עַד מָה דְיִגְמַר בִּשְׂרָךְ וְגוּשְׁמָךְ: ^pv-5-11

**12** וְתֵימַר הֵיכְנָא סְנֵית מַרְדוּתָא וּמַכְסָנוּתָא אַשְׁלֵי לִבִּי: ^pv-5-12

**13** וְלָא שְׁמָעִית קָלָא דְמָרְוָתַי וּלְמַלְפָנַי לָא צְלֵית אָדְנָי: ^pv-5-13

**14** עַל כְּלִיל הֲוֵית לִי בְּכָל בִּישִׁין בְּגוֹ כְּנִשְׁתָּא וְעֵדְתָא: ^pv-5-14

**15** אִשְׁתֵּי מַיָא מִן גוּבָךְ וּרְדַיָא מִן בֵּירָךְ: ^pv-5-15

**16** נִשְׁפְּעוּן מַעְיָנָךְ לְבָרָא וּבִפְתָיֵי טְיָפֵי דְמַיָא: ^pv-5-16

**17** יֶהֱווּן לָךְ לְחוֹדָךְ וְנוּכְרָאֵי לָא נִשְׁתַּתְּפוּן עִמָךְ: ^pv-5-17

**18** יֶהֱוֵי מַבּוּעָךְ בְּרִיךְ וַחֲדִי מִן אִתַּת טַלְיוּתָךְ: ^pv-5-18

**19** אַיַלְּתָא דְרַחֲמוּתָא וְדִיצְתָּא דְחֶסְדָא תַדְוָנָא אֲלַף בְּכָל זְמַן וּבְרַחֲמוּתָהּ תִּגְרַס תְּדִירָא: ^pv-5-19

**20** וּלְמָה תְשַׁרְגֵג בְּרִי בְּנוּכְרֵיתָא אוֹף לָא תְחַבֵּק עוּבָא (ג"ע חוּבָא) דְאַחֲרַיְתָא: ^pv-5-20

**21** מְטוּל דְקָדָם עַיְנוֹי דֶאֱלָהָא אִנוּן אָרְחָתֵיהּ דְגַבְרָא וְכוּלְהוֹן שְׁבִילוֹי גְלָן קֳדָמוֹי: ^pv-5-21

**22** חוֹבוֹי דְרַשִׁיעָא קָמְטִין לֵיהּ וּבְחַבְלֵי דַחֲטוֹי נִתְפְּכֵר: ^pv-5-22

**23** הוּא יְמוּת בְּלָא מַרְדוּתָא וּבְסוּגְאֵי דְשַׁטְיוּתֵיהּ נִטְעֵי: ^pv-5-23

## Capítulo 6

**1** בְּרִי אִין עֲרֵבְתָּא לְחַבְרָךְ אַשְׁלֵימְתָּא לְנוּכְרָאָה יְדָךְ: ^pv-6-1

**2** אַתְצֵידְתָּא בְּמַאֲמָרָא דְפוּמָךְ אִתְאֲחַדְתָּא בְּמַאֲמָרָא דְפוּמָךְ: ^pv-6-2

**3** עֲבֵיד הֵיכְנָא בְּנִי וְאִתְפְּצָא מְטוּל דִנְפַלְתָּא בְּיַד דְחַבְרָךְ אֱזֵל גְרֵג חֲבִיל חַבְרָךְ: ^pv-6-3

**4** לָא תִתֵּן שִׁנְתָּא לְעַיְנָךְ וְנֵימְתָא לִגְבִינָיִךְ: ^pv-6-4

**5** דִתְתְפְּצֵי הֵיךְ טַבְיָא מִן נִשְׁבָּא וְהֵיךְ צִפְּרָא מִן פּוּחָא: ^pv-6-5

**6** אִתְרְמֵי לְשׁוּמְשְׁמָנָא עַטְלְא חֲמֵי אָרְחָתְהוֹן וְאִתְחַכָּם: ^pv-6-6

**7** דְלֵית לָהּ חַצְדָא הֵיךְ אַף לָא סָרְכָא וְשַׁלִיטָא: ^pv-6-7

**8** מְתַקְנָא בְקַיְטָא לַחְמָהּ וְגָבְשָׁא בְחַצְדָא מֵיכְלָהּ: ^pv-6-8

**9** עַד מָה לְאֵימַת אַנְתְּ דָמִיךְ אַנְתְּ עַטְלָא וּלְאֵימָת קָיְמָת מִן שִׁנְתָּךְ: ^pv-6-9

**10** קַלִיל שִׁנְתָּא קַלִיל נוּמְתָּא קַלִיל תְּחַבַּק יְדָךְ לְמַדְמְכָא: ^pv-6-10

**11** וְתֵיתֵי וְתִדְרוֹךְ מִסְכְּנוּתָךְ וְחוּסְרָנָךְ הֵיךְ גַבְרָא כְּשֵׁרָא: ^pv-6-11

**12** בַּר נָשׁ טָלוֹמָא גַבְרָא עַוְלָא מְהַלֵךְ בַּעֲקִימוּת פּוּמֵיהּ: ^pv-6-12

**13** רָמֵז בְּעַיְנוֹי וְתָכֵס בְּרַגְלוֹי וְרָמֵז בְּאֶצְבְּעָתֵיהּ: ^pv-6-13

**14** וּמִתְהַפֵּךְ בְלִבֵּיהּ וְחָשַׁל בִּישְׁתָּא בְּכָל זְמַן תִּגְרֵי רָמֵי: ^pv-6-14

**15** מְטוּל הֵכְנָא מִן שִׁלְיָא נֵיתֵי תַבְרֵיהּ וּמִן שִׁלְיָא נִתְבַּר וְלָא תֶהֱוֵי לֵיהּ אַסְיוּתָא: ^pv-6-15

**16** שִׁית אִינוּן דְסָנֵי אֱלָהָא וּבְשֶׁבַע אַסְדְיַת נַפְשֵׁיהּ: ^pv-6-16

**17** עַיְנַי רָמָתָא וְלִישָׁנָא דְשִׁקְרָא וִידֵי דְשָׁפְכָן דְמָא זַכַּי: ^pv-6-17

**18** לִבָּא דְחָשַׁל מַחְשְׁבָתָא רָעָתָא וְרַגְלֵי דְמִסְתַּרְהֲבָן לְמִרְהַט לְבִישְׁתָּא: ^pv-6-18

**19** סַהֲדָא דְשִׁקְרָא דְמַלֵל כַּדָבוּתָא וּמַן דְרָמֵי תִגְרֵי בֵּין אַחֵי: ^pv-6-19

**20** טוּר בְּרִי פּוּקְדָנָא דַאֲבוּךְ וְלָא תִטְעֵי מִנִימוֹסָא דְאִמָךְ: ^pv-6-20

**21** קְטוֹרִנוּן בְּלִבָּךְ תְּדִירָא וּכְרוּךְ אִנוּן בְּצַוְרָךְ: ^pv-6-21

**22** בְּמֵיזְלָךְ תִּתְדַבֵּר עִמָךְ בְּמַדְמְכָךְ תִּתְנְטֵר עֲלָךְ וְתִתְעָר הִיא תֶהֱוֵי רָצְיָךְ: ^pv-6-22

**23** מְטוּל שְׁרָגָא הוּא פוּקְדָנָא וְנִימוֹסָא נוֹהֲרָא וְאוֹרְחָא דְחַיֵי וּמַכְסְנוּתָא וּמַרְדוּתָא: ^pv-6-23

**24** דְתִנְטְרָךְ מִן אִתְּתָא בִישְׁתָא וּמִן שְׁעִיעוּתָא דְלִישָׁנָא דְנוּכְרֵיתָא: ^pv-6-24

**25** לָא תְרוּג שׁוּפְרָהּ בְּלִבְּבָךְ וְלָא תְשַׁרְגְנִנָךְ בִּגְבִינָתָהָא: ^pv-6-25

**26** מְטוּל דְדָמְיָא מִלְתָא דְזַנְיָתָא הֵיךְ גְרִצְתָּא דְלַחְמָא וְאִתַּת גַבְרָא נַפְשָׁא יַקִירְתָּא צָיְדָא: ^pv-6-26

**27** דִלְמָא סָיֵם בַּר נָשָׁא נוּרָא בְעוּבֵיהּ (בְּחוּבֵיהּ) וּלְבוּשֵׁיהּ לָא יָקִיד: ^pv-6-27

**28** אֵי דִלְמָא מְהַלֵךְ גִבְרָא עֲלַוֵי גוּמְרֵי וְרִגְלוֹי לָא מִתְכְּוִין: ^pv-6-28

**29** הֵיכְנָא מָה דְעָאֵל עַל אִתַּת חַבְרֵיהּ לְמֵגוּר עִמָהּ לָא נִזְכֵּי כָּל מַן דְקָרֵיב בָּהּ: ^pv-6-29

**30** לָא לְמִתְרַמָרוּ לְגַנָבָא דְגָנֵב דְתִשְׂבַּע נַפְשֵׁיהּ מְטוּל דְכָפֵן: ^pv-6-30

**31** וּמִן דְמִשְׁתְּכַח פְּרִיעַ חַד בְּשִׁבְעָה וְכוּלֵיהּ מַזָלָא דְבַיְתֵיהּ יָהֵיב: ^pv-6-31

**32** מַן דְגָיֵר בְּאִתְּתָא חָסִיר דְרַעְיָנָא וּמַן דְבָעֵי דִי יְחַבֵּל נַפְשֵׁיהּ הוּא עָבֵד לָהּ: ^pv-6-32

**33** מַכְתָּשֵׁי וְצַעֲרֵי יֶאְרַע וְחִסוּדֵיהּ לָא מִטְעֵי: ^pv-6-33

**34** מְטוּל דִטְנָנָא חֵמְתָא דְגַבְרָא וְלָא חָיִס בְּיוֹמָא דְפוּרְעַנָא: ^pv-6-34

**35** וְלָא נָסֵב בְּאַפֵּיהּ דְכָל דְיָהֵב לֵיהּ מוֹהֲבָא וְלָא מִתְּפֵס כַּד תַּסְגֵא שׁוֹחֲדָא: ^pv-6-35

## Capítulo 7

**1** בְּרִי נְטַר מֵימְרִי וּפִקוּדַי תִּטְשֵׁי גַבָּךְ: ^pv-7-1

**2** נְטַר פִּקוּדַי וֶחֱיֵהּ וְנִימוּסֵי הֵיךְ בַּבְתָא דְעַיְנָא: ^pv-7-2

**3** קְטוֹר אִנוּן עַל אֶצְבְּעָתָךְ כְּתוּב אִנוּן עַל לוּחַ דְלִבָּךְ: ^pv-7-3

**4** אֶמַר לְחָכְמְתָא אֲחָתִי אַנְתְּ וּמוֹדַעְתָּא קְרִי לִבְיוּנְתָּא: ^pv-7-4

**5** דְנִנְטְרָךְ מִן אִתְּתָא חִילוֹנִיתָא וּמִן נוּכְרֵיתָא דִשְׁעִיעָן מִלָהָא: ^pv-7-5

**6** מְטוּל דְמִן כַּוַיָא זְעֵרָתָא דְבֵיתִי אַדְקֵת וּמִן חֲרַכִּין דְדִירָא: ^pv-7-6

**7** וַחֲזֵית בְשַׁבְרֵי וְאִסְתַּכְּלֵית בִּטְלָאֵי וּתְמַהֵית בַּחֲסִיר רַעֲיוֹנָא: ^pv-7-7

**8** עָבֵר בְּשׁוּקָא לִקְבֵל פִּנְתָהּ וּבְאָרְחָא דְבַיְתָהּ מְהַלֵךְ: ^pv-7-8

**9** בְּרַמְשָׁא בְמַעֲרָב יוֹמָא בַּחֲשׁוֹכָא דְלֵילְיָא וּבַחֲבִירָה: ^pv-7-9

**10** וְהָא אִתְּתָא לְעוּרְעֵיהּ בְּאַסְכְּמָא דִזְנַיְתָא דְמַפְרְדָא לִבָּא דְעֻלֵימֵי: ^pv-7-10

**11** וּמָרָדְתָּא הִיא וּפָרִדְתָּא בְּבֵיתָא לָא שָׁכְנָן רִגְלָהָא: ^pv-7-11

**12** בְּעִדָנָא בְשׁוּקֵי בְּעִדָנָא בִשְׁקָקֵי וְלִקְבֵל כָּל פִּנְתָא דְיָאַיָא כָּמְנָא: ^pv-7-12

**13** וְאַתְקְּפַת בֵּיהּ וּנְשַׁקְתֵּיהּ וְאַחְצִפַת אַפָּהָא וַאֲמַרַת לֵיהּ: ^pv-7-13

**14** דִבְחֵי דְקָרְבָּנֵי עֲלַי יוֹמָנָא שַׁלְמֵית נִדְרָי: ^pv-7-14

**15** מְטוּל הֵיכְנָא נְפָקֵית לְאוּרְעָךְ דְמַפְכָא הֲוֵית לְרָגְשָׁא וַאֲמַרֵת אֶדְבְּרִנָךְ: ^pv-7-15

**16** בְּתַשְׁוָיָתָא שַׁוְיֵת עַרְסִי וּבִקְרָמָא קְרִמְתָּא מִצְרָאָה: ^pv-7-16

**17** רַסֵית עַל עַרְסִי מוֹרָא וְכוּרְקְמָא וְקוּנְמָא: ^pv-7-17

**18** תָּא נִתְבְּסַם בְּרַחֲמָתָא עַד צַפְרָא וְנֶעְסַק חַד לְחַד בְּרִגְאֲגָתָא: ^pv-7-18

**19** דְגַבְרָא לֵית הוּא בְּבֵיתָא אֱזֵיל בְּאוֹרַח רְחִיקָא: ^pv-7-19

**20** צְרָרָא דְכַסְפָּא נְסַב בִּידֵיהּ וּלְיוֹמָא דְעֵדָא אָתֵי לְבַיְתֵיהּ: ^pv-7-20

**21** וְאַטְעֵי יָתֵיהּ בְּסוּגְיָא דְמִלָהָא וּבִשְׁעִיעוּתָא דְסִפְוָתָהָא תְּפַתֵּיהּ: ^pv-7-21

**22** וְהוּא אָזֵל בַּתְרָאָה שְׁלִיָאִית הֵיךְ תּוּרָא דְאָזֵיל לְוַת טִבְחָא וְהֵיךְ כַּלְבָּא לְאִסוּרָא: ^pv-7-22

**23** וְהֵיךְ אַיְלָא דְמַפְרִיחַ גִירָא בְּכַבְדֵיהּ וּמִסְתַּרְהַב הֵיךְ צַפְרָא לְוַת פּוּחָא וְלָא יְדַע דִלְמוֹתָא דְנַפְשֵׁיהּ אָזֵיל: ^pv-7-23

**24** וְהַשְׁתָּא בְנַיָא שְׁמַעוּן לִי וַאֲצִיתוּ לְמֵימְרִי דְפוּמִי: ^pv-7-24

**25** לָא יִסְטֵי לִבָּךְ לְאָרְחָתָהָא וְלָא תִטְעֵי בִּשְׁבִילָהָא: ^pv-7-25

**26** מְטוּל דְסַגִיעֵי קְטִילַיָא אַפְּלַת וַעֲשִׁינִין כּוּלְהוֹן קְטִילַיָא: ^pv-7-26

**27** אָרְחָתָא דִשְׁיוֹל בַּיְתָהּ נָחֲתָן לְקִיטוֹנֵי דְקִבְרָא: ^pv-7-27

## Capítulo 8

**1** מְטוּל הֵיכְנָא חָכְמְתָא תִקְרָא וּבְיוּנָא תִרְמֵי קָלָא: ^pv-8-1

**2** בְּרֵישׁ רָמָתָא עַל אָרְחָא אִיתָא וּבֵינָת שְׁבִילֵי קָיְמָא: ^pv-8-2

**3** וְעַל תַּרְעֵי בְּפוּמָא דְקִרְיָא וּבְמַעֲלָנָא דְתַרְעֵי מִשְׁתַּבְּחָא וְאָמְרָה: ^pv-8-3

**4** לְכוֹן גַבְרֵי קָרִינָא וְקָלִי עַל בְּנֵי נָשָׁא: ^pv-8-4

**5** אִתְבַּיְנוּ שַׁבְרֵי עֲרִימוּתָא וְשַׁטְיֵי נִסְתַּכְּלוּן בְּלִבְּהוֹן: ^pv-8-5

**6** שְׁמַעוּ מְטוּל דִשְׁרִירוּתָא מְמַלְלָא אֲנָא וּמְמַלֵל פּוּמִי תְרִיצוּתָא: ^pv-8-6

**7** מְטוּל דְקוּשְׁטָא רָנֵא פּוּמִי וְרִיחוּקָא דְשִׂפְוָתִי רִשְׁעָא: ^pv-8-7

**8** וּבְצִדְקוּתָא אִנוּן כָּל מֵימְרֵי פוּמִי וְלֵית בְּהוֹן פִּתּוּלָא וְעִקוּמָא: ^pv-8-8

**9** וְכוּלָן גַלְיָן לֶאֱנָשׁ דְמִתְבַּיֵן וּתְרִיצִין לְאִלֵין דְצָבְאִין בִּידִיעֲתָא: ^pv-8-9

**10** קַבִּילוּ מַרְדוּתָא וְלָא כַסְפָּא וּגְבוּ לְכוֹן יְדִיעֲתָא מִן דַהֲבָא סְנִינָא: ^pv-8-10

**11** מְטוּל דְטָבָא חָכְמְתָא מִן כֵּיפֵי טָבָתָא וְכָל מִדַעַם לָא פָחֵים לָהּ: ^pv-8-11

**12** אֲנָא חָכְמָתָא דָרֵית עֲרִימוּתָא יְדִיעֲתָא וְתַרְעִיתָא מַשְׁכְּחָא אֲנָא: ^pv-8-12

**13** דְחַלְתָּא דַיְיָ סָנְיָא בִישְׁתָּא גֵאוּתָא וְרָמוּתָא וְאָרְחָא בִישְׁתָּא וּפוּמָא הֲפִיכָא סָנְיָא אֲנָא: ^pv-8-13

**14** דִי לִי הִיא תַרְעִיתָא וּמִלְכָּנָא וּבְיוּנָא וְגִבָּרוּתָא: ^pv-8-14

**15** מְטוּל אֲנָא מַלְכֵי מִלְכִין וְשַׁלִיטֵי אֲנָא מָשְׁחָא בְצִדְקוּתָא: ^pv-8-15

**16** מְטוּל אֲנָא רַבְרְבָנֵי מִתְרַבְרְבִין וְסַרְכֵי כֻּלְהוֹן דַיָנֵי דִתְרִיצוּתָא: ^pv-8-16

**17** אֲנָא רָחֲמָא רָחֲמַי וְאִלֵין דִמְקַדְמִין לִי יִשְׁכְּחֻנַנִי: ^pv-8-17

**18** עֻתְרָא וִיקָרָא דִילִי מָמוֹנָא וּמַזָלָא וְצִדְקְתָא: ^pv-8-18

**19** טָבִין פִּרְיַי מִן דַהֲבָא סְנִּינָא וּמִן דַהֲבָא אוֹבְרִיזִין וַעֲלַלְתִּי מִן סַנְיָא גַבְיָא: ^pv-8-19

**20** בְּאָרְחָתָא דְצִדְקְתָא מְהַלְכָא אֲנָא בְּגוֹ שְׁבִילֵי דְדִינָא: ^pv-8-20

**21** דְאוֹרִית לְרַחֲמַי שְׁנַיָא סַגִיאָתָא וְסִימָתְהוֹן אֲמַלֵא: ^pv-8-21

**22** אֱלָהָא בָרְאֲנִי בְּרֵישׁ בִּרְיְתֵיהּ וּמִן קֳדָם עוֹבָדוֹי מִן רֵישׁ: ^pv-8-22

**23** וּמִן קֳדָם עַלְמָא אִתְתַּקְנֵית מִן רֵישֵׁיהּ וּמִן קֳדָם דְתֶהֱוֵי אַרְעָא: ^pv-8-23

**24** עַד לָא נֶהֱווֹן תְּהוֹמֵי אִתְיְלִידֵית וְעַד דְלָא נֶהֱווֹן מַעְיְנֵי עִשׁוּנֵי דְמַיָא: ^pv-8-24

**25** קְדִים עַד לָא נִטְבְּעוּן טוּרֵי וּקְדָם רָמָתָא אִתְבְּנֵית: ^pv-8-25

**26** עַד לָא עֲבַד אַרְעָא וְנַחֲלֵי וְרֵישׁ עַפְרָא דְתֵבֵל: ^pv-8-26

**27** כַּד אַתְקֵין שְׁמַיָא תַּמָן הֲוֵית וְעַד חָג חוּגְתָא עַל אַפֵּי תְהוֹמָא: ^pv-8-27

**28** וְכַד אַגְרִים עֲנָנֵי מִלְעֵיל וְכַד אַעְשִׁין מַעְיְנֵי תְהוּמָא: ^pv-8-28

**29** וְכַד שָׂם לְיַמָא תְּחוּמֵיהּ וּמַיָא לָא עָבְרִין לֵיהּ (וְכַד) שָׂם שַׁתְאַסַיָא דְאַרְעָא: ^pv-8-29

**30** וַהֲוֵית בְּצִדוֹי מְהֵימַנְתָּא וְכִדְשִׁבּוּחִין הֲוֵית כָּל יוֹמָא וְיוֹמָא חָדְיָא אֲנָא קֳדָמוֹי בְּכָל זְמַן: ^pv-8-30

**31** חָדְיָא הֲוֵית בְּתֵבֵל אַרְעֵיהּ וְשִׁבּוּחֵי בִּבְנֵי נָשָׁא: ^pv-8-31

**32** וְהַשְׁתָּא בְנַיָא שְׁמַעוּן לִי וְטוּבוֹי לְמַן דְנָטַר אוֹרְחָתַי: ^pv-8-32

**33** שְׁמַעוּ מַרְדוּתָא וְאִתְחַכְּמוּ וְלָא תְדִישׁוּן: ^pv-8-33

**34** טוּבוֹי לְבַר נָשָׁא דְשָׁמֵעַ לִי וְנִשְׁקוֹד עַל אַסְקוּפָתַי בְּכָל יוֹמָא וְיוֹמָא לְמִנְטַר סִפֵּי דְתַרְעָא: ^pv-8-34

**35** מְטוּל מַן דְמַשְׁכַּח לִי מַשְׁכַּח חַיֵי וְתֶהֱוֵי לֵיהּ רְעוּתָא מִן קֳדָם אֱלָהָא: ^pv-8-35

**36** וּמַן דְחָטֵי עֲלַי מְחַבֵּל נַפְשֵׁיהּ וְכוּלְהוֹן שָׂנְאַי רָחֲמֵי לְמוֹתָא: ^pv-8-36

## Capítulo 9

**1** חָכְמְתָא בְּנָת בֵּיתָהּ וְעַתְּדַת בֵּיהּ שַׁבְעָא עַמוּדִין: ^pv-9-1

**2** וּנְכִסַת נִכְסָתָא וּמְזַגַת חַמְרָהּ וְסַדְרַת פָּתוֹרְתָּהּ: ^pv-9-2

**3** וְשַׁדְרַת טַלְיְתָהָא דְתִקְרְיָן עַל גִיב רָמָתָא עֲשִׁינָתָא דִנְצִירָן: ^pv-9-3

**4** מַן דִשְׁבַר נֵאתֵא לְוָתִי וַחֲסִיר רַעֲיָנָא אֲמַרַת לֵיהּ: ^pv-9-4

**5** אֱתוּ אֲכוּלוּ לַחֲמִי וְאִשְׁתּוּ חַמְרָא דִמְזַגֵית: ^pv-9-5

**6** שְׁבוּקוּ מִנְכוֹן חֲסִירוּת רַעְיוֹנְכוֹן וִחְיוּ וְהַלִיכוּ בְאָרְחָא דִבְיוּנָא: ^pv-9-6

**7** דְרָדֵי מְמִיקְנָא נָסֵיב לֵיהּ צַעֲרָא וּמַכְסְנוּתָא לְרַשִׁיעָא מוּמָא הוּא לֵיהּ: ^pv-9-7

**8** לָא תְכוּס לִמְמִקְנָא דְלָא נִסְנְיָךְ אֲכֵיס לְחַכִּימָא דְנִרְחֲמָךְ: ^pv-9-8

**9** אֲלֵיף לְחַכִּימָא וְיִתְחַכֵּם תּוּב אוֹדַע לְצַדִיקָא וְיוֹסֵף מַנְדְעָא: ^pv-9-9

**10** שֵׁירוּי דְחָכְמְתָא דְחַלְתֵּיהּ דֶאֱלָהָא וִידִיעֲתָא דְקַדִישֵׁי בְיוּנָא: ^pv-9-10

**11** מְטוּל דְבָהּ נִסְגְיָן יוֹמָתָךְ וְיוֹסְפוּן לָךְ שְׁנַיָא דְחַיֵי: ^pv-9-11

**12** אִין חַכֵּימְתָּא לְנַפְשָׁךְ חַכֵּימְתָּא וְאִם תֶּהֱוֵי מֵמִיק בִּלְחוֹדָיִךְ תִּטְעָן: ^pv-9-12

**13** אִתְּתָא סַכְלְתָא וּפְרִידְתָּא שִׁבְרָתָה וְלָא יָדְעָה טָבְתָא: ^pv-9-13

**14** וְיָתְבָה עַל תְּרַע בֵיתָהּ עַל כּוּרִסַיָא רָמָא וַעֲשִׁינָא: ^pv-9-14

**15** וְקָרְיָא לְעָבְרֵי אָרְחָא דִתְרִיצֵי אוֹרְחָתְהוֹן: ^pv-9-15

**16** מְטוּל מַן דִשְׁבַר נֵאתֵא לְוָתָהּ וַחֲסִיר רַעֲיָנָא וְאָמְרָה לֵיהּ: ^pv-9-16

**17** מַיָא גְנוּבַיָא חַלְיָן וְלַחְמָא דְטִימוּרָא בַּסִימָא: ^pv-9-17

**18** וְלָא יְדַע דְגוּבְרִי אַפְּלַת תַּמָן וּבְעִמְקֵי דִשְּׁיוֹל כָּל דִמְזַמְנִין לָהּ: ^pv-9-18

## Capítulo 10

**1** מַתְלוֹי דִשְׁלֹמֹה בַּר חַכִּימָא נֶחֱדֵי אֲבוּי וּבְרָא סַכְלָא מְחַמֵץ לְאִמֵיהּ: ^pv-10-1

**2** לָא מְוַתְּרִין אוֹצְרֵי דְרַשִׁיעָא וְצִדְקְתָא מְפַצְיָא מִן מוֹתָא בִּישָׁא: ^pv-10-2

**3** לָא מַכְפֵן אֱלָהָא נַפְשֵׁיהּ דְצַדִיקָא וְקִנְיָנָא דְרַשִׁיעֵי נִסְחוֹף: ^pv-10-3

**4** מִסְכְּנוּתָא מְמַכְכָא לְגַבְרָא רַמְיָא וִידָא דְכָשֵׁרָא מְעַתְּרָה לְהוֹן: ^pv-10-4

**5** דְפָלֵיחַ בְּקַיְטָא בְּרָא סוּכְלְתָנָא הוּא וּדְדָמֵיךְ בְּחַצְדָא בְּרָא הוּא מְבַהֲתָנָא: ^pv-10-5

**6** בִּרְכְּתָא תֶהֶוְיָן עַל רֵישֵׁי דְצַדִיקַיָא וּבְפוּמְהוֹן דְרַשִׁיעֵי נְכַסֵי חֲטוֹפָא: ^pv-10-6

**7** דוּכְרָנָא דְצַדִיקֵי בִּרְכְתָא וּשְׁמָא דְרַשִׁיעֵי נִדְעָךְ: ^pv-10-7

**8** דְחַכִּים לִבֵּיהּ יְקַבֵּל פּוּקְדָנָא וְסַכְלָא בְּשִׂפְוָתֵיהּ מִתְאֲחֵד: ^pv-10-8

**9** דִמְהַלֵךְ בִּתְמִימוּתָא נֵיזֵל בְּסַעֲדָא וְדִמְעַקְמָן אוֹרְחָתֵיהּ נִתְיְדָע: ^pv-10-9

**10** דְרָמֵז בְּעַיְנוֹהִי יָהֵב כְּאֵבָא וְסַלִיף בְּשִׂפְוָתֵיהּ מִתְאֲחֵד: ^pv-10-10

**11** מַבּוּעָא דְחַיֵּי פּוּמָא דְצַדִיקֵי וּפוּמְהוֹן דְרַשִׁיעֵי נְכַסָא חֲטוֹפָא: ^pv-10-11

**12** סְנִיאֲתָא תְּגָרַג תִּגְרֵי וְעַל כֻּלְהוֹן סוּרְחָנֵי מְכַסָא רַחֲמוּתָא: ^pv-10-12

**13** בְּשִׂפְוָתֵי דְסוּכְלְתָנָא תִּשְׁכַּח חָכְמְתָא וְשִׁבְטָא לְפִגְרָא דַחֲסַר רַעֲיָנָא: ^pv-10-13

**14** חַכִּימֵי נִטְשׁוּן יְדִיעֲתָא וּפוּמֵיהּ דְשַׁטְיָא שֵׁצְיָא קָרִיב: ^pv-10-14

**15** קִנְיָנָא דְעַתִּירָא כְּרַכָּא דְעוּשְׁנֵיהּ וְשֵׁצְיָא דְמִסְכְּנָא צְרִיכוּתְהוֹן: ^pv-10-15

**16** עוֹבָדֵי דְצַדִיקָא לְחַיֵי עֲלַלְתֵּיהּ דְרַשִׁיעָא לַחֲטוּתָא: ^pv-10-16

**17** אוֹרַח דְחַיֵי נָטְרֵי מַרְדוּתָא וּדְשָׁבֵק מַכְסְנוּתָא תָעֵי: ^pv-10-17

**18** מַכְמֵין בְּעֵל דְבָבָא סִפְוָתָא דְשִׁקְרָא וּמַפִּיק טָבָא הוּא סִכְלָא: ^pv-10-18

**19** בְּסוּגְאָה דְמִלֵי לָא פָסֵק חוֹבָא וּדְחָשֵׂךְ שִׂפְוָתֵיהּ שׂוּכְלְתָנָא: ^pv-10-19

**20** סָאמָא גַבְיָא לִשְׁנֵיהּ דְצַדִיקָא וְלִבָּא דְרַשִׁיעֵי מַחֲתָא: ^pv-10-20

**21** שִׂפְוָתָא דְצַדִיקֵי רָעְיָן סַגִיאֵי וְשַׁטְיֵי בַּחֲסֵירוּת רַעְיָנָא יְמוּתוּן: ^pv-10-21

**22** בִּרְכְּתָא דֶאֱלָהָא הִיא מְעַתְּרָא וְלָא נוֹסֵף כֵּיבָא עִמָהּ: ^pv-10-22

**23** כַּד גָחַךְ סִכְלָא עָבַד עֲבִידְתָּא וְחָכְמְתָא לְגַבְרָא דְמִתְבַּיֵן: ^pv-10-23

**24** חֲרִיצוּתָא דְרַשִׁיעָא הִיא אָתְיָא לֵיהּ וְרִגְגְתָא דְצַדִיקַיָא תִּתְיְהֵב לְהוֹן: ^pv-10-24

**25** הֵיךְ דְיֶעְבַּר עַלְעוֹלָא הֵיכְנָא נֶעְבַּר רַשִׁיעָא וְצַדִיקָא שִׁתְאֲסָיָא בְעַלְמָא: ^pv-10-25

**26** הֵיךְ חוּמְצָא לְשִׁנֵי וְכִתְּנָנָא לְעַינֵי הֵיכְנָא שְׁלִיחָא עַטְלָא לִמְשַׁלְחוֹי: ^pv-10-26

**27** דְחַלְתֵּיהּ דֶאֱלָהָא תּוֹסֵף יוֹמָתָא וּשְׁנֵי דְרַשִׁיעֵי נִזְעֲרָן: ^pv-10-27

**28** סִבְרְהוֹן דְצַדִיקֵי חֶדְוָתָא וְסִבְרָא דְרַשִׁיעֵי נֵאבֵד: ^pv-10-28

**29** מַעְשְׁנָא לִתְמִימֵי אוֹרְחֵיהּ דֶאֱלָהָא וְשֵׁצְיָא נֶהֱוֵי לְאִלֵין דְעָבְדִין עַוְתָא: ^pv-10-29

**30** צַדִיק לַעֲלָם לָא נְזוּעַ וְרַשִׁיעֵי לָא יִתְוַעְדוּן בְּאַרְעָא: ^pv-10-30

**31** פּוּמֵיהּ דְצַדִיקָא מַבְעָא חָכְמְתָא וְלִישְׁנָא דַהֲפִיכוּ נִתְפְּסַק: ^pv-10-31

**32** שִׂפְוָתֵיהּ דְצַדִיקָא יֵדְעוּן צִבְיוֹנָא וּפוּמְהוֹן דְרַשִׁיעֵי מַהֲפָךְ: ^pv-10-32

## Capítulo 11

**1** מְסָחְתָּא דְנִכְלָא מְרַחַקְתֵּיהּ דֵאלָהָא וּבְמַתְקְלָא תְּרִיצָא צִבְיוֹנֵיהּ: ^pv-11-1

**2** הֵיךְ דְעֵלָא זֵידוֹנְתָּא עָלֵל צַעֲרָא וּלְאִלֵין דִצְנִיעִין חָכְמְתָא: ^pv-11-2

**3** תְּמִימוּתָא דִתְרִיצֵי תַדְבֵּר אִנוּן וּנְטַלְטְלוּן בָּזוֹזֵי וְנִדְכִנוּן: ^pv-11-3

**4** לָא מַהֲנֵי שִׁקְרָא בְיוֹמָא דְרוּגְזָא וְצִדְקְתָא מְפַלְטָא מִן מוֹתָא בִישָׁא: ^pv-11-4

**5** צִדְקַתְהוֹן דִתְמִימֵי תְּתָּרֵץ אוֹרְחָתֵיהּ וּבְרִשְׁעֵיהּ נָפֵל רַשִׁיעָא: ^pv-11-5

**6** צִדְקְתָא דִתְרִיצֵי תִפְצֵי אִנוּן וּבָזוֹזֵי בְשִׁלוּמְהוֹן מִתְאַחֲדִין: ^pv-11-6

**7** כַּד מִית גַבְרָא רַשִׁיעָא יוֹבִיד סִבְרֵיהּ וְסִבּוּרְהוֹן דְאִלֵין דְעָבְדִין עָאתָא יֵיבַד: ^pv-11-7

**8** צַדִיקָא מִן עַקְתָּא אִשְׁתֵּיזֵב וְעָל בִּישׁ תְּחוֹתוֹהִי: ^pv-11-8

**9** נִכְלָא בְּפוּמֵיהּ מְחַבֵּל חַבְרֵיהּ וְצַדִיקֵי בִּידִיעַתְהוֹן מִשְׁתֵּיזְבִין: ^pv-11-9

**10** בְּטָבַתְהוֹן דְצַדִיקֵי תְּדוּץ קִרְיַתְהוֹן וּבְּיוּבְדָנָא דְרַשִׁיעֵי חֶדְוָתָא: ^pv-11-10

**11** בְּבִרְכַּתְהוֹן דְצַדִיקֵי תִּתְרוֹמַם מְדִנְתָּא וּבְפוּמְהוֹן דְרַשִׁיעֵי תִּתְעַקָר: ^pv-11-11

**12** דְשַׁט לְחַבְרֵיהּ חֲסִיר רַעְיָנָא הוּא וְגַבְרָא דְמִתְבַּיֵן שָׁתֵיק: ^pv-11-12

**13** אָכֵל קֻרְצָא גָלֵי רָזָא וְדִמְהֵמָן בְּרוּחֵיהּ מְכַסֵי מִלְתָא: ^pv-11-13

**14** בְּאַתְרָא דְלֵית מְדַבְּרָא נָפֵל עַמָא וּפוּרְקָנָא יֵיתֵי בְסוּגְעָה דְמִלְכְּתָנוּתָא: ^pv-11-14

**15** בִּישָׁא מַבְאֵשׁ בְּצַדִיקָא מְטוּל דְהוּא עֲרַב חִילוֹנַי וְסָנֵי לְאִלֵין דְסָיְמִין סִבְרֵהוֹן בֵּאלָהָא: ^pv-11-15

**16** אִתְּתָא חֲסִידְתָּא פַלְגָא אַיְקָרָא וַעֲשִׁינֵי רָהֲטִין בָּתַר עוּתְרָא: ^pv-11-16

**17** פָּרֵיעַ טָבְתָא לְנַפְשֵׁיהּ גַבְרָא חֲסִידָא וּדְמוֹבֵד גוּשְׁמֵיהּ נַכְזְרָיָא: ^pv-11-17

**18** רַשִׁיעָא עָבֵד עוֹבָדָא דְשִׁקְרָא וּדְזָרֵעַ לְצִדְקְתָא קוּשְׁטֵיהּ הוּא אַגְרֵיהּ: ^pv-11-18

**19** הֵיכְנָא מַן דְעָבֵד צִדְקְתָא לְחַיֵי נְטִיר וּדְרָדֵף בִּישְׁתָּא נְטִיר לְמוֹתָא: ^pv-11-19

**20** מְרָחֵק אֱלָהָא לַעֲקִימֵי לִבָּא וְצָבֵי בְּאִלֵין דִתְמִימִין: ^pv-11-20

**21** דְמוֹשִׁיט אַיְדָא עַל חַבְרֵיהּ לָא מִזְדַכֵּי מִן בִּישְׁתָּא וְזַרְעָא דְצַדִיקֵי מִתְפְּרֵק: ^pv-11-21

**22** קָדָשֵׁי דְדַהֲבָא בִּנְחִירֵי דַחֲזִירְתָּא הֵיכְנָא אִתְּתָא דְשַׁפִּירֵי וְסָרֵי טַעֲמָא: ^pv-11-22

**23** רִגְתָא דְצַדִיקֵי בְּטָבְתָא וְסִבּוּרָא דְרַשִׁיעֵי בְרוּגְזָא: ^pv-11-23

**24** אִית דְפָרֵד וּמוֹסִיף תּוּב וְחָשֵׂיךְ מִן תְּרִיצוּתָא חוּסְרָנָא לֵיהּ: ^pv-11-24

**25** נַפְשָׁא דְבִרְכְּתָא תִדְהַן וּמַן דִמְאַלֵף אַף הוּא יֵלִיף: ^pv-11-25

**26** מַן דְכָלֵא עִבּוּרָא בְּאוּלְצָנָא נִשְׁבְּקוּנֵיהּ לִבְעֵל דְבָבוֹי וּבִרְכְּתָא תֶהֱוֵי לְאִנָא דִמְזַבֵּן: ^pv-11-26

**27** דְמַקְדִים טָבְתָא בָּעֵי צִבְיָנָא וְתָבֵעַ בִּישְׁתָּא אָתְיָא עֲלוֹי: ^pv-11-27

**28** דִמְסַבֵּר בְּעוּתְרֵיהּ הוּא נָפֵל וְאֵיךְ טַרְפָא צַדִיקֵי מַפְרְחִין: ^pv-11-28

**29** עָכֵר בֵּיתֵיהּ יֵרֵית פָּחֲתָא וְסִכְלָא יֶהֱוֵי עַבְדָא לְחַכִּים לִבָּא: ^pv-11-29

**30** פֵּרוֹי דְצַדִיקָא אִילָנָא דְחַיֵי וּמְקַבְּלָנוּתָא דְנַפְשֵׁי חָכְמְתָא: ^pv-11-30

**31** הֵן צַדִיקָא בְּאַרְעָא מִתְחַסָן וְרַשִׁיעֵי וְחַטָאֵי סָיְפִין מִן אַרְעָא: ^pv-11-31

## Capítulo 12

**1** מַן דְרָחֵים מַרְדוּתָא רָחֵם יְדִיעֲתָא וְסָנֵי מַכְסָנוּתָא בּוּרָא הוּא: ^pv-12-1

**2** טָב מַן דְקַבֵּל רְעוּתֵיהּ דֶאֱלָהָא וְגַבְרָא רַשִׁיעָא רְעִיעָא תַרְעִיתֵיהּ: ^pv-12-2

**3** לָא נִתְקַן בַּר נָשָׁא בְּרִשְׁעָא וְעִקָרְהוֹן דְצַדִיקֵי לָא נְזוּעַ: ^pv-12-3

**4** אִתְּתָא כְשַׁרְתָּא כְּלִילָא לְבַעֲלָהּ וְאִנְתְּתָא בִּישְׁתָּא הֵיךְ מַלְטִיתָא בְּקַיְסָא הֵיכְנָא מֵיבְדָא גַרְמוֹי דְגַבְרָהּ: ^pv-12-4

**5** מַחְשְׁבָתְהוֹן דְצַדִיקֵי דִינָא מַדְבְּרָנוּתָא דְרַשִׁיעֵי רַמָיוּתָא: ^pv-12-5

**6** מִלֵי דְרַשִׁיעֵי כָּמְנִין לִדְמָא וּפוּמְהוֹן דִתְרִיצֵי מַפְצֵי לְהוֹן: ^pv-12-6

**7** נִתְהַפְּכוּן רַשִׁיעֵי וְלָא נִשְׁתַּכְּחוּן וּבֵיתְהוֹן דְצַדִיקֵי יְקוּם: ^pv-12-7

**8** גַבְרָא מִשְׁתַּבַּח בְּפוּמָא דְסוּכְלְתָנוּתֵיהּ וַחֲסִיר רַעֲיְנָא יֶהֱוֵי לִשְׁטוּתָא: ^pv-12-8

**9** טָב הוּא זְלִילָא וְעַבְדֵי אִית לֵיהּ מִן הוּא דְמִתְיַקַר וַחֲסִיר לַחְמָא: ^pv-12-9

**10** יָדֵיעַ צַדִיקָא נַפְשָׁא דִבְעִירֵיהּ וְרַחֲמֵיהוֹן דְרַשִׁיעֵי נַכְזְרָיוּתָא: ^pv-12-10

**11** דְפָלַח בְּאַרְעֵיהּ יִסְבַּע לַחְמָא וּדְרָדֵף בָּתַר סְרִיקוּתָא חֲסַר רַעְיָנָא הוּא: ^pv-12-11

**12** רָאֵג רַשִׁיעָא מְצוּדְתָּא בִישְׁתָּא וְעִקָרְהוֹן דְצַדִיקֵי נִתְקַיֵם: ^pv-12-12

**13** בְּחוֹבָא דְשִׂפְוָתָא מַתְקַל בִּישָׁא וּפָלִיט צַדִיקָא מִן עָקְתָא: ^pv-12-13

**14** גַבְרָא מִן פְּרִי פוּמֵיהּ יִשְׂבַּע טָבְתָא וְכָל בַּר נָשׁ הֵיךְ עוֹבַד אַיְדוֹ מִתְפְּרִיעַ: ^pv-12-14

**15** אָרְחֵיהּ דְסַכְלָא תְרִיצָא בְּאַפּוֹי וּדְשָׁמֵעַ לְעֵיצְתָא חַכִּימָא הוּא: ^pv-12-15

**16** שַׁטְיָא כַּד יוֹמֵיהּ מוֹדַע רוּגְזֵיהּ וַעֲרִים מְכַסֵי צַעֲרֵיהּ: ^pv-12-16

**17** מַן דְמַסְהֵיד הֵימָנוּתָא נִתְנֵי צַדִיקוּתָא וְסָהֵד דְשִׁקְרָא רַמָאָה הוּא: ^pv-12-17

**18** אִית דְאִמְרֵיהּ סַפְסֵירָא רָגְשָׁא וְלִישָׁנָא דְחַכִּימֵי מָאסְיָא: ^pv-12-18

**19** שִׂפְתָא דְקֻשְׁטָא תִתַּקֵן לַעֲלָם וְסַהֲדָא מִסְתַּרְהֵב כְּלִישְׁנָא דְשִׁקְרָא: ^pv-12-19

**20** רַמָיוּתָא בְּלִבְּהוֹן דְחָשְׁלִין בִּשְׁתָּא וּלְאִלֵין דְיָעֲצִין שְׁלָמָא חֶדְוְתָא תֶהֱוֵי: ^pv-12-20

**21** לָא שַׁפִּיר לְצַדִיקָא כָּל מִדָעַם דְעָאתָא וְרַשִׁיעֵי מָלְיָן בִּישְׁתָּא: ^pv-12-21

**22** מְרַחֲקָתֵיהּ דֶאֱלָהָא סִפְוָתֵי דְשִׁקְרָא וּבְאִלֵין דְעָבְדִין הֵימָנוּתָא מִתְרְעֵי: ^pv-12-22

**23** בַּר נַשׁ עֲרִימָא מְכַסֶה יְדִיעֲתָא וְלִבְּהוֹן דְסַכְלֵי סָנֵי יְדִיעֲתָא: ^pv-12-23

**24** אַיְדָא דְתַקִיפֵי תִשְׁלַט וְרַמָאֵי יְהוֹן לְמִיסָא: ^pv-12-24

**25** מִלְתָא דְחִילְתָּא בְּלִבֵּיהּ דְגַבְרָא מְדַחֲלָא וּמִלַיָא טָבַיָא מְחַדְיָן לֵיהּ: ^pv-12-25

**26** טָב מִן חַבְרֵיהּ צַדִיקָא וְאָרְחֲהוֹן דְרַשִׁיעֵי מַתְעֵי לְהוֹן: ^pv-12-26

**27** לָא נִסְתַּקְבֵּל צֵידָא לְגַבְרָא נְכִילָא וּמַזָלֵיהּ דְבַר אֱנָשׁ דַהֲבָא יַקִירָא: ^pv-12-27

**28** בְּאָרְחָא דְצִדְקָא חַיֵי וְאוֹרַח דְעַוְתָנָא לְמוֹתָא: ^pv-12-28

## Capítulo 13

**1** בַּר חַכִּימָא מְקַבֵּל מַרְדוּתָא דְאַבָּא וּבְרָא מְמִקְנָא לָא מְקַבֵּל בַּעֲתָא: ^pv-13-1

**2** גַבְרָא מִן פְּרִי פוּמִי נִסְבַּע טָבְתָא וְנַפְשֵׁהוֹן דְבָזוֹזֵי תִתְחַטֵף: ^pv-13-2

**3** דְנָטַר פּוּמֵיהּ מִזְדְהַר בְּנַפְשֵׁיהּ וּפְתִיחַ שִׂפְוָתֵיהּ סֵינוּ שֵׁצְיָא אִית לֵיהּ: ^pv-13-3

**4** מִתְרַגְרְגָא נַפְשֵׁיהּ דְעַטְלָא מִדָעַם וְלָא מַיְתֵי לָהּ וְנַפְשֵׁהוֹן דִתְקִיפֵי תִדְהַן: ^pv-13-4

**5** מִלְתָא דְשִׁקְרָא סָנֵי צַדִיקָא וְרַשִׁיעָא נִבְהַת וְנֶחְפַּר: ^pv-13-5

**6** צִדְקְתָא תִּנְטוֹר לְאִלֵין דִתְמִימִין בְּאָרְחַתְהוֹן וְרַשִׁיעָא מְטַלְטֵל בַּחֲטוֹהִי: ^pv-13-6

**7** אִית דִמְעַתֵּר נַפְשֵׁיהּ וְלֵית כָּל מִדָעַם וּמְמַסְכֵּן נַפְשֵׁיהּ וּמַזָלֵיהּ סַגִיאָה: ^pv-13-7

**8** אִית לֵיהּ פּוּרְקָנָא דְנַפְשֵׁיהּ דְגַבְרָא עוּתְרֵיהּ וּמַסְכְּנָא לָא מְקַבֵּל בַּעְתָא: ^pv-13-8

**9** נוּהֲרֵי דְצַדִיקֵי נִרְוַז וּשְׁרָגָא דְרַשִׁיעֵי נִדְעָךְ: ^pv-13-9

**10** לְחוֹד בִּזְדָנוּתָא אָתְיָא מַצוּתָא וְאִלֵין דְמִתְמַלְכִין חַכִּימֵי אִנוּן: ^pv-13-10

**11** מַזָלָא מִן עַוְלָא דְמָרֵיהּ יִזְעַר וּדְמַכְנֵשׁ וְיָהַב לְמַסְכְּנָא יַסְנֵי מָמוֹנֵיהּ: ^pv-13-11

**12** מַן דִּמְשַׁדֵי לְמַעְדְרֵיהּ טָב מִן דְתָלֵי בְּסִבְרָא וְאִילָנָא דְחַיֵי רִגְתָא מַיְתָא: ^pv-13-12

**13** דְבָזֵי עַל מִלְתָא נִתְחַבֵּל מִנָהּ וּדְדָחֵל מִפּוּקְדָנָא מִשְׁתְּלָם טָבְתָא: ^pv-13-13

**14** נִימוֹסָא דְחַכִּימָא מַבּוּעַ דְחַיֵי לְמִסְטֵי מִן פָּחָא דְמוֹתָא: ^pv-13-14

**15** שִׂכְלָא טָבָא יָהֵב חֶסְדָא וְאָרְחָא תַּקִיפָא דְבָזוֹזֵי תֵיבָד: ^pv-13-15

**16** כָּל עֲרִימָא עֲבִידְתֵּיהּ מִדְעַתָּא וְסִכְלָא פָּרֵס לֵיהּ לְשַׁטְיוּתָא: ^pv-13-16

**17** שְׁלִיחָא בִישָׁא יִפֵּל בְבִישְׁתָּא וְאִזְגַדָא מְהֵימְנָא אָסְיָא הוּא: ^pv-13-17

**18** מִסְכְּנָא וּמַן לֵיהּ צַעֲרָא מָרֵשׁ מַרְדוּתָא וּדְמִזְדְהֵר בְּמַכְסְנוּתָא מִתְיַקַר: ^pv-13-18

**19** רִגְתָא דְיָאֲיָא תְּבַסֵם נַפְשָׁא וּמְרַחַקְתָּא דְסַכְלֵי פְּרִיקָא מִן יְדִיעֲתָא: ^pv-13-19

**20** דִמְהַלֵךְ עִם חַכִּימֵי נִתְחַכַּם וְדִמְחַבָּר לְסַכְלֵי נִבְאַשׁ לֵיהּ: ^pv-13-20

**21** לְחַטָאֵי תִּרְדַף בִּישְׁתָּא וְצַדִיקֵי יִשְׁתַּלְמוּן טָבְתָא: ^pv-13-21

**22** גַבְרָא טָבָא מוֹרִית לִבְנֵי בְנוֹהִי וּמִתְנַטַר לְצַדִיקָא עוּתְרֵיהּ דְחַטָאָהּ: ^pv-13-22

**23** רַבָּא אָכִיל אֲרַע לְמִסְכְּנָא וְאִית גַבְרָא מִתְנְגֵד בְּלָא דִינָא: ^pv-13-23

**24** דְחָשֵׂךְ שִׁבְטֵיהּ סָנֵי בְּרֵי וּדְרָחֵם לֵיהּ מְקַדֵם לֵיהּ מַרְדוּתָא: ^pv-13-24

**25** צַדִיקָא אָכֵל וְשָׂבְעָא נַפְשֵׁיהּ וּכְרֵיסָא דְרַשִׁיעֵי תֶּחְסָר: ^pv-13-25

## Capítulo 14

**1** חַכִּימְתָּא דִנְשַׁיָא בָּנְיָא בֵיתָהּ וְשַׁטְיְתָא בִּידָהָא עָקְרָא לָהּ: ^pv-14-1

**2** דִמְהַלֵךְ בִּתְרִיצוּתָא דָחֵל מִן קֳדָם אֱלָהָא וְדַעֲשִׁיק בְּאוֹרְחָתֵיהּ שָׁאַט לֵיהּ: ^pv-14-2

**3** בְּפוּמֵיהּ דְשָׁטְיָא זַקְתָּא דְצַעֲרָא וְשִׂפְוָתְהוֹן דְחַכִּימֵי נִנְטְרָן אִנוּן: ^pv-14-3

**4** אֲתַר דְלֵית תּוֹרָא דַכְיָן אוּרְוָתָא וְסוּגְעָא דַעֲלַלְתָּא בְּחַיְלֵיהּ דְתוֹרָא: ^pv-14-4

**5** סָהֲדָא מְהֵימְנָא לָא מְכַזֵב וְדִמְמַלֵל כַּדְבוּתָא סַהֲדָא רִגְלָא הוּא: ^pv-14-5

**6** בָּעֵי מְמִיקְנָא חָכְמְתָא וְלֵית וִידִיעֲתָא לְמַן דְמִתְבַּיֵן זְלִילָא: ^pv-14-6

**7** אֱזֵל בְּאָרְחָא אַחֲרִיתָא מִן קֳדָם סִכְלָא דְלֵית בְּשִׂפְוָתֵיהּ יְדִיעֲתָא: ^pv-14-7

**8** חָכְמְתָא דַעֲרִימָא בְּיוּנָא דְאָרְחָא וּבְשַׁטְיוּתָא דְסַכְלֵי רַמָיוּתָא: ^pv-14-8

**9** כְּסִילֵי מָתְלִין בְּחֶטְאָה וּבֵינָת תְּרִיצֵי רְעוּתָא: ^pv-14-9

**10** לִבָּא יָדֵיעַ מְרִירוּתָא דְנַפְשֵׁיהּ וּבְחֶדְוָתֵיהּ לָא מִתְעָרַב נוּכְרָאָה: ^pv-14-10

**11** בֵּיתָא דְרַשִׁיעֵי יִשְׁתֵּיצֵי וּמַשְׁכְּנָא דִתְרִיצֵי מַפְרִיחַ: ^pv-14-11

**12** אִית אוֹרְחָא דְסָבְרִין בְּנֵי נָשָׁא דִתְרִיצָא הִיא וְסוֹפָהּ אוֹרְחָא דְמוֹתָא: ^pv-14-12

**13** אַף בְּגוּחֲכָא נִכְאַב לִבָּא וְסוֹפָא דְחֶדְוָתָא חֲמוּצָא: ^pv-14-13

**14** מִן אוֹרְחָתֵיהּ נִסְבַּע מַן דִמְדִיחַ לִבֵּיהּ וְגַבְרָא טָבָא נִסְבַּע מִן דְחַלְתֵּיהּ: ^pv-14-14

**15** שַׁבְרָא מְהֵימָן לְכָל מִלֵי וַעֲרִימָא מִתְבַּיֵן לְטָבְתֵיהּ: ^pv-14-15

**16** חַכִּימָא דָחֵל וּמַסְטֵא מִן בִּישְׁתָּא וְסַכְלָא מִתְחַלֵט בְּסַכְלוּתָא וּמַסְבִּיר בָּהּ: ^pv-14-16

**17** מַן דְכַרְיָא רוּחֵיהּ מִתְחַשֵׁיב שַׁטְיָא וְסָנְיָא לְגַבְרָא דַאֲרִיכָא תַרְעִיתֵיהּ: ^pv-14-17

**18** יֵרְתוּן שַׁבְרֵי שַׁטְיוּתָא וּכְלִילְהוֹן דַעֲרִימָאֵי יְדִיעֲתָא: ^pv-14-18

**19** נְפַלוּ בִישֵׁי קֳדָם טָבֵי וְרַשִׁיעֵי נִתְדוּן בְּתַרְעַיָא דְצַדִיקֵי: ^pv-14-19

**20** אַף לְחַבְרֵיהּ סְנֵי מִסְכְּנָא וְרָחֲמֵי דְעַתִּירָא סַגִיעִין: ^pv-14-20

**21** חָטְיָא שָׁאֵט לְחַבְרֵיהּ וּמַן דְיָהֵב לְמִסְכְּנָא טוּבוֹהִי: ^pv-14-21

**22** הֲלָא תָעֳיָן דְחָשְׁלִין בִּישְׁתָּא וְחִסְדָא וּקְשׁוֹט חָשְׁלִין טָבֵי: ^pv-14-22

**23** בְּכָל מַן דְאַצְפָּא לָךְ יֶהֱוֵי לָךְ יוּתְרָנָא וְסִפְוָתָא יַתִּירָתָא לְחוּסְרָנָא: ^pv-14-23

**24** כְּלִילָא דְחַכִּימֵי עוּתְרֵהוֹן וְשַׁבְהוֹרְהוֹן דְסַכְלֵי שַׁטְיוּתְהוֹן: ^pv-14-24

**25** מַפְצֵא נַפְשָׁא סָהֲדָא דְקוּשְׁטָא וּדְמַלֵל כַּדָבוּתָא רַמָיָא הוּא: ^pv-14-25

**26** דְחַלְתֵּיהּ דֶאֱלָהָא סִבְרָא דְעֻשְׁנָא וְלִבְנוֹי נֶהֱוֵי תוּכְלָן: ^pv-14-26

**27** דְחַלְתָּא דֶאֱלָהָא מַבּוּעַ דְחַיֵי לִדְמַסְטֵי מִן פַּחָא דְמוֹתָא: ^pv-14-27

**28** בְּסוּגְעָא דְעַמָא הַדְרֵיהּ דְמַלְכָּא וְהֵיךְ דִבְצִיר עַמָא מִתְתְּבַר פַּרְנָסֵיהּ: ^pv-14-28

**29** מַן דִנְגִידָא רוּחֵיהּ סַגִיעָא בְיוּנֵיהּ וּמַן דְכַרְיָא רוּחֵיהּ מַסְגֵי שַׁטְיוּתָא: ^pv-14-29

**30** דְמַפְלֵיג חֶמְתָּא דְלִבֵּיהּ אָסְיָא הוּא דְבִיסְרֵיהּ וְהֵיךְ מִלְטֵיתָא בְקִיסָא הָכֵן קִנְאֲתָא בְּגַרְמֵיהּ: ^pv-14-30

**31** דְעַשֵׁק לְמִסְכְּנָא חִסוּדָא עָבִיד לְבָרְיֵה וְדִמְרַחֵם עֲלִיבָא יְקָרֵיהּ: ^pv-14-31

**32** בְּבִישׁוּתֵיהּ מִסְתְּחֵף רַשִׁיעָא וּדְתָכֵל דְמָאֵת צַדִיקָא הוּא: ^pv-14-32

**33** בְּלִבָּא דְמִתְבַּיֵן תִּשְׁרֵי חָכְמְתָא וּבְגַוֵיהוֹן דְסָכְלֵי שַׁטְיוּתָא תִּתְיְדַע: ^pv-14-33

**34** צִדְקְתָא תְּרוֹרָם אוּמָא וְחִסוּדָא דְעַמֵי חֶטְאֵי: ^pv-14-34

**35** רְעוּתֵיהּ דְמַלְכָּא בְּעַבְדָא סוּכְלְתָנָא וּבְסוּרְחָנֵיהּ יְבַהֲתוּן: ^pv-14-35

## Capítulo 15

**1** מִלְתָא רְכִכְתָּא מְהַפְּכָא חֶמְתָּא וּמִלְתָא דְעַזִיזָא מַסְקָא רוּגְזָא: ^pv-15-1

**2** לִישָׁנָא דְחַכִּימֵי מַשְׁפַּר יְדִיעֲתָא וּפוּמְהוֹן דְסַכְלֵי נַבִּיעַ שַׁטְיוּתָא: ^pv-15-2

**3** בְּכָל אֲתַר עַיְנוֹי דַייָ חָמְיִן בְּבִישֵׁי וּבְטָבֵי: ^pv-15-3

**4** אַסְיוּתָא דְלִישָׁנָא אִילָנָא דְחַיֵי הוּא וּדְאָכַל מִן פֵּרוֹהִי נִשְׂבַּע: ^pv-15-4

**5** שַׁטְיָא מַסְלֵי מַרְדוּתָא דַאֲבוּי וּדְמִזְדַהַר בְּמַכְסְנוּתָא עֲרִימָא הוּא: ^pv-15-5

**6** בְּבֵיתָא דְצַדִיקֵי סַגִי חֵילָא וַעֲלַלְתְּהוֹן דְרַשִׁיעֵי תִּתְעֲכֵר: ^pv-15-6

**7** שִׂפְוָתֵיהּ דְחַכִּימֵי מוֹדְעִין מַנְדְעָא וְלִבְּהוֹן דְסַכְלֵי לָא כֵן: ^pv-15-7

**8** דִבְחֲהוֹן דְרַשִׁיעֵי מְרַחַקְתֵּיהּ דֶאֱלָהָא וּבִצְלוֹתְהוֹן דִתְרִיצֵי מִתְרְעֵי: ^pv-15-8

**9** מְרַחֵק אֱלָהָא אוֹרְחֵיהּ דְרַשִׁיעָא וּדְרָדֵף צִדְקְתָא נִתְרַחֵם: ^pv-15-9

**10** מַרְדוּתָא דְבִישָׁא מַטְעֲיָא אוֹרְחֵיהּ וּמַן דְסָנֵי מַכְסְנוּתָא יְמוּת: ^pv-15-10

**11** שְׁיוֹל וְאוּבְדָנָא קֳדָם אֱלָהָא אַף לִבִּי בַר נָשָׁא: ^pv-15-11

**12** לָא רָחֵם מְמִיקְנָא לְמַן דְמַכְסֵן לֵיהּ וּלְוַת חַכִּימֵי לָא אָזֵל: ^pv-15-12

**13** לִבָּא חָדְיָא מַשְׁפִּיר אַפֵּי וּבְכֵיבָא דְלִבָּא רוּחָא מְמָכְתָּא: ^pv-15-13

**14** לִבָּא דְמִתְבַּיֵן בָּעֵי יְדִיעֲתָא וּפוּמְהוֹן דְסַכְלֵי שַׁטְיוּתָא: ^pv-15-14

**15** כָּל יוֹמֵי דְמִסְכְּנָא בִּישִׁין וּמַן דְטָב לִבֵּיהּ מַשְׁקְיָא תְדִירָא: ^pv-15-15

**16** טָב קָלִיל בִּדְחַלְתֵּיהּ דֶאֱלָהָא מִן סִימָתָא רַבְרְבָתָא וְעָאֲתָא בָהֵן: ^pv-15-16

**17** טָבָא שֵׁרוּתָא דְיַרְקָא וְרַחֲמוּתָא תַמָן מִן תּוֹרֵי מְפַטְמֵי בִּסְגִיאֲתָא: ^pv-15-17

**18** גַבְרָא חֶמְתָּנָא מְגָרָא תִגְרָא וּנְגִיד רוּחָא מַדְעֵךְ חַרְתָּא: ^pv-15-18

**19** אוֹרְחֵיהוֹן דְעַטְלֵי קַרְצוּבֵי וְכוּבֵי וְאוֹרְחָא דִתְאֵיצֵי שַׁפְיָא: ^pv-15-19

**20** בְּרָא חַכִּימָא יַחֲדֵי לַאֲבוּי וּבְרָא סַכְלָא מְשִׁיט אִמֵיהּ: ^pv-15-20

**21** שַׁטְיוּתָא חֶדְוָתָא הִיא לַחֲסִיר לִבָּא וְגַבְרָא דְמִתְבַּיֵן תְּרִיצוּת מְהַלֵךְ: ^pv-15-21

**22** בִּטוּלָא דְמַחְשְׁבָתָא הֵיךְ דְלֵית רָזָא וּבְסוּגְעָא דְאִלֵין דְמִתְמַלְכִין עֵצָתָא תְקוּם: ^pv-15-22

**23** חֶדְוָתָא לְגַבְרָא בְּמִלְתָא דְפוּמֵיהּ וּמִלְתָא בְעִדָנָא סְגוּ טָבָא: ^pv-15-23

**24** אָרְחָא דְחַיֵי מַעְלְיָא לְסוּכְלְתָנָא דְנִסְטָא מִן שְׁיוֹל תַּחְתִּיתָא: ^pv-15-24

**25** בֵּיתָא דְגֵיוְתָנָא נְסַתֵּר אֱלָהָא וִיעַתַּד תְּחוּמָא דְאַרְמַלְתָּא: ^pv-15-25

**26** מְרַחַקְתֵּיהּ דֶאֱלָהָא מַחְשְׁבָתָא דְבִישְׁתָּא וְדַכְיָן מִלֵי בְסִימָתָא: ^pv-15-26

**27** מוֹבִיד בֵּיתֵיהּ מְכַנֵשׁ מָמוֹן דִשְׁקַר וּדְסָנֵי מוֹהֲבִיָתָא דְמַגֵן יְחֵי: ^pv-15-27

**28** לִבָּא דְצַדִיקָא רָנֵן בְּהֵימָנוּתָא וּפוּמְהוֹן דְרַשִׁיעֵי מַבִּיעַ בִּשְׁתָּא: ^pv-15-28

**29** רָחִיק הוּא אֱלָהָא מֵרַשִׁיעֵי וּצְלוֹתְהוֹן דְצַדִיקֵי יִשְׁמָע: ^pv-15-29

**30** נְהוֹרָא דְעַיְנֵי מַחֲרֵי לִבָּא שׁוּמְעֲתָא טָבָא מְדַהֲנָא גַרְמָא: ^pv-15-30

**31** אוּדְנָא דְשָׁמְעָא מַכְסְנוּתָא דְחַיֵי בֵּינָת דְחַכִּימֵי תְבוּת: ^pv-15-31

**32** מָרֵישׁ מַרְדוּתָא מַסְלֵי נַפְשֵׁיהּ וְדִשְׁמִיעַ מַכְסְנוּתָא דְחַיֵי קָנֵי חוּכְמְתָא: ^pv-15-32

**33** דְחַלְתֵּיהּ דַייָ מַרְדוּתָא דְחוּכְמְתָא וּמַן דְמִתְיַקֵר יֶהֱוֵי עֶנְוָן: ^pv-15-33

## Capítulo 16

**1** מִן בַּר נָשׁ תַּרְעִיתָא דְלִבָּא וּמִן יְיָ מַמְלָלָא דְלִישָׁנָא: ^pv-16-1

**2** כֻּלְהוֹן אָרְחָתֵיהּ דְגַבְרָא דַכְיָן אִנוּן בְּעַיְנוֹי וֵאלָהָא מַתְקֵן אָרְחָתֵיהּ: ^pv-16-2

**3** גְלִי לֶאֱלָהָא עוֹבְדָךְ וּמְתַקְנָן מַחְשְׁבָתָךְ: ^pv-16-3

**4** כֻּלְהוֹן עוֹבָדִין דֵאלָהָא לְאִלֵין דְמִשְׁתַּמְעִין לֵיהּ וְרַשִׁיעָא לְיוֹמָא בִישָׁא: ^pv-16-4

**5** מְרַחַקְתֵּיהּ דֵאלָהָא כָּל דְרַם בְּלִבֵּיהּ מִן בִּישְׁתָּא לָא נִדְכֵּי: ^pv-16-5

**6** בְּטֵיבוּתָא וְקוּשְׁטָא מִתְכַּפֵּר סוּרְחָנָא וּדְחַלְתֵּיהּ דֵאלָהָא מִסְטֵי מִן בִּישְׁתָּא: ^pv-16-6

**7** כַּד אִתְרְעֵי אֱלָהָא בְּאָרְחָתֵיהּ דְגַבְרָא אַף לְבַעֲלֵי דְבָבוֹי נַשְׁלִים לֵיהּ: ^pv-16-7

**8** טָב קָלִיל בְּצִדְקְתָא מִן סַגִיעָא דַעֲלַלְתָּא דְלָא בְדִינָא: ^pv-16-8

**9** לִבֵּיהּ דְבַר נָשָׁא מְחַשֵׁב אָרְחָתֵיהּ וֵאלָהָא מְתַקֵן הִלְכְתֵיהּ: ^pv-16-9

**10** קִסְמָא עַל שִׂפְוָתֵיהּ דְמַלְכָּא וּבְדִינָא לָא נִדְגוּל פּוּמֵיהּ: ^pv-16-10

**11** רִגְיָא וּמְסָחָא דִתְרִיצוּתָא מִן קֳדָם אֱלָהָא וְעוֹבָדוֹי כּוּלְהוֹן מִתְקְלֵי דְקוּשְׁטָא: ^pv-16-11

**12** מְרַחַקְתֵּיהּ דְמָלְכִין דְעָבְדִין רִשְׁעָא מְטוּל דִבְצִדְקוּתָא תַּקִין כּוּרְסַיָא: ^pv-16-12

**13** רְעוּתֵיהּ דְמַלְכָּא שִׂפְוָתָא דְצִדְקְתָא וּמִלְתָא דִתְרִצֵי רָחֵם: ^pv-16-13

**14** חֵמְתֵיהּ דְמַלְכָּא מַלְאֲכֵי דְמוֹתָא אִנוּן וְגַבְרָא חַכִּימָא נִדְעֲכִנֵיהּ: ^pv-16-14

**15** בִּנְהוֹרָא דְפַרְצוֹפֵיהּ דְמַלְכָּא חַיֵי וְצִבְיוֹנֵיהּ הֵיךְ עֲנָנָא בִּבְרִירוּתָא: ^pv-16-15

**16** דְקָנֵי חָכְמְתָא טָבָא לֵיהּ מִן דַהֲבָא סְנִינָא וּדְקָנֵי בְיוּנָא טָב מִן סַנְיָא גַבְיָא: ^pv-16-16

**17** שְׁבִילָא דִתְרִיצֵי מִסְטֵי מִן בִּישְׁתָא וּדְמַזְהַר נַפְשֵׁיהּ נָטַר אָרְחֵיהּ: ^pv-16-17

**18** קֳדָם תַּבְרָא גֵוְתָנוּתָא וְקָדָם תַּקְלָא רָמַת רוּחָא: ^pv-16-18

**19** טָב הוּא שְׁפַל רוּחַ וְעֶנְוָנָא מִן הוּא דְמַפְלִיג עַדִיתָא עִם גֵיוְתָנֵי: ^pv-16-19

**20** דְמִסְתַּכַּל בְּמִלְתָא יִשְׁכַּח טַבְתָא וְדִמְסַבַר בֵאלָהָא טוּבוֹהִי: ^pv-16-20

**21** חַכִּים לִבָּא יִתְקְרֵי סוּכְלָתָנָא וּדְחַלְיָן סִפְוָתֵיהּ מוֹסִיף אוּלְפָנָא: ^pv-16-21

**22** מַבּוּעַ דְחַיֵי סוּכְלָא דְמָרֵיהּ וּמַרְדוּתֵיהּ דְשַׁטְיֵי שַׁטְיוּתָא: ^pv-16-22

**23** לִבָּא דְחַכִּימָא מִסְתַּכַּל פּוּמֵיהּ וּבְשִׂפְוָתוֹהִי מוֹסִיף אוּלְפָנָא: ^pv-16-23

**24** כַּבְרִיתָא דְדוּבְשָׁא מַאֲמָרָא דְבוּסְמָא חַלְיוּתָא דְנַפְשָׁא וְאַסוּתָא לְגַרְמֵי: ^pv-16-24

**25** אִית אָרְחָא דְמִתְחַזְיָא בְעַנְיֵי בְנֵי נְשָׁא דִתְרִיצָא הִיא וְסוֹפָה אָרְחָתָא דְמוֹתָא אִנוּן: ^pv-16-25

**26** נְפַשׁ דְלָעַיָא לְעוּתָה תְסוֹבֵר דְמִן פּוּמָא אָתִי לָהּ כֵּיפָא: ^pv-16-26

**27** גַבְרָא טָלוֹמָא חָפַר בִּישְׁתָּא וּבְשִׂפְוָתֵיהּ נוּרָא יָהֲבָא זְלִיקֵי: ^pv-16-27

**28** גַבְרָא מְהַפְּכָנָא יְגָרֵי תִגְרֵי וְחַרְתָּנָא מַעֲרִיק רָחֲמֵיהּ: ^pv-16-28

**29** גַבְרָא חֲטוֹפָא מְשַׁרְגֵג חַבְרֵיהּ מוֹבִיל לֵיהּ בְּאָרְחָא דְלָא שַׁפִּירָא: ^pv-16-29

**30** רָמַז בְּעַיְנוֹי וְחָשֵׁב הֲפִכָתָא גָזֵים בְּשִׂפְוָתֵיהּ וְגָמַר בִּישְׁתָא: ^pv-16-30

**31** כְּלִילָא דְשַׁבְהִירָא סֵיבוּתָא בְּאָרְחָא דְצִדְקְתָא מִשְׁתַּכְּחָא: ^pv-16-31

**32** טָב נְגִיד אַפֵּי רוּחָא מִן גִבָּרָא וּדְמַכְבֵּישׁ נַפְשֵׁיהּ טָב מִן הוּא דְאָחֵד מְדִינְתָּא: ^pv-16-32

**33** בְּעוּבָא דְעִצְתָּא נָפְלָא פִּצְתָּא וּמִן אֱלָהָא נְפַק דִינֵיהּ: ^pv-16-33

## Capítulo 17

**1** טָבָא הִיא לַחְמָא שְׁרִבְתָּא וְשַׁלְוָתָא בָהּ מִן בֵּיתָא דְמָלֵי דִבְחֵי דִדְיָנָא: ^pv-17-1

**2** עַבְדָא סוּכְלְתָנָא יִשְׁתַּלֵט בִּבְרָא מְבַהֲתָנָא וּבֵינָת אֲחֵי נִפְלֵג יְרוּתְתָּא: ^pv-17-2

**3** צָרָפָא נְקִי לְסָאמָא וְכוּרָא לְדַהֲבָא וֵאלָהָא בָּדֵיק לִבַּיָא: ^pv-17-3

**4** גַבְרָא בִישָׁא צָיֵת לְסִפְוָתָא דְעָאתָא שִׁקְרָא וְרַגְלוּתָא עַל לִישָׁנָא דְעָאתָא: ^pv-17-4

**5** דְמַצְדֵי לְמִסְכְּנָא מַרְגֵז לְבָרְיֵהּ וּדְחָדֵי לְתַבְרָא דְחַבְרֵיהּ לָא מִזְדַכֵּי: ^pv-17-5

**6** כְּלִילָא דְסָבֵי בְנֵי בָנַיָא וְשִׁבְהוֹרְהוֹן דִבְנַיָא אֲבָהָתְהוֹן: ^pv-17-6

**7** לָא יָאֵי לְטַפְשָׁא שִׂפְתָא יַתִּירְתָּא אַף לָא לְשַׁלִיטָא שִׂפְתָא דְשִׁקְרָא: ^pv-17-7

**8** כֵּיפָא דְשׁוֹחֲדָא חֲסִידָא הִיא בְאַפֵּי מַאן דְשָׁקֵל לָהּ לְכָל אֲתָר דְמִתְפְּנֵי שִׂכּוּלָא: ^pv-17-8

**9** דִמְכַסֵי חוֹבָה בָּעֵי רְחִמוּתָא וּדְשָׁנֵי מִלְתָא מְפָרֵק רָחֲמָא: ^pv-17-9

**10** עָלָא בַּעֲתָא בְמַן דְמִתְבַּיִן טָב מִן דִלְמֶמְחֵי לְסַכְלָא מְאָה חוּטְרִין: ^pv-17-10

**11** בְּרַם גַבְרָא מְרִידָא בָעֵי בִישְׁתָּא וּמַלְאֲכָא נוּכְזְרָיָא יִשְׁתַּדֵר עֲלֵיהּ: ^pv-17-11

**12** פָּגִיעַ דוֹב וּרְתִיתָא בְּגַבְרָא חַכִּימָא לָא מִתְזִיעַ וְסִכְלָא בְּשַׁטְיוּתֵיהּ נָפֵל: ^pv-17-12

**13** דְפַרֵיעַ בִּישְׁתָּא חֲלַף טָבְתָא לָא תִפְסוֹק בִּישְׁתָּא מִן בַּיְתֵיהּ: ^pv-17-13

**14** אָשֵׁד דְמָא הֵיךְ מַיָא מְגָרֵי תִגְרֵי וּקְדָם אִצְטַדְיָא אַטְעֵי דִינָא: ^pv-17-14

**15** דִמְזַכֵּי לְרַשִׁיעָא וּמְחַיֵב לְצַדִיקָא מְרַחַקְתֵּיהּ דֵאלָהָא אַף תַּרְוֵיהוֹן: ^pv-17-15

**16** לְמָא דֵין אָזְלָא לֵיהּ תַּגְרוּתָא לְסַכְלָא דְלֵית לֵיהּ לִבָּא וְחָכְמְתָא: ^pv-17-16

**17** בְּכָל עִדָן גַבְרָא רָחִים הוּא וְאַחָא לְעַקְתָא מִתְיְלִיד: ^pv-17-17

**18** בַּר נָשׁ חֲסִיר רַעְיָנָא מַשְׁלֵם יְדֵיהּ וְעָרֵב עַרְבוּתָא עַל חַבְרֵיהּ: ^pv-17-18

**19** דְרַחֵם חוֹבָא רָחֵם מַצוּתָא וּמֵרִים תַּרְעֵיהּ בָּעֵי תַבְרָא: ^pv-17-19

**20** מִן דְעַקִים לִבֵּיהּ לָא מַשְׁכַּח טָבְתָא וּדְמִתְהַפֵּךְ בְּלִשָׁנֵיהּ נָפַל בְּבִישְׁתָּא: ^pv-17-20

**21** דְמוֹלִיד סִכְלָא חִמוּצָא דִילֵיהּ וְלָא חָדֵי אֲבוּי דְטַפְשָׁא: ^pv-17-21

**22** לִבָּא חָדְיָא מַשְׁפִּיר גוּפָא וְרוּחָא רְכִיכְתָּא מְיַבְּשָׁא גָרְמָא: ^pv-17-22

**23** שׁוּחֲדָא מִן עוּבָא יִסַב רַשִׁיעָא לְמִצְלֵי אָרְחָא דְדִינָא: ^pv-17-23

**24** אַפּוֹי דְסוּכְלְתָנָא חָדְיָן בְּחָכְמְתָא וְעַיְנוֹי דְסִכְלָא בְּעוּמְקָא דְאַרְעָא: ^pv-17-24

**25** בְּרָא סִכְלָא מַכְבִּיד אֲבוּי וּמְמַרְמִיר לְאִמֵיהּ: ^pv-17-25

**26** לְמִתַּךְ לְצַדִיקָא לָא שַׁפֵּיר אַף לָא לְמִמְחֵי צַדִיקַיָא דְאָמְרִין תְּרִיצוּתָא: ^pv-17-26

**27** דְחָשֵׂךְ מִלוֹי יָדֵיעַ יְדִיעֲתָא וְדִמְכִיכָא רוּחֵיהּ גַבְרָא דְמִתְבַּיֵן: ^pv-17-27

**28** וְאַף שַׁטְיָא דְשָׁתֵק חַכִּימָא הוּא מִתְחַשֵׁב וּדְכָלֵי שִׂפְוָתֵיהּ מִתְבַּיָן: ^pv-17-28

## Capítulo 18

**1** רִגְתָא בָּעֵי פָּחְיָה וּבְכָל מַלְכָנָא מִצְטְדֵי: ^pv-18-1

**2** לָא צָבֵי סִכְלָא בְּסוּכְלְתָנָא אֶלָא בְּשַׁטְיוּתָא פָּחֵי לִבֵּיהּ: ^pv-18-2

**3** כַּד אָתֵי רַשִׁיעָא בְּשַׁטְיוּתָא יֵיתֵי וּבְצַעֲרָא וּבְחִסוּדָא: ^pv-18-3

**4** מַיָא עֲמִיקֵי פּוּמֵיהּ דְגַבְרָא נַחֲלָא דְנָבֵיעַ מַבּוּעַ דְחָכְמְתָא: ^pv-18-4

**5** לְמֵסַב אַפֵּי לְרַשִׁיעָא לָא שַׁפִּיר אַף לָא לְמִצְלֵי דִינָא לְצַדִיקָא: ^pv-18-5

**6** סִפְוָתֵיהּ דְסִכְלָא מַיְתָן לֵיהּ לְדִינָא וּפוּמֵיהּ מַסְטֵי לֵיהּ לְחַרְתָּא: ^pv-18-6

**7** פּוּמֵיהּ דְסִכְלָא שַׁצְיָא הוּא לֵיהּ וְשִׂפְוָתֵיהּ פַּחָא אִנוּן לְנַפְשֵׁיהּ: ^pv-18-7

**8** מִלוֹי דְשִׁגוּשָׁא מַרְכְנָן לֵיהּ וּמָחֲתָן לֵיהּ לְעוֹמֶק דִשְׁיוֹל: ^pv-18-8

**9** וְאַף דְמִתְרַפֵּה בַּעֲבִדְתֵּיהּ חַבְרָא הוּא לְגַבְרָא מְחַבְּלָנָא: ^pv-18-9

**10** מַגְדְלָא דְעוּשְׁנָא שְׁמֵיהּ דֵאלָהָא וּבֵיהּ נִרְהַט צַדִיקָא וְנִתְּרִים בֵּיהּ: ^pv-18-10

**11** מַזָלֵיהּ דְעַתִּירָא קִרְיְתָא דְעוּשְׁנֵיהּ וּכְשׁוּרָא יְרוּם מִשְׁרֵיהּ: ^pv-18-11

**12** קֳדָם תַּבְרָא יִתְרוֹרַם לִבֵּיהּ דְגַבְרָא וּקְדָם יְקָרָא עִנְוְתָנוּתָא: ^pv-18-12

**13** מַחֲזִיר פִּתְגָמָא עַד לָא שָׁמֵיעַ שַׁטְיוּתָא לֵיהּ וּבַהַתְתָא: ^pv-18-13

**14** רוּחֵיהּ דְגַבְרָא תְּסוֹבַר כֻּרְהֲנֵיהּ וְרוּחָא מְכִכְתָּא מַן נַטְעִינֵיהּ: ^pv-18-14

**15** לִבָּא דְמִתְבַּיֵן נִקְנֵא יְדִיעֲתָא וְאֻדְנָא דְחַכִּימֵי תִבְעֵי מַנְדְעָא: ^pv-18-15

**16** מוֹהַבְתֵּיהּ דְבַר נָשָׁא מְרַוְחָא לֵיהּ וּקְדָם רַבְרְבֵי מְקִימָא לֵיהּ: ^pv-18-16

**17** זַכַּי הֲוָה קַדְמָאָה בְדִינֵיהּ וַאֲתָא חַבְרֵיהּ וּנְצִיחַ לֵיהּ: ^pv-18-17

**18** תִּגְרֵי מְבַטְלָא פִצְתָּא וּבֵינָת תַּקִיפֵי פָרְשָׁא: ^pv-18-18

**19** אֲחָא דְמִתְעַוֵי מִן אֲחוּי הֵיךְ קִרְיְתָא עֲשִׁנְתָּא וְאַחֲרָא הֵיךְ סוֹכָרָא דְחוּסְנָא: ^pv-18-19

**20** מִן פְּרִי פוּמֵיהּ דְגַבְרָא תִּסְבַּע כְּרֵיסֵיהּ וּמִן עֲלַלְתָּא דְשִׂפְוָתֵיהּ נִסְבַּע: ^pv-18-20

**21** מוֹתָא וְחַיֵי בִּידָא דְלִישָׁנָא וּדְרָחֵם לֵיהּ נֵיכוּל מִן פֵּרוֹי: ^pv-18-21

**22** דְמַשְׁכַּח אִתְּתָא טָבְאָתָא מַשְׁכַּח וּמְקַבֵּל רְעוּתֵיהּ מִן אֱלָהָא: ^pv-18-22

**23** תַּחֲנוּנֵי נְמַלֵל מִסְכְּנָא וְעַתִּירָא נְמַלֵל עֲשִׁינָתָא: ^pv-18-23

**24** אִית חַבְרֵי דְמִתְחַבְּרִין וְאִית רָחֲמָא דָבֵק מִן אָח: ^pv-18-24

## Capítulo 19

**1** טָב מִסְכֵּינָא דִמְהַלֵךְ בִּתְמִימוּתָא מִן הוּא דִמְעַקְמָן אָרְחָתֵיהּ וְהוּא סָכֵל: ^pv-19-1

**2** מַן דְלָא יָדִיעַ נַפְשֵׁיהּ לָא שַׁפִּיר לֵיהּ וּדְקָלִיל בְּרַגְלוֹי לְבִישְׁתָּא חָטְיָא הוּא: ^pv-19-2

**3** שַׁטְיוּתָא דְבַר נָשָׁא מְטַלְטְלָא אָרְחָתֵיהּ וְעַל אֱלָהָא מִתְרְעֵם לִבֵּיהּ: ^pv-19-3

**4** מַזָלָא מוֹסִיף חַבְרֵי סַגִיעֵי וּמִסְכְּנָא פָרֵישׁ חַבְרֵיהּ מִנֵיהּ: ^pv-19-4

**5** סַהֲדָא דְשִׁקְרָא לָא נִזְדְכֵי וּדְמַוְעֵי כַדְבוּתָא לָא נִתְמְלֵט: ^pv-19-5

**6** סַגִיעֵי דִמְשַׁמְשִׁין קֳדָם רַבָּא וְדִלְבִישִׁין יָהֵיב מוּהַבְתָּא: ^pv-19-6

**7** כּוּלְהוֹן רָחֲמוֹי דְמִסְכְּנָא סָנְיָן לֵיהּ וְאַף חַבְרוֹי רָחֲקִין מִנֵיהּ אִיכָּא דְטָרֵךְ בְּמִלוֹי לָא שְׁרִיר: ^pv-19-7

**8** קָנֵי לִבָּא טָבָא רָחֵם נַפְשֵׁיהּ נָטֵר בְּיוּנָה מַשְׁכַּח טָבְתָא: ^pv-19-8

**9** סָהֲדָא דְשִׁקְרָא לָא נִזְדְכָא וּדְמַוְעִי כַדְבוּתָא נֵאבַד: ^pv-19-9

**10** לָא יָאֵי לְסַכְלָא פִנוּקָא אַף לָא לְעַבְדָא דְנִשְׁתְּלַט בְּרַבְרְבָנִין: ^pv-19-10

**11** שִׂכְלֵיהּ דְבַר נָשָׁא נְגִידוּת אוּרְחֵיהּ וְשִׁבְהוֹרֵיהּ דְנַעֲבַר עַל חוֹבָא: ^pv-19-11

**12** נָהֵם הֵיךְ אַרְיָא זַעֲפֵיהּ דְמַלְכָּא וְהֵיךְ טַלָא עַל עִסְבָּא רְעוּתֵיהּ: ^pv-19-12

**13** בַּר סַכְלָא קָשֵׁיהּ הוּא לַאֲבוּי הֵיךְ קִרְסֵי וְהֵיךְ דָלְפָא דְדָלֵף תִּגְרֵי דְאִתְּתָא: ^pv-19-13

**14** בֵּיתָא וּמַזָלָא וִירוּתְתָּא הוּא דַאֲבָהָן וּמִן אֱלָהָא מִתְמַסְרָא אִתְּתָא לְגַבְרָא: ^pv-19-14

**15** עַטְלוּתָא יַהֲבֵא שִׁנְתָא וְנַפְשָׁא רְמִיתָא תִכְפַן: ^pv-19-15

**16** דְנָטֵר פּוּקְדָנָא נָטֵר נַפְשֵׁיהּ וּדְמֵשִׁיט אוֹרְחָתֵיהּ יְמוּת: ^pv-19-16

**17** מַן דְבָעֵי דִנְזִיף לֵאלָהָא מִתְרְחֵם עַל מִסְכְּנָא וּפוּרְעֲנוּתָא טָבְתָא מְשַׁלֵם לֵיהּ: ^pv-19-17

**18** רְדֵי בְרָךְ מְטוּל דְאִית סִכְוְיָא וּלְמִיתוּתֵיהּ לָא תְרִים נַפְשָׁךְ: ^pv-19-18

**19** גַבְרָא חֶמְתָּנָא מְקַבֵּל תַּכָּא וּכְמָה דְמִתְעֲלֵי עַל טוּעֲנֵיהּ מוֹסִיף: ^pv-19-19

**20** שְׁמַע עֵצְתָא וְקַבֵּל מַרְדוּתָא מְטוּל דְתִתְחַכַּם בְּסוֹפָךְ: ^pv-19-20

**21** סַגִיעָן מַחְשְׁבָתָא בְּלִבֵּיהּ דְגַבְרָא וְעֵצָתָא דֵאלָהָא הִיא תְקוּם: ^pv-19-21

**22** רַגְתֵּיהּ דְבַר נָשָׁא חַסְדֵיהּ וְטָב מִסְכֵּנָא מִן גַבְרָא כַדָבָא: ^pv-19-22

**23** דְחַלְתֵּיהּ דֵאלָהָא לְחַיֵי וּמַן דְשָׂבֵיעַ מִנֵּיהּ נְבוּת וְלָא נִפְקוֹד בִּישְׁתָּא: ^pv-19-23

**24** עַטְלָא דְמַטְשֵׁי יְדֵיהּ בְּשַׁחֲתֵיהּ אַף לָא לְפוּמֵיהּ מְקָרֵב לֵיהּ: ^pv-19-24

**25** לִמְמִקְנָא תִמְחֵי וְשִׁבְרָא מִתְעַרֵם וַאֲכֵיס לְסוּכְלְתָן דְנִתְבַּיֵין יְדִיעֲתָא: ^pv-19-25

**26** דְבָיֵז לַאֲבוּי וּמְעַרֵיק לְאִמֵיהּ בְּרָא הוּא מְבַהֲתָנָא וּמַחְפְּרָנָא: ^pv-19-26

**27** פְּרַשׁ בְּרִי וּשְׁמַע מַרְדוּתָא וְלָא תִשְׂגֵא מִן מַאֲמָרֵי דְפוּמִי: ^pv-19-27

**28** סַהֲדָא רִגְלָאָה מְמַיֵק בְּדִינֵיהּ וּפוּמְהוֹן דְרַשִׁיעֵי מַפִּיק עָאֲתָא: ^pv-19-28

**29** מִתַּקְנִין לִמְמִקְנֵי דִינֵי וּמָחָתָא לְגִשְׁמֵיהוֹן דְסִכְלֵי: ^pv-19-29

## Capítulo 20

**1** מְמִקְנָא הוּא חַמְרָא וְרַוְיָתָא שִׁכְרָא וְכָל דְשָׁגֵי בֵיהּ לָא נִתְחַכֵּם: ^pv-20-1

**2** נָהָם הֵיךְ אַרְיָא אֵימְתָא דְמַלְכָּא וּמַן דְמַחֲמֵית לֵיהּ חָטֵי עַל נַפְשֵׁיהּ: ^pv-20-2

**3** יְקָרָא הוּא לְגַבְרָא דְיָתֵב דְלָא דִינָא וְכָל דְשָׁטֵי מִצְטְדֵי: ^pv-20-3

**4** מִתְחַסַד עַטְלָא לָא שָׁתֵיק וְשָׁאֵל בְּחַצְדָא וְלֵית: ^pv-20-4

**5** מַיָא עֲמִיקֵי עֵצְתָא בְלִבָּא דְגַבְרָא וְגַבְרָא דְמִתְבַּיֵן נִדְלִינָהּ: ^pv-20-5

**6** סוּגְעָא דִבְנֵי נָשָׁא מִתְקַרְיָן גַבְרֵי מְרַחֲמָנֵי וְגַבְרָא מְהֵימְנָא מַנוּ מַשְׁכָּח: ^pv-20-6

**7** דִמְהַלֵךְ בִּתְמִימוּתֵיהּ צַדִיקָא הוּא וְטוּבֵיהוֹן לִבְנוֹהִי בַתְרוֹהִי: ^pv-20-7

**8** מַלְכָּא דְיָתֵב עַל כּוּרְסְיָא דְדִינָא מְפַזֵר מִן קָדָמוֹהִי כֻלְהוֹן בִּישְׁתָּא: ^pv-20-8

**9** מַן דְיֵימַר זַכַּי הוּא לִבִּי וְאִדַכְיֵית מֵחוֹבְתִּי: ^pv-20-9

**10** מַתְקְלָא וּמַתְקְלָא כַּיְלָא וְכַיְלָא מְרַחֲקִין אִנוּן קֳדָם אֱלָהָא אַף תַּרְוֵיהוֹן: ^pv-20-10

**11** אוּף בְּעוֹבָדוֹהִי מִתְיְדַע טַלְיָא אִין דְכֵי וְאִין תְּרִיצָן עוֹבְדוֹהִי: ^pv-20-11

**12** אֻדְנָא דְשָׁמְעָא וְעַיְנָא דְחָזְיָא אֱלָהָא אִבְרֵי תַּרְוֵיהוֹן: ^pv-20-12

**13** לָא תְרַחֵם שִׁנְתָּא דִלְמָא תִתְמַסְכֵּן פְּתַח עֵינָךְ וּשְׂבַע לַחְמָא: ^pv-20-13

**14** חַבְרָא לְחַבְרֵיהּ נֵאמַר דִקְנִית וְהֵידִין נִשְׁתַּבַּח וְנֵימָר: ^pv-20-14

**15** דְאִית דַהֲבָא וְסוּגְעָא דְכֵיפֵי טָבָתָא וּמָנֵי דִיקָרָא שִׂפְוָתָא דִידִיעֲתָא: ^pv-20-15

**16** נְסֵיב לְבוּשֵׁיהּ מְטוּל דַעֲרִיב לְחִלְיוֹנַי וְלָא אַפֵּי נוּכְרֵיתָא מַשְׁכְּנֵיהּ: ^pv-20-16

**17** עֲרִיב לְגַבְרָא בְלַחְמָא רַגָלָא וּבָתָא הֵידֵין נִתְמְלֵא פּוּמֵיהּ חֲצָצָא: ^pv-20-17

**18** מַחְשַׁבְתָּא בְּעֵצְתָא תִּתַּקֵן וּבְמַדְבְּרָנוּתָא מִתְעֲבֵיד קְרָבָא: ^pv-20-18

**19** דְגָלֵי רָזָא אָכַל קוּרְצָא וּלְמַן דִמְשַׁרְגַג בְּשִׂפְוָתֵיהּ לָא תִתְחַלֵט: ^pv-20-19

**20** דְלָיֵט לַאֲבוּי וּלְאִמֵיהּ נִדְעָךְ שְׁרָגֵיהּ אֵיךְ אֶתוּנָא דַחֲשׁוֹכָא: ^pv-20-20

**21** יְרוּתְתָּא דִמְסַרְהֲבָא בְקַדְמֵתָא וּבְסוֹפָא לָא תִתְבְּרֵיךְ: ^pv-20-21

**22** לָא תֵימָר אֲשַׁלֵם בִּישְׁתָּא סָכָא לֵאלָהָךְ וְיִפְרְקִנָךְ: ^pv-20-22

**23** מְרַחֲקִין אִנוּן קֳדָם אֱלָהָא מַתְקְלָא וּמַתְקְלָא וּמִשְׁחֲתָא דְרַמְיוּתָא לָא שַׁפִּיר קֳדָמוֹי: ^pv-20-23

**24** מִן קֳדָם יְיָ הִלְכָתֵיהּ דְגַבְרָא וּבַר נָשָׁא לָא מִתְבַּיֵן אָרְחָתֵיהּ: ^pv-20-24

**25** פַּחָא הוּא לְגַבְרָא דִנְדַר לְקוּדְשָׁא וּבָתֵר הָכִי חַדְיָא לֵיהּ נַפְשֵׁיהּ: ^pv-20-25

**26** מְבַדַר לְרַשִׁיעֵי מַלְכָּא חַכִּימָא וּמְהַפֵּךְ עֲלֵיהוֹן גִלְגְלָא: ^pv-20-26

**27** שְׁרָגָא דֵאלָהָא נִשְׁמְתָא דִבְנֵי נָשָׁא וּבָצְיָא כוּלְהוֹן גַוְיָא דִכְרֵיסָא: ^pv-20-27

**28** חֶסְדָא וְקוּשְׁטָא יִנְטְרוּ לְמַלְכָּא וּמְתַקֵן כּוּרְסֵיהּ בְּחִסְדָא: ^pv-20-28

**29** שִׁבְהוֹרָא דְעוּלֵימַיָא תוּקְפֵיהוֹן וּשְׁבָחָא דְסָבֵי סִיבְתָא: ^pv-20-29

**30** שׁוּחֲנֵי וּפוּדְעָתָא פְּגַעוּ בְבִישָׁא וּמַחְיָתָא בְּגַוָהּ דִכְרֵיסָא: ^pv-20-30

## Capítulo 21

**1** הֵיךְ טְיָפֵי דְמַיָא לִבֵּיהּ דְמַלְכָּא בְּאַיְדוֹי דֵאלָהָא וְלַאֲתַר דְצָבֵי נִרְכַן לֵיהּ: ^pv-21-1

**2** כֻּלְהוֹן אָרְחָתֵיהּ דְגַבְרָא תְּרִיצָן אִינוּן בְּאַפּוֹי וֵאלָהָא מְתַקֵן לִבֵּיהּ: ^pv-21-2

**3** מַן דְעָבֵד צִדְקְתָא וְדִינָא מִתְרְעֵי בֵּיהּ אֱלָהָא מִן דִבְחָא: ^pv-21-3

**4** רָמוּת עַיְנֵי וּבְעֵי לִבָּא וּשְׁרָגָא דְרַשִׁיעֵי לְחֶטְאָה: ^pv-21-4

**5** מַחְשְׁבָתָא דְגָבְיָן לְיוּתְרָגָא וְרִגְלָא דִמְסַרְהֲבָא לְחוּסְרָנָא: ^pv-21-5

**6** מַעְבְּדָנוּתָא דְסִימָתָא בְּלִשָׁנָא דְשִׁקְרָא וְיִתְחַבְּלוּן וְיִנַתְּרוּן אִלֵין דְבָעְיָן לְמוֹתָא: ^pv-21-6

**7** דִכוּנָא דְרַשִׁיעֵי יָעֲלִנוּן וְלָא צָבְיָן דְיַעְבְּדוּן דִינָא: ^pv-21-7

**8** דְהַפֵּךְ אָרְחֵיהּ דְגַבְרָא הוּא נוּכְרְאָה וְדִדְכֵי תְּרִיצָן עוֹבָדוֹהִי: ^pv-21-8

**9** טָב לְמֵיתַב עַל קַרְנָא דְאִגְרָא מִן אִתְּתָא תַּגְרָנִיתָא וּבֵיתָא טָרְקָא: ^pv-21-9

**10** נַפְשֵׁיהּ דְרַשִׁיעָא רָיְגָא בִּישְׁתָּא וְלָא מִתְרַחֵם בְּעַיְנוֹי חַבְרֵיהּ: ^pv-21-10

**11** בְּתֻכֵּיהּ דִמְמִקִנָא נֶחְכַּם שַׁבְרָא וּבְסוּכְלְתָנוּתֵיהּ דְחַכִּימָא יִסַב יְדִיעֲתָא: ^pv-21-11

**12** מִתְתַּכֵּל צַדִיקָא בְּבֵיתֵיהּ דְרַשִׁיעָא וּמְטַלְטֵל רַשִׁיעַיָא בְּבִישְׁתָּא: ^pv-21-12

**13** דִמְסַכַּר אֻדְנֵיהּ דְלָא נִשְׁמַע לְצִוְחֲתֵיהּ דְמִסְכְּנָא אַף נִקְרָא לֵאלָהָא וְלָא נִתְעֲנֵי: ^pv-21-13

**14** מוּהֲבָא בְטִישָׁא מְדַעֲכָא רוּגְזָא וְשׁוּחֲדָא עוּבָא חֶמְתָּא עֲשִׁינְתָּא: ^pv-21-14

**15** חֶדְוָתָא דְצַדִיקָא לְמֶעְבַּד דִינָא וְשַׁצְיָא לְאִילֵן דְעָבְדִין עָאְתָא: ^pv-21-15

**16** בַּר נָשָׁא דְתָעֵי מִן אוֹרְחָא דְסִכּוּלָא עִם בְּנֵי אַרְעָא נִתְתְּנָח: ^pv-21-16

**17** גַבְרָא דִי חֲסַר לֵיהּ וְרָחֵם חֶדְוָתָא וְרָחֵם חַמְרָא וּבִסְמָא לָא נֶעְתָּר: ^pv-21-17

**18** שַׁלְחוֹפֵיהּ דְצַדִיקָא רַשִׁיעָא וְשַׁלְחוֹפֵי דִתְרִיצֵי בָזוֹזֵי: ^pv-21-18

**19** טָב לְמִתַּב בַּאֲרַע מַדְבְּרָא מִן אִתְּתָא תַגְרָנִיתָא וּמַרְגְזָנִיתָא: ^pv-21-19

**20** סִימִתָא רִגִנְתָּא וּמִשְׁחָא בְּדִרֵיהּ דְחַכִּימָא וְסִכְלָא דִבְנֵי נָשָׁא נִבְלְעִנוּן: ^pv-21-20

**21** דְרָדֵף צִדְקְתָא וְחֶסְדָא יַשְׁכַּח חַיֵי וְצִדְקְתָא וִיקָרָא: ^pv-21-21

**22** לִמְדִנְתָּא דְגִבָּרֵי סְלִיק חַכִּימָא וְאָחֵת עוּשְׁנָא דְסִבְרָא: ^pv-21-22

**23** דְנָטֵר פּוּמֵיהּ וְלִישָׁנֵיהּ נָטַר מִן עָקְתָא נַפְשֵׁיהּ: ^pv-21-23

**24** מְמִיקְנָא מְרִיחָא זֵידָנָא שְׁמֵיהּ עָבֵד חֶרְיָנָא בְּזֵידָנוּתֵיהּ: ^pv-21-24

**25** רִגְתָא דְעַטְלָא מְמִיתָא לֵיהּ דְלָא צָבְיָן אַיְדִין דְעָבְדִין עֲבִדְתָּא: ^pv-21-25

**26** כָּל יוֹמָא רָאֵג רִגְתָא וְצַדִיקָא יָהֵב וְלָא מַחְשֵׂךְ: ^pv-21-26

**27** דִבְחָא דְרַשִׁיעֵי מְרָחֵק הוּא מְטוּל דְבַעֲבֶרְתָּא מַיְתֵי לֵיהּ: ^pv-21-27

**28** סָהֲדָא דְכַדָבוּתָא יֵאבַד וְגַבְרָא שָׁמוֹעָא שְׁרִירַאִית מְמַלֵל: ^pv-21-28

**29** מַחֲצֵיף אַפּוֹי גַבְרָא רַשִׁיעָא וּתְרִיצָא הוּא מְתַקֵן אוֹרְחֵיהּ: ^pv-21-29

**30** לֵית חָכְמְתָא וְלֵית בְּיוּנָא וְלֵית עֵצְתָא הֵיךְ דֵאלָהָא: ^pv-21-30

**31** סוּסְיָא מְתַקֵן לְיוֹמָא דִקְרָבָא וְלֵאלָהָא הוּא פוּרְקָנָא: ^pv-21-31

## Capítulo 22

**1** שְׁמָא טָבָא אִתְבְּחַר מִן עוּתְרָא סַגִיעָא וּמִכַּסְפָּא וּמִן דַהֲבָא שַׁפִּיר חִסְדָא: ^pv-22-1

**2** עַתִּירָא וּמִסְכְּנָא פָגְעָן חַד בְּחַד וְתַרְוֵיהוֹן אֱלָהָא בְרָא אִינוּן: ^pv-22-2

**3** עֲרִימָא חָזֵי בִישְׁתָּא וּמִטְשֵׁי וְשַׁבְרֵי עָבְדִין וְחַסְרִין אִנוּן: ^pv-22-3

**4** עֶקְבָא דְעִנְוְתָנוּתָא דְחַלְתָּא דַייָ עוּתְרָא וִיקָרָא וְחַיֵי: ^pv-22-4

**5** נִשְׁבָא בְּאָרְחָא עֲקִימָתָא וּמַן דְנָטֵר נַפְשֵׁיהּ יִרְחַק מִנְהוֹן: ^pv-22-5

**6** אַדְרְכָא לְטַלְיָא לִקְבֵל אוֹרְחֵיהּ דְלָא כַד נְסוּב נִסְטֵי מִנֵיהּ: ^pv-22-6

**7** עַתִּירָא בְּמִסְכְּנֵי נִשְׁתַּלֵט וְעַבְדָא יוֹזִיף לְגַבְרָא מוֹזְפָנָא: ^pv-22-7

**8** דְזָרֵיעַ עַוְלָא נֶחְצַד עָאָתָא וְשִׁבְטָא דְחֶרְיָנֵיהּ נִגְמוֹר: ^pv-22-8

**9** מַן דְטָבָא הוּא עַיְנֵיהּ הוּא נִתְבְּרַךְ מְטוּל דְיָהֵיב מִן לַחְמֵיהּ לְמִסְכֵּינָא: ^pv-22-9

**10** תָּרֵךְ לִמְמִקְנָא וְאַפֵּיק לְתִגְרָנָא וְיִבְטַל דְיָנָא וְצִעֲרָא: ^pv-22-10

**11** רָחֵם אֱלָהָא דְכֵי לִבָּא וּבְחִסְדָא דְשִׂפְוָתֵיהּ יִתְחַבֵּר לְמַלְכָּא: ^pv-22-11

**12** עַיְנוֹי דֵאלָהָא נָטְרָן יְדִיעֲתָא וּמְטַלְטֵל מִלֵיהוֹן דְבָזוֹזֵי: ^pv-22-12

**13** אֲמַר עַטְלָא בַּחֲכִינְנוּתֵיהּ אַרְיָא אִית לְבָרָא וּבֵינָת שְׁוָקֵי מִתְקְטֵלְנָא: ^pv-22-13

**14** גוּמְצָא עֲמִקְתָּא פּוּמָא דְנוּכְרֵיתָא וּמַן דְמַרְגֵז קֳדָם אֶלָהָא נָפֵל תַּמָן: ^pv-22-14

**15** שַׁטְיוּתָא קְטִירָא בְּלִבֵּיהּ דְטַלְיָא שִׁבְטָא דְמַרְדוּתָא נִרְחֲקֵיהּ מִנֵיהּ: ^pv-22-15

**16** דְעָשֵׁק לְמִסְכְּנָא מַסְגֵי לֵיהּ בִּישְׁתָּא וּדְיָהֵב לְעַתִּירָא חוּסְרָנָא הוּא לֵיהּ: ^pv-22-16

**17** בְּרִי צְלִי אָדְנָךְ וּשְׁמַע מִלֵי דְחַכִּימֵי וְלִבָּךְ שִׂים לִידִיעֲתִי: ^pv-22-17

**18** מְטוּל דְבַסִימִין נְטַר אִינוּן בִּכְרֵסָךְ וְנִתַּקְנוּן אֵיךְ חַדָא עַל שִׂפְוָתָךְ: ^pv-22-18

**19** דְנֶהֱוֵי בֵאלָהָא סִבְרָךְ וְאוֹדַעְתָּךְ יוֹמָנָא הָדָא אַף אַנְתְּ: ^pv-22-19

**20** וְהָא כִּתְבֵת אִנוּן לָךְ עַל תְּלָתָא זִמְנִין בְּעֵצְתָּא וִידִיעֲתָא: ^pv-22-20

**21** לְאוֹדָעִנָךְ קוּשְׁטָא וּמִלֵי דִתְרִיצוּתָא דְתַהֲפִיךְ מִלָתָא דְקוּשְׁטָא לִמְשַׁדְרָיִךְ: ^pv-22-21

**22** לָא תִגְזוֹל לְמִסְכְּנָא מְטוּל דְמִסְכֵּינָא הוּא וְלָא תְמַכֵּיךְ עַנְיָא בְתַרְעָא: ^pv-22-22

**23** מְטוּל דֵאלָהָא דָאֵן דִינְהוֹן וּמִתְפְּרַע פּוּרְעֲנוּתְהוֹן דְנַפְשֵׁהוֹן: ^pv-22-23

**24** לָא תִתְחַבֵּר עִם מָרֵי מְרִירוּתָא וְעִם גַבְרָא חֶמְתָנָא לָא תֵעוֹל: ^pv-22-24

**25** דְלָא תֵילַף אָרְחָתֵיהּ וְתַשְׁכַּח פַּחָא לְנַפְשָׁךְ: ^pv-22-25

**26** לָא תֶהֱוֵי מַשְׁלֵם אַיְדָךְ בְּעַרְבוּתָא עַל חַבְרָךְ: ^pv-22-26

**27** אִם לֵית לָךְ דְפָרֵיעַ נְסַבְיָן תַּשְׁוַיְתָךְ מִתַּחְתָּיִךְ: ^pv-22-27

**28** לָא תַשְׁנֵי תְחוּמָא דְמִן עַלְמָא דַעֲבַדוּ אֲבָתָךְ: ^pv-22-28

**29** אִין חֲזֵיתָא גַבְרָא דְמַוְהֵי בַּעֲבִדְתֵּיהּ קֳדָם מַלְכֵי נְקוּם וְלָא נְקוּם קֳדָם חָשׁוֹכֵי: ^pv-22-29

## Capítulo 23

**1** אִין יְתִיבְתָּא לְמֵיכַל עִם שַׁלִיטֵי אֶתְבַּיֵן כְּמוֹ רְשִׁים קֳדָמָיִךְ: ^pv-23-1

**2** וּתְשִׂים סַכִּינָא בְלוֹעָךְ אִין מָרָא דְנַפְשָׁךְ אָתְּ: ^pv-23-2

**3** לָא תִתְרַגֵג לְבִישׁוּלוֹי וְהִנוּן מֵיכוּלְתָּא דְכַדָבוּתָא: ^pv-23-3

**4** לָא תִקְרַב לְעַתִּירָא אֶלָא בִבְיוּנְתָּךְ פְּרַק מִנֵיהּ: ^pv-23-4

**5** אִין תִּצַר עֵינָךְ בֵּיהּ לָא מִתְחֲזֵי לָךְ מְטוּל דְמֶעְבַּד עָבֵד לֵיהּ גַפָּתָא הֵיךְ נִשְׁרָא דְטָיֵס בִּשְׁמַיָא: ^pv-23-5

**6** לָא תֵיכוּל עִם גַבְרָא דְבִישָׁא עַיְנֵיהּ וְלָא תִתְרַגֵג לְבִישׁוּלוֹי: ^pv-23-6

**7** מְטוּל דְאֵיךְ תַּרְעָא רָמֵא הָכֵן הוּא רָם בְּנַפְשֵׁיהּ אֲכֵיל וְאִשְׁתֵּי אֲמַר לָךְ וְלִבֵּיהּ נָכִיל צִדָךְ: ^pv-23-7

**8** וְלַחְמָא דַאֲכֵלְתָּא מְתִיבַת לֵיהּ וּמְחַבְּלַת מִלָךְ דְבַסִימָן: ^pv-23-8

**9** בְּאֻדְנֵי דְסִכְלָא לָא תְמַלֵל מְטוּל דִשְׁיֵט לְסִכּוּלָא דְמִלָיךְ: ^pv-23-9

**10** לָא תַשְׁנֵי תְּחוּמָא דְמִן עַלְמָא וּבְחֶלְקָא דְיַתְמֵי לָא תֵעוֹל: ^pv-23-10

**11** מְטוּל דִי פְרוֹקְהוֹן תַּקִיף וְהוּא נְדוּן יַת דִנְהוֹן עִמָךְ: ^pv-23-11

**12** אָעוּל לִבָּךְ לְמַרְדוּתָא וְאוּדְנָךְ לְמֵימְרִי דִידִיעֲתָא: ^pv-23-12

**13** לָא תִמְנַע מִן טַלְיָא מַרְדוּתָא מְטוּל דְאִין מָחֲיַת לֵיהּ בְּשִׁבְטָא לָא מָאֵת: ^pv-23-13

**14** אַנְתְּ בְּשִׁבְטָא מֲחָיַת לֵיהּ וְנַפְשֵׁיהּ מְפַלְטַת מִן שִׁיוֹל: ^pv-23-14

**15** בְּרִי אִם חַכִּים לִבָּךְ אַף אֲנָא חָדֵי אֲנָא בְלִבִּי: ^pv-23-15

**16** וְנִרְוְזָן כִלְיוֹתַי כַּד יְמַלְלוּן סִפְוָתָיִךְ תְּרִיצָתָא: ^pv-23-16

**17** לָא נִטַן לִבָּךְ בְּחַטָאֵי אֶלָא בִּדְחַלְתָּא דֵאלָהָא כָּל יוֹמָא: ^pv-23-17

**18** מְטוּל דְתֶהֱוֵי לָךְ אַחֲרִיתָא טָבְתָא וְסַכּוּיָךְ לָא נִגְמָר: ^pv-23-18

**19** שְׁמַע אַתְּ בְּרִי וְאִתְחַכֵּם וְתָרֵץ לִבָּךְ לְאָרְחָא: ^pv-23-19

**20** לָא תֶהֱוֵי בְּאִלֵין דַאֲסִיטוּן בְּבִישְׂרָא וּבְאִלֵין דְרָוְיָן חַמְרָא: ^pv-23-20

**21** מְטוּל דְרָוֵי וְאָסֵיט מִתְמַסְכֵּן וּבִזְעָתָא נַלְבֵּשׁ נִיוּמָא: ^pv-23-21

**22** קַבֵל מִן אֲבוּךְ דֵין יַלְדָךְ וְלָא תְשׁוּט מְטוּל דְסֵיבַת אִמָךְ: ^pv-23-22

**23** קוּשְׁטָא קְנֵי וְלָא תְזַבֵּין חָכְמְתָא וּמַרְדוּתָא וּבְיוּנָא: ^pv-23-23

**24** מְדוּץ נְדוּץ אֲבוּי דְצַדִיקָא וּמַן דְמוֹלִיד חַכִּימָא נֶחֱדֵי בֵיהּ: ^pv-23-24

**25** יֶחֱדֵי אֲבוּךְ וְאִמָךְ וְתֵדוּץ תּוּלְדָתָךְ: ^pv-23-25

**26** הַב לִי בְּרִי לִבָּךְ וְעַיְנָךְ תִּנְטְרָן אָרְחָתָי: ^pv-23-26

**27** מְטוּל דְגוּמְצָא עֲמִיקָא זַנְיְתָא וּבִירָא דְעָקָא נוּכְרֵיתָא: ^pv-23-27

**28** וְהֵיךְ מְטָרֵף עֵינָהָא כְמָנָא וְצָאֵר אַבְנֵא שַׁבְּרֵי: ^pv-23-28

**29** לְמַן וַי לְמַן דֵיוָא וּלְמַן תַּגְרֵי וּלְמַן שׁוּחָא וּלְמַן פּוּדְעֲתָא מַגָן וּלְמַן סוּמְקָנוֹת עַיְנוֹי: ^pv-23-29

**30** לְהָלֵין דְמַוְחֲרִין עַל חַמְרָא וְאָזְלִין וּמְעַקְבֵי בֵּית מִזְגָא: ^pv-23-30

**31** לָא תֶחֱמֵי חַמְרָא דְסִימוֹק וְיָהֵב בְכָסָא עַיְנֵיהּ וּמְהַלֵךְ תְּרִיצָאִית: ^pv-23-31

**32** וְאַחְרִיתָא הֵיךְ חִוְיָא נָכֵת וּכְחוּרְמָנָא דְפָרֵיחַ: ^pv-23-32

**33** וִיחַוְרוּן עַיְנָךְ בְּנָכְרֵיתָא וְלִבָּךְ יְמַלֵל תַּהֲפוּכְתָּא: ^pv-23-33

**34** וְתֶהֱוֵי הֵיךְ דְשָׁכֵב בְּלִבֵּיהּ דְיַמָא וְהֵיךְ מַלָחָא דְדָמֵךְ בְּאִלְפָא: ^pv-23-34

**35** וְתֵימַר מְחוּנַנִי וְלָא אִכַּרְהֵית וּבַזוּנַנִי וְלָא יְדַעֵית לְאִימָת אֶתְּעֵיר וְאוֹסִיף אֶבְעִינֵיהּ עוֹד: ^pv-23-35

## Capítulo 24

**1** לָא תִטַן בְּמָרֵי בִישְׁתָּא וְלָא תִתְרַגְרַג לְמֶהֱוֵי עִמְהוֹן: ^pv-24-1

**2** מְטוּל דְרִבּוּנָא רָגֵן לִבְּהוֹן וְעַוְלָא שִׂפְוָתְהוֹן מְמַלְלָן: ^pv-24-2

**3** בְּחָכְמְתָא מִתְבְּנֵי בֵיתָא וּבִבְיוּנָא מִתַּקֵן: ^pv-24-3

**4** וּבִידִיעֲתָא קַיְטוֹנֵי מִתְמַלְיָן כָּל מַזָלָא יַקִירָא וּבַסִימָא: ^pv-24-4

**5** טָב גְבַר חַכִּימָא מִן עֲשִׁינָא וְגַבְרָא דִידִיעֲתָא מִן הוּא דְזָרֵיז בְּחֵילֵיהּ: ^pv-24-5

**6** מְטוּל בְּמַדְבְּרָנוּתָא תַעְבֵּד לָךְ קְרָבָא וּפוּרְקָנָא בְּסוּגְעָא דְמִלְכָּנָא: ^pv-24-6

**7** מִתְרְעֵם שַׁטְיָא בְּחָכְמְתָא וּבְתַרְעֵי לָא פָּתֵחַ פּוּמֵיהּ: ^pv-24-7

**8** מַן דְחָשֵׁב לְמַבְאָשָׁא נִקְרוּן לֵיהּ מָרֵי תַרְעִיתָא בִישְׁתָּא: ^pv-24-8

**9** תַּרְעִיתָא דְשַׁטְיָא חֶטְאָה וּמְרַחַקְתָּא דְבַר נָשָׁא חַכִּימָא מְמַקְנוּתָא: ^pv-24-9

**10** אִין תִּתְרַפֵּי בְיוֹמָא דְעָקְתָא מִתְתְּעִיק חֵילָךְ: ^pv-24-10

**11** פְצֵא לְאִלֵין דְמִתְנַסְבִין לְמוֹתָא וּמִתְדַבְּרִין לִקְטָלָא חֲסוֹךְ: ^pv-24-11

**12** וְאִין תֵּימַר דְלָא יְדַעְנָא דָא הֲלָא תַרְעִיתָא דְלִבָּא אֱלָהָא בָצֵי וּדְנָטֵר נַפְשָׁךְ הוּא יָדֵעַ וּפָרֵעַ לְבַר נָשָׁא הֵיךְ עוֹבָדוֹי: ^pv-24-12

**13** בְּרִי אֱכוֹל דוּבְשָׁא מְטוּל דְטָב וְכַבְרִיתָא דְחָיְלָא עַל חִכָּךְ: ^pv-24-13

**14** הֵיכְנָא אִתְחַכָּם בְּנַפְשָׁךְ דְאִין מַשְׁכַּחַת קַדְמֵיתָא אָתְיָא אַחֲרִיתָא דְטָבָא מִנָהּ וְסִכּוּיָךְ לָא נִגְמָר: ^pv-24-14

**15** לָא תִכְמַן רַשִׁיעָא לְדִירֵיהּ דְצַדִיקָא וְלָא תַרְכֵין בֵּית מֵשְׁרֵיהּ: ^pv-24-15

**16** מְטוּל דְשׁוּבְעָא זִמְנִין נָפֵל צַדִיקָא וְקָאֵי וְרַשִׁיעֵי מִתְתַּקְלִין בְּבִישְׁתָּא: ^pv-24-16

**17** בְּמַפָּלוּתֵיהּ דִבְעֵיל דְבָבָךְ לָא תֶחֱדֵי וְכַד יִתְקַל בְּבִישְׁתָּא לָא יְדוּץ לִבָּךְ: ^pv-24-17

**18** דְלָא יַבְאֵשׁ בְּאַפּוֹי דֶאֱלָהָא כַּד יֶחְזֶה וִיהַפֵּךְ רוּגְזֵיהּ מִנֵיהּ: ^pv-24-18

**19** לָא תִתְחַסַם בְּבִישַׁיָא וְלָא תִטַן בְּרַשִׁיעַיָא: ^pv-24-19

**20** מְטוּל דְלָא הַוְיָא אַחֲרִיתָא טָבָא לְבִישֵׁי וּשְׁרַגְהוֹן דְרַשִׁיעֵי נִדְעָךְ: ^pv-24-20

**21** דְחַל מִן אֱלָהָא בְרִי וּמִן מַלְכָּא וְעִם שַׁטְיֵי לָא תִתְחַלָט: ^pv-24-21

**22** מְטוּל דִבְּשִׁלְיָא אָתֵי תְבַרְהוֹן וְסוֹפָא דִשְׁנֵיהוֹן מַן יָדֵיעַ: ^pv-24-22

**23** אַף הָלֵין לְחַכִּימֵי אֲמֵרְנָא לְמִסַב אַפֵּי בְדִינָא לָא שַׁפִּיר: ^pv-24-23

**24** דְיֵימַר לְרַשִׁיעָא צַדִיק אַנְתְּ יְלִיטוּנֵיהּ עַמְמֵי וְיִבְרוּנֵיהּ אוּמָתָא: ^pv-24-24

**25** וּלְמַכְסָנֵי יִבְסַם וַעֲלֵיהוֹן תֵּיתָא בִּרְכְּתָא טָבְתָא: ^pv-24-25

**26** שִׂפְוָתְהוֹן נִנְשְׁקוּ דְאִלֵין דִמְהַפְּכִין מִלֵי תְרִיצָתָא: ^pv-24-26

**27** אַתְקֵן לְבָרָא עֲבִידְתָּךְ וְעַתְּדָה לָךְ בְחַקְלָא וּבָתַר כֵּן בְּנֵי בֵיתָךְ: ^pv-24-27

**28** לָא תֶהֱוֵי סָהֲדָא רַגָלָא בְּחַבְרָךְ וּתְשַׁרְגֵג בְּשִׂפְוָתָךְ: ^pv-24-28

**29** לָא תֵימַר הֵיךְ דַעֲבַד לִי כֵּן אֶעְבַּד לֵיהּ וְאַהֲפֵךְ לֵיהּ הֵיךְ עוֹבָדוֹי: ^pv-24-29

**30** עַל חַקְלֵי דְגַבְרָא עַטְלָא עֲבַרֵית וְעַל כַּרְמִי דְבַר נָשָׁא חֲסַר רַעֲיָנָא: ^pv-24-30

**31** וְהָא סְלֵיק כֻּלֵיהּ יַעֲרֵי וְכַסִיוּ אַפּוֹי חוּרְלֵי וְסַיְגָא דְכֵיפוֹי אִתְעֲקַר: ^pv-24-31

**32** וַחֲזֵית אֲנָא וְשָׁמֵית לִבִּי וַחֲמֵית וְקַבְּלֵית מַרְדוּתָא: ^pv-24-32

**33** קַלֵיל תְּנוּם קַלֵיל תִּדְמוּךְ קַלֵיל תְּשִׂים יְדָיִךְ עַל חַדְיָךְ וְתִדְמוּךְ: ^pv-24-33

**34** וְתֵיתֵי וְתַדְרְכָךְ מִסְכְּנוּתָךְ וּצְרִיכוּתָךְ הֵיךְ גַבְרָא טַבְלָרָא: ^pv-24-34

## Capítulo 25

**1** אַף אִלֵין מַתְלוֹי דִשְׁלֹמֹה עֲמִיקֵי דִכְתָבוּ רַחֲמוֹי דְחִזְקְיָה מַלְכָּא דִיהוּדָה: ^pv-25-1

**2** יְקָרָא דֶאֱלָהָא מַן דְמַטְשֵׁי מִלְתָא וִיקָרָא דְמַלְכֵי מַן דְבָצֵי מִלְתָא: ^pv-25-2

**3** שְׁמַיָא רָמִין וְאַרְעָא עֲמִיקָא וְלִבָּא דְמַלְכֵי לָא מִתְבְּצֵי: ^pv-25-3

**4** גְבוּ סוּלְאָנָא מִן סוּמָא דְנִפּוּק מָאן מִן צָרְפָא: ^pv-25-4

**5** נִתְטְרִיד רַשִׁיעָא מִן קֳדָם מַלְכָּא וְיִתַּקַן בְּצִדְקְתָא כּוּרְסֵיהּ: ^pv-25-5

**6** לָא תִשְׁתַּבְהַר קֳדָם מַלְכָּא וּבְדוּכְתָּא דְרַבְרְבֵי לָא תְקוּם: ^pv-25-6

**7** מְטוּל דְטָב דְנֵימַר לָךְ סוּק הָכָא מַן דְמַשְׁפִּילָךְ קֳדָם שַׁלִיטָא מַן דְחָזְיָן עַיְנָךְ: ^pv-25-7

**8** לָא תִפּוּק בְּדִינָא מְסַרְהֲבָאִית דְלָא תְדוּן בְּאַחֲרַיְתָהּ כַּד יַחֲמִיץ יָתָךְ חַבְרָךְ: ^pv-25-8

**9** דִינָךְ דוּן עִם חַבְרָךְ (בְּאַחְרַיְתָא) וְרָזָא אוֹחֲרָנָא לָא תְגַלֵי: ^pv-25-9

**10** דְלָא נֶחְסְדָךְ מַן דְשָׁמֵעַ וְטִיבָךְ לָא הֲפִיךְ: ^pv-25-10

**11** חִזוּרֵי דְדַהֲבָא בִּנְגוֹדֵי דְסָמָא מִלְתָא דְמַלֵל פְּסִיָאִית: ^pv-25-11

**12** קָדָשֵׁי דְדַהֲבָא וּמָנֵי דִזְמַרְגְדָא מַכְסְנוּתָא דְחַכִּימָא עַל אוּדְנָא דְשָׁמְעָא: ^pv-25-12

**13** אֵיךְ קְרִירוּתָא דְתַלְגָא בְּיוֹמָא דְחַצְדָא הֵיכְנָא אִזְגַדָא מְהֵימְנָא לִמְשַׁדְרוֹי וְנַפְשֵׁיהּ דְמָרֵיהּ מְהַפֵּךְ: ^pv-25-13

**14** לְיוֹמָא דַעֲנָנֵי וְרוּחָא דְמִטְרָא לָאִית מִדַמֵי גַבְרָא דְמִשְׁתַּבְּהַר בְּמָהוּבְתָּא דְשִׁקְרָא: ^pv-25-14

**15** בִּנְגִדוּתָא דְרוּחָא מִשְׁתַּרְגֵג רָשָׁאנָא וּמִלְתָא רְכִיכְתָּא תָּבְרָא גַרְמָא: ^pv-25-15

**16** דִבְשָׁא מַשְׁכַּחְתְּ אֱכוֹל סוּפְקָנָךְ דְלָא תִשְׂבַּע וּתְתִיבִינֵיהּ: ^pv-25-16

**17** כְּלֵא רִגְלָךְ מִן בַּיְתֵיהּ דְרָחֲמָךְ דְלָא נִסְבְּעָךְ וּמְסַנְיָךְ: ^pv-25-17

**18** אֵיךְ פְּרִיעָא וְסַיְפָא נְגִידָא שְׁנִינָא גַבְרָא דְמַסְהַד עַל חַבְרֵיהּ סַהֲדוּתָא דְשִׁקְרָא: ^pv-25-18

**19** אֵיךְ שִׁינָא בִישְׁתָּא וְרִגְלָא מוּעֲדָא הֵיכְנָא סַבְרֵיהּ דְבָזוֹזָא בְּיוֹמָא דְעָקְתָא: ^pv-25-19

**20** דְשָׁקֵל מַרְטוּטָא מִן חַבְרֵיהּ בְּיוֹם דְקָרְתָא הֵיךְ הוּא דְרָמֵי חֵילָא עַל נִתְרָא וּמְצָרֵף לְלִבָּא כֵיכָא הֵיךְ סָסָא לְמָנָא וְאֵיךְ מַלְטִיתָא בְּקִיתָא הֵיכְנָא בַּרְיוּתָא מַחֲדָא לִבֵּיהּ דְגַבְרָא: ^pv-25-20

**21** אִין כָּפֵן סָנְאָךְ אוֹכְלֵיהּ לַחְמָא וְאִין צָחֵי אַשְׁקֵיהּ מַיָא: ^pv-25-21

**22** מְטוּל דְגוּמְרֵי דְנוּרָא חָתֵי אַנְתְּ עַל רֵישֵׁיהּ וֶאֱלָהָא נְשַׁלְמֵיהּ לָךְ: ^pv-25-22

**23** רוּחָא גַרְבִיתָא בָטְנָא מִטְרָא הֵיכְנָא אַפֵּי בְנִיסָתָא וְלִישָׁנָא מְטַשְׁיָא: ^pv-25-23

**24** טָב לְמִיתַב עַל קַרְנָא דְאִגְרָא מִן דִלְמֶעְמַד עִם אִתְּתָא תִגְרָנִיתָא וּבֵיתָא טַרְקָא: ^pv-25-24

**25** מַיָא קָרִירֵי עַל נַפְשָׁא מְשַׁלְהֲתָא הֵיכְנָא שְׁמוּעֲתָא טָבְתָא מִן אַרְעָא רְחִיקְתָּא: ^pv-25-25

**26** הֵיךְ דְסָכֵיר אֱנֵישׁ מַעְיָנָא וּמַבּוּעָא מְחַבֵּל צַדִיקָא דְנָפֵל קֳדָם רַשִׁיעָא: ^pv-25-26

**27** לְמֵיכַל דוּבְשָׁא סַגִי לָא שַׁפִּיר אַף לָא לְמִבְצְיָא מִלֵי מְיַקְרָתָא: ^pv-25-27

**28** הֵיךְ קַרְתָּא דִתְרִיעָא וְלָא אִית לָהּ שׁוּרָא הֵיכְנָא גַבְרָא דְלָא מַצְעַר רוּחֵיהּ: ^pv-25-28

## Capítulo 26

**1** אֵיךְ תַּלְגָא בְקַיְטָא וְהֵיךְ מִטְרָא בְּחַצְדָא הֵיכְנָא לָא יָאֵי לְסִכְלָא יְקָרָא: ^pv-26-1

**2** הֵיךְ צִפְּרָא דְטָאֵס וְהֵיךְ פַּרְחֲתָא דְפָרְחָא הֵיכְנָא לְוָטְתָא דְמַגָן לָא תֵעוֹל: ^pv-26-2

**3** שְׁוָטָא לְסוּסָא וּמַגְלִבָא לְחַמְרָא וְשׁוּבְטָא לְגוּשְׁמֵיהוֹן דְסַכְלֵי: ^pv-26-3

**4** לָא תְתַל פִּתְגָמָא לְסִכְלָא הֵיךְ שַׁטְיוּתָא דְלָא תִדְמֵי לֵיהּ אַף אַנְתְּ: ^pv-26-4

**5** אֶלָא מַלֵל עִם שַׁטְיָא בְּחַכִּימוּתָךְ דְלָא נִסְבַּר בְּנַפְשֵׁיהּ דְחַכִּימָא הוּא: ^pv-26-5

**6** מַן דְרָהֲטָא בְרִגְלוֹי שְׁתֵי חֲטוֹפָא מַן דִמְשַׁדַר מִלֵי בְיַד סִכְלָא: ^pv-26-6

**7** אִין תִּתַּל הַלְכְתָא לַחֲגִירָא תְּקַבֵּל מִלְתָא מִן פּוּמֵיהּ דְסִכְלָא: ^pv-26-7

**8** הֵיךְ נִקְצָא דְטָסָא בְּקִלְעָא הֵיכְנָא מַן דְעָבַד יְקָרָא לְסִכְלָא: ^pv-26-8

**9** כּוּבָא סָלֵק בִּידָא דְרַוְיָא וְשַׁטְיוּתָא בְּפוּמֵיהּ דְסִכְלָא: ^pv-26-9

**10** סַגֵי חָיֵשׁ בִּשְׂרֵיהּ דְסַכְלָא וִרַוְיָא עָבַר יַמָא: ^pv-26-10

**11** הֵיךְ כַּלְבָּא דְהָפֵךְ עַל תְּיוּבֵיהּ הֵיכְנָא סַכְלָא דְתָנֵי בְּסִכְלוּתֵיהּ: ^pv-26-11

**12** אִין חֲזַיְתָא גַבְרָא דְחַכִּים בְּעֵינֵי נַפְשֵׁיהּ סַכְלָא טָב מִנֵיהּ: ^pv-26-12

**13** אֲמַר עַטְלָא שַׁחֲלָא בְּאָרְחָא אַרְיָא בֵּינָת שְׁוָקֵי: ^pv-26-13

**14** הֵיךְ תַּרְעָא דִמְכָרַךְ עַל צִירְתָּהּ הֵיכְנָא עַטְלָא עַל עַרְסֵיהּ: ^pv-26-14

**15** עַטְלָא מַטְשֵׁי אַיְדֵיהּ בְּשַׁחֲתָא לָעֵי דְנֶהְפְכֵי לְפוּמֵיהּ: ^pv-26-15

**16** עַטְלָא חַכִּים בְּעַיְנוֹי טָב מִן שׁוּבְעָא יָהֲבֵי טַעֲמָא: ^pv-26-16

**17** דְלָכֵד בְּאֻדְנוֹי דְכַלְבָּא נְצֵי וּמִתְנְצֵי עַל דִינָא דְלָא דִילֵיהּ: ^pv-26-17

**18** אֵיךְ הוּא דְמִתַּחַת דְפָשֵׁט גֵירֵי שְׁנִינֵי דְמוֹתָא: ^pv-26-18

**19** הֵיכְנָא גַבְרָא דִמְרַמֵי בְחַבְרֵיהּ וַאֲמַר מִגְחָךְ גַחֲכֵית: ^pv-26-19

**20** הֵיכְנָא דְלֵית קִיסֵי דָעֲכָא נוּרָא וְהֵיכְנָא דְלֵית שְׁגוּשָׁא יִשְׁתַּק תִּגְרָא: ^pv-26-20

**21** טַרְטְקֵל לְגוּמְרֵי וְקִיסֵי לְנוּרָא וְגַבְרָא תִגְרָנָא מְחַרֵה בְהוּתָא: ^pv-26-21

**22** מִלוֹי דְשִׁגוּשָׁא מַרְכְנָן לֵיהּ וְהִנוּן נָחֲתָן לְגַוָהּ דִכְרֵסָא: ^pv-26-22

**23** הֵיךְ כַּסְפָּא מְסַלְיָא דִקְרִים עַל חִסְפָּא הֵיכְנָא שִׂפְוָתָא דְדָלְקָן וְלִיבָּא בִּישָׁא: ^pv-26-23

**24** מַן שִׂפְוָתֵיהּ מִתְיְדַע סָנְאָה וּבְגַוֵיהּ סָאֵם רַמְיוּתָא: ^pv-26-24

**25** וְאִין מְחַנֵן בְקָלֵיהּ לָא תְהֵימִין בֵּיהּ מְטוּל דִשְׁבַע בִּישָׁתָא אִית בְּלִבֵּיהּ: ^pv-26-25

**26** דִמְכַסֶה סְנוּאֲתָא בְּמוּרְסְתָא תִּתְגְלֵי בִּישְׁתֵּיהּ בִּכְנִשְׁתָּא: ^pv-26-26

**27** דְחָפֵר גוּמְצָא בֵּיהּ נִפּוּל וְדִמְעַרְגֵל כֵּיפָא עֲלוֹי הָפְכָא: ^pv-26-27

**28** לִישָׁנָא דְשִׁקְרָא סָנֵי אָרְחֲתָא דְקוּשְׁטָא וּפוּמָא דִפְלִיג עָבֵיד תַּרְכוּנְתָּא: ^pv-26-28

## Capítulo 27

**1** לָא תִשְׁתַּבְהַר בְּיוֹמָא דְלִמְחָר דְלָא יָדַעַתְּ מְנָא יְלִיד יוֹמָא: ^pv-27-1

**2** נְשַׁבְּחִנָךְ חִילוֹנַי וְלָא פוּמָךְ נוּכְרָאָה וְלָא שִׂפְוָתָךְ: ^pv-27-2

**3** יְקָרָא כֵיפָא וּנְטוּל חָלָא וְרוּגְזֵיהּ דְשַׁטְיָא יַקִיר מִן תַּרְוֵיהוֹן: ^pv-27-3

**4** נִכְזְרִיוּתָא הִיא חֵימְתָא וְחֵיפָא הִיא רוּגְזָא וּמַנוּ קָאֵם קֳדָם קִנְאֲתָא: ^pv-27-4

**5** טָבְתָא מַכְסְנוּתָא דִמְגַלְיָא מִן רַחֲמוּתָא דְמִטַשְׁיָא: ^pv-27-5

**6** שַׁפִּירָן אִנוּן פּוּדְעָתֵיהּ דְרָחֲמָא וּבִישָׁן נוּשְׁקָתָא דְסָנְאָה: ^pv-27-6

**7** נַפְשָׁא דְשָׂבְעָא דָיְשָׁא כַבְרִיתָא וְנַפְשָׁא דְכָפְנָא כָּל מֵידַם דִמְרִיר חֲלִי לָהּ: ^pv-27-7

**8** הֵיךְ צִפְּרָא דִמְשַׁנָא מִן קִנָהּ הֵיכְנָא הוּא גַבְרָא דִמְשַׁנֵי דוּכְתֵּיהּ: ^pv-27-8

**9** מִשְׁחָא וּבוּסְמָא דְמַחֲדְיָן לִבָּא הֵיכְנָא גַבְרָא דִמְבַסִים לְחַבְרֵי בְּתַרְעִיתָא דְנַפְשֵׁיהּ: ^pv-27-9

**10** חַבְרָךְ וְחַבְרֵיהּ דַאֲבוּךְ לָא תִשְׁבּוֹק וּבְבֵיתָא דַאֲחוּךְ לָא תֵעוֹל בְּיוֹמָא דְתַבְרָךְ טָב שָׁכְנָא קָרִיב מֵאָח רָחִיק: ^pv-27-10

**11** אִתְחַכֵּם בְּרִי וְחַדֵי לִבִּי וְאַחְזַר מִלְתָא לְאִלֵין דִמְחַסְדִין לִי: ^pv-27-11

**12** עֲרִימָא חֲזָא בִישְׁתָּא וּמִטְשֵׁי וְשַׁבְרֵי עָבְרִין עֲלָהּ וְחַסְרִין: ^pv-27-12

**13** מִתְנְסֵיב מַרְטוּטֵי דְמַן דְעָרֵיב לְנוּכְרָאָה וְעַל אַפֵּי נוּכְרַיָא מַשְׁכְּנֵיהּ: ^pv-27-13

**14** דִמְבָרֵךְ לְחַבְרֵיהּ בְּקָלָא רָמָא בְּצַפְרָא בְקִידוּמָא לְוָטָתָא תִּתְחֲשִׁיב לֵיהּ: ^pv-27-14

**15** אִיךְ דִלְפָא דְנָטֵף בְּיוֹמָא דְסַגְרִירָא הֵיכְנָא אִתְּתָא תַגְרָנוּתָא דְנָצְיָא: ^pv-27-15

**16** רוּחָא גַרְבַיְתָא קַשְׁיָא וּבִשְׁמָא דִימִינָא מִתְקַרְיָא: ^pv-27-16

**17** פַּרְזְלָא בְּפַרְזְלָא לָטִישׁ וְגַבְרָא לָטִישׁ אַפֵּיהּ דְחַבְרֵיהּ: ^pv-27-17

**18** דְנָטֵר תֵּינְתָא אָכֵיל פִּרְיָהָא וּדְזָהֵיר בְּמָרֵיהּ נִתְיַקָר: ^pv-27-18

**19** הֵיךְ מַיָא וְהֵיךְ פַּרְצוּפֵי דְלָא דָמְיָן חַד לְחָד הֵיכְנָא לִבֵּיהוֹן דִבְנֵי נָשָׁא לָא דָמְיָן חַד לְחָד: ^pv-27-19

**20** שְׁיוֹל וְאָבְדָנָא לָא סָבְעָן וְעַיְנֵי דְגַבְרָא לָא סָבְעָן: ^pv-27-20

**21** צָרָפָא לְכַסְפָּא וְכוּרָא לְדַהֲבָא וְגַבְרָא מִן פּוּמָא דִמְשַׁבְּחָנוֹי: ^pv-27-21

**22** אִין מָחְיַת לֵיהּ לְשַׁטְיָא בְּמַכְתְּשֵׁי בְּגוֹ סִיַעְתָּא וּבְאוּדְרָךְ לָא תַעֲבִיר מִנֵיהּ שַׁטְיוּתֵיהּ: ^pv-27-22

**23** מַה דְדָעֵי אַנְתְּ דַע אַפֵּי עָנָךְ וְשִׂים לִבָּךְ עַל קְוָטִין: ^pv-27-23

**24** מְטוּל דְלָא לַעֲלַם הִיא אַחְסָנָא אַף שְׁלָם דָרָא לְדָרָא: ^pv-27-24

**25** שְׁבַח עֲמִירָא וְאֶתְחָמֵי דִתְאָה וְאִתְכְּנֵשׁ עִשְׂבָּא דְטוּרֵי: ^pv-27-25

**26** אִמְרֵי לִלְבוּשָׁךְ וְגַדְיָא לְתַּגְרוּתָךְ: ^pv-27-26

**27** וְסוּפְקָנָא דַחֲלָבָא דְעִזֵי לְמֵיכוּלְתָּךְ וּלְמֵיכוּלְתָּא דְבֵיתָךְ וְחַיֵי לְטַלְיָתָךְ: ^pv-27-27

## Capítulo 28

**1** עָרְקִין רַשִׁיעֵי בִּדְלֵית דְרָדֵף לְהוֹן וְצַדִיקֵי הֵיךְ אַרְיָא דְמִסְתְּכֵי לְמֵיכוּלְתֵּיהּ מְסַבְּרִין לְחָכְמָתָא: ^pv-28-1

**2** בְּחוֹבֵיהָא דְאַרְעָא סַגִיעִין רַבְרְבָנָהָא וּבְנֵי נָשָׁא דְמִתְבַּיְנִין מִידִיעֲתָא נִגְדוּן: ^pv-28-2

**3** גַבְרָא דְעָשֵׁק לְמִסְכְּנֵי אֵיךְ מִטְרָא חֲבִיטָא דְלֵית בֵּיהּ יִתְרָן: ^pv-28-3

**4** דְשָׁבְקִין נִמוֹסָא מִשְׁתַּבְּחִין בְּרִשְׁעָא וְאִלֵין דְנָטְרִין אוֹרַיְתָא מִתְגַרְיָן בְּהוֹן דִיתוּבוּן: ^pv-28-4

**5** בְּנֵי נָשָׁא בִּישֵׁי לָא מִתְבַּיְנִין דִינָא וּדְבָעֵי מִן קֳדָם יְיָ מִתְבַּיְנִין כּוּלְהוֹן טָבְתָא: ^pv-28-5

**6** טָב מִסְכֵּינָא דִמְהַלֵךְ בִּתְמִימוּתֵיהּ מִן הוּא דִמְעַקְמָן אָרְחָתֵיהּ וְהוּא עַתִּיר: ^pv-28-6

**7** דְנָטַר אוֹרַיְתָא בְרָא הוּא דְמִתְבַּיֵן וּדְמִתְחַבֵּר לִזְלִילֵי מַחֲמֵץ אֲבוּי: ^pv-28-7

**8** דְמַסְגִיעַ מַזָלֵיהּ בְּנִכְתְּתָא וּבְרִבִּיתָא לְמַן דִמְרַחֵם עַל מִסְכְּנֵי מְכַנְשֵׁיהּ: ^pv-28-8

**9** דְמַסְכִּיר אוּדְנֵיהּ דְלָא נִשְׁמַע אוֹרַיְתָא אַף צְלוֹתֵיהּ מְרַחֲקָא הִיא: ^pv-28-9

**10** דְמַשְׁגֵי תְרִיצֵי בְּאָרְחָא בִישְׁתָא בְּגִמוּצָא הוּא נָפֵל וּשְׁלִימֵי וּתְמִימֵי נֵרְתוּן טָבְתָא: ^pv-28-10

**11** גַבְרָא עַתִּירָא חַכִּים הוּא בְעַיְנוֹי וּמִסְכְּנָא סוּכְלְתָנָא בָסֵר לֵיהּ: ^pv-28-11

**12** כַּד יֶחֱדוּן צַדִיקַיָא סַגִיעָא שַׁבְהוֹרָא וּבְקוּמָא דְרַשִׁיעֵי מִבְצֵי בַּר נָשָׁא: ^pv-28-12

**13** דִמְכַסֶה חוֹבוֹי לָא נִצְלַח וּדְמוֹדֵי חֲטוֹי וְשָׁבֵק נִרְחַם עֲלוֹי אֱלָהָא: ^pv-28-13

**14** טוּבוֹהִי דְבַר נָשָׁא דְמַדְלִיחַ לִבֵּיהּ תְּדִירָא וּמַן דְמַקְשֵׁי לִבֵּיהּ נָפֵל בְּבִישְׁתָּא: ^pv-28-14

**15** אַרְיָא נָהֵם וְדוּבָא מַצְרִיחַ עַל רַשִׁיעָא דְמִשְׁתְּלִיט עַל עַמָא מִסְכְּנָא: ^pv-28-15

**16** שַׁלִיטָא חֲסִיר הַוְיָנָא סַגִיעָן עוֹשְׁקוֹי וְאִנָא דְשָׂנֵי טוּלְמַיָא נִגְדוּן יוֹמוֹי: ^pv-28-16

**17** בַּר נָשָׁא דְחָשֵׁשׁ בִּדְמָא דְנַפְשָׁא עַד גוּבָא נֶעְרוֹק לָא נְצוּרוּנֵיהּ: ^pv-28-17

**18** דִמְהַלֵךְ בִּתְמִימוּתָא נִתְפְּרֵק וְדִמְעַקְמָן אָרְחָתֵיהּ נִפּוּל בַּחֲדָא: ^pv-28-18

**19** דְפָלֵחַ בְּאַרְעֵיהּ נִסְבָּע לַחְמָא וּדְרָדֵף סְרִיקוּתָא נִסְבַּע מַסְכְּנוּתָא: ^pv-28-19

**20** גַבְרָא מְהֵימְנָא סַגִיעָן בִּרְכְּתֵיהּ וּדְרָהֵט בְּעַוְלָא דְנֶעְתָּר לָא מִזְדַכֵּי: ^pv-28-20

**21** מִסַב בְּאַפֵּי לָא טָב וְעַל פִּתְּחָא דְלַחְמָא נְחוּב גַבְרָא: ^pv-28-21

**22** דְמִסְתַּרְהַב לְמַזָלָא גַבְרָא דְבִישׁ עַיְנֵיהּ וְלָא יְדַע דְחוּסְרָנָא אָתֵי עֲלוֹי: ^pv-28-22

**23** דְמַכַס לְבַר נָשָׁא קֳדָמוֹי חֶסְדָא נִשְׁכַּח טָב מִן הוּא דְמַפְלֵיג בְּלִישָׁן: ^pv-28-23

**24** דְגָזֵל לַאֲבוּי וּלְאִמֵיהּ וַאֲמַר לֵית חוֹבָא חַבְרָא הוּא לְגַבְרָא מְחַבְּלָנָא: ^pv-28-24

**25** גַבְרָא רְחַב מְגָרֵג תִּגְרֵי וְדִמְסַבַּר בֵּאלָהָא נִדְהוֹן: ^pv-28-25

**26** דְתָכָל עַל לִבֵּיהּ סַכְלָא הוּא וְדִמְהַלֵךְ בְּחַכִּימוּתָא נִתְחֲמֵי מִן בִּישׁ: ^pv-28-26

**27** דְיָהֵב לְמִסְכְּנָא לָא נֶחְסַר לֵיהּ וּדְמַחֲמֵי עַיְנֵיהּ מִן מִסְכֵּנָא סַגִיעִין לְוָטָתֵיהּ: ^pv-28-27

**28** בְּקוּמָא דְרַשִׁיעֵי מִתְטְשֵׁי בַר נָשָׁא וּבְאָבְדֵיהוֹן נִסְגוּן צַדִיקֵי: ^pv-28-28

## Capítulo 29

**1** גַבְרָא דְלָא מְקַבֵּל מַכְסְנוּתָא וּמַקְשֵׁי קְדָלֵיהּ בַּעֲגָלָא נִתְתְּבַר וְלָא תֶהֱוֵי לֵיהּ אָסוּ: ^pv-29-1

**2** בְּסוּגְעָא דְצַדִיקֵי חָדֵי עַמָא וּבְשׁוּלְטָנָא דְרַשִׁיעֵי נִתְאֲנַח עַמָא: ^pv-29-2

**3** גַבְרָא דְרָחֵם חָכְמְתָא נַחֲדֵי אֲבוּי וּדְמִתְחַבֵּר בְּזַנְיוּתָא מוֹבִיד מַזָלֵיהּ: ^pv-29-3

**4** מַלְכָּא בְדִינָא נוֹקֵים אַרְעָא וְגַבְרָא עַוְלָא עָקֵר לָהּ: ^pv-29-4

**5** גַבְרָא דְמִתְפְּלַג עַל חַבְרֵיהּ מְצוּדְתָּא פָּרֵס עַל הִלְכָתֵיהּ: ^pv-29-5

**6** גַבְרָא בִישָׁא בְּחוֹבֵיהּ מִתְּצִיד וְצַדִיקָא דָיֵץ וְחָדֵי: ^pv-29-6

**7** יָדֵעַ צַדִיקָא דִנְהוֹן דְמִסְכְּנֵי וְרַשִׁיעֵי לָא מִתְבַּיְנִין יְדִיעֲתָא: ^pv-29-7

**8** גַבְרָא מְמִקְנֵי מְמַלְלִין כְּדָבָא וְחַכִּימֵי מְהַפְּכִין רוּגְזָא: ^pv-29-8

**9** גַבְרָא חַכִּימָא דֵין עִם גַבְרָא שַׁטְיָא וְרָגֵז וְחָאֵךְ וְלָא מִתְתְּבַר: ^pv-29-9

**10** גַבְרֵי דְאָשְׁדִין דְמָא סָנְיָן תְּמִימוּתָא וּתְרִיצֵי בָּעְיָן לָהּ: ^pv-29-10

**11** כּוֹלָא חוּמְתֵיהּ מַפִּיק סִכְלָא וְחַכִּימָא בְּרַעְיָנָא מַאֲכָה: ^pv-29-11

**12** שָׁלִיטָא דְצָאֵת מִלֵי דְשִׁקְרָא כֻּלְהוֹן מְשֻׁמְשָׁנוֹי רַשִׁיעֵי: ^pv-29-12

**13** מִסְכְּנָא וְגַבְרָא מַצְעָיָא פְּגִיעוּ חַד בְּחַד וֵאלָהָא מַנְהִיר עַיְנוֹי דְתַרְוֵיהוֹן: ^pv-29-13

**14** מַלְכָּא דְדָאֵן בְּקוּשְׁטָא לְמִסְכְּנֵי כּוּרְסֵיהּ לַעֲלַם תַּקִין: ^pv-29-14

**15** שִׁבְטָא וּמַכְסְנוּתָא יָהֲבִין חָכְמְתָא וְטַלְיָא דְלָא מְקַבֵּל בָּעָא מַבְהִית אִמֵיהּ: ^pv-29-15

**16** בְּסוּגְעָא דְרַשִׁיעֵי חוֹבָא נִסְגֵי וְצַדִיקַיָא יֶחֱמוּן בְּמַפַּלְתְּהוֹן: ^pv-29-16

**17** רְדִי בִבְרָךְ וְיַנִיחָךְ וְיִתֵּן תַּפְנוּקֵי לְנַפְשָׁךְ: ^pv-29-17

**18** בְּסוּגְעָא דְעַוְלָאֵי מִתְתְּרַע עַמָא וּדְנָטֵר אוֹרַיְתָא טוּבוֹהִי: ^pv-29-18

**19** בְּמִלֵי לָא מִתְרְדֵי עַבְדָא דְיָדַע גִיר וְלָא בְלִיעַ: ^pv-29-19

**20** אִין חֲזַיְתָא גַבְרָא דִמְעַרְקְלִין מִלוֹי סִכּוּיָא דְטָב הוּא סַכְלָא מִנֵיהּ: ^pv-29-20

**21** מִתְפְּנֵק מִן טַלְיוּתֵיהּ לְעַבְדָא נֶהֱוֵי וּבְאַחֲרַיְתֵיהּ יְהֵי מְנַסָה: ^pv-29-21

**22** גַבְרָא רַגְזָנָא מְגָרֵג תִּיגְרֵי וְגַבְרָא חֶמְתָּנָא סַגִיעִין חוֹבוֹי: ^pv-29-22

**23** רָמוּתָא דְבַר נָשָׁא תַּשְׁפְּלִנֵיהּ וּמַן דְמַכִּיכָא רוּחֵיהּ נִפְלֵג יְקָרָא: ^pv-29-23

**24** דְפָלֵג עִם גַנָבָא סָנֵי נַפְשֵׁיהּ נִפְסַק מוֹמְתָא וְלָא מוֹדֶה: ^pv-29-24

**25** טְלוֹמְיָא דְבַר נָשָׁא עָבְדָא לֵיהּ תְּקוּלְתָּא וּדְמַסְבֵּר בֵּאלָהָא נֶעֱשָׁן: ^pv-29-25

**26** סַגִיעֵי דְבָעְיָן אַפֵּי דְשַׁלִיטָא וּמִן קֳדָם אֱלָהָא דִינֵיהּ דְגַבְרָא: ^pv-29-26

**27** מְרַחַקְתָּא דְצַדִיקֵי גַבְרָא עֲוָלָא וּמְרַחַקְתָּא דְרַשִׁיעֵי גַבְרָא דִתְרִיצֵי אָרְחָתֵיהּ: ^pv-29-27

## Capítulo 30

**1** מִלוֹי דְאָגוּר בַּר יָקֶה דְקָבֵּל נְבִיוּתָא וְאָמַר גַבְרָא לְאִיתִיאֵל לְאִיתִיאֵל וְאוּכָל: ^pv-30-1

**2** מְטוּל דְבוּרָא דִבְנֵי נָשָׁא אֲנָא דְלָא אִית בִּי בְיוּנָא דִבְנֵי נָשָׁא: ^pv-30-2

**3** וְלָא יְלִיפֵית חָכְמְתָא וְלָא יְדַעֵית יְדִיעֲתָא דְקַדִישֵׁי: ^pv-30-3

**4** מַן סְלֵק לִשְׁמַיָא וּנְחֵת מַן אֲחַד רוּחָא בְּחָפְנוֹי וּמַן צַר מַיָא בְּשׁוּשִׁיפָא וּמַן אֲקֵים בַּרְיָתָא דְאַרְעָא מַן שְׁמֵיהּ וּמַן שׁוּם בְּרֵיהּ אִין יְדַעְתָּ: ^pv-30-4

**5** כּוּלְהוֹן מֵימְרוֹי דֵאלָהָא צְרִיפָן וּמְסַיֵעַ לְאִלֵין דְמִתְרַחֲצִין בֵּיהּ: ^pv-30-5

**6** לָא תוֹסֵף עַל מִלוֹי דְלָא יַכְּסִנָךְ וְתִתְכַּדֵב: ^pv-30-6

**7** תַּרְתֵּין שְׁאֵילַת מִנָךְ לָא תִכְלֵי מִנִי עַד לָא אֱמוּת: ^pv-30-7

**8** רִגְלְתָא וּמִלְתָא כַדְבוּתָא אַרְחֵיק מִנִי מִסְכְּנוּתָא וְעוּתְרָא לָא תִתֵּן לִי זוּנִי לַחְמָא מִסְתִי: ^pv-30-8

**9** דְלָא אֶשְׂבַּע וְאֶכְפַּר וְאֵימַר מַנוּ אֱלָהָא וּדְלָא אִתְמַסְכֵּן וְאֶגְנוֹב וַאֲחַלֵיל שְׁמֵיהּ דֵאלָהָא: ^pv-30-9

**10** לָא תַלְשֵׁן עַבְדָא לְמָרֵיהּ דְלָא נְצַעֲרִינָךְ וְתִתְחַיֵב: ^pv-30-10

**11** דָרָא דַאֲבוּהִי נְצַעָר וּלְאִמֵיהּ לָא נְבָרֵךְ: ^pv-30-11

**12** דָרָא דְדָכֵי בְעַיְנוֹי וּמִצָאֲתֵיהּ לָא אִשְׁתְּזַג: ^pv-30-12

**13** דָרָא דְרָמוּ עַיְנוֹי וּגְבִינוֹי מְנַטְלִין: ^pv-30-13

**14** דָרָא דְסָפְסְרֵי אִינוּן שִׁינוֹי וְחָרִיפֵי אִנוּן נִיבוֹי לְמֵיכַל מַסְכְּנֵי מֵאַרְעָא וְלַעֲלִיבֵי מִן בְּנֵי נָשָׁא: ^pv-30-14

**15** לַעֲלוּקָא תַּרְתֵּין בְּנִין הַב הַב תְּלַת אִינוּן דְלָא שָׂבְעָן וְאַרְבַּע דְלָא אָמְרָן מִסְתָא: ^pv-30-15

**16** שְׁיוֹל וְאַחֲדַת רַחֲמֵי וְאַרְעָא לָא שָׂבְעָא מַיָא וְנוּרָא לָא אָמְרָה מִסְתָּא: ^pv-30-16

**17** עֵינָא דִמְצָרְיָא לְאָב וְשָׁיְטָא קְשִׁישׁוּתָא דְאִמָא נֶחְצוּנֵיהּ עוּרְבֵי דְנַחֲלָא וְיִסַמוּן יָתֵיהּ בְּנֵי נִשְׁרָא: ^pv-30-17

**18** תְּלַת אִינוּן דִגְנִיזָן מִנִי וְאַרְבַּע דְלָא יְדַעֵית אִינוּן: ^pv-30-18

**19** אָרְחָא דְנִשְׁרָא בִשְׁמַיָא וְאוֹרְחֵיהּ דְחִוְיָא עַל שׁוּעָא וְאוֹרְחָא דְאִלְפָא בְּלִבֵּי דְיַמָא וְאָרְחָא דְגַבְרָא בְעוּלֶמְתָּא: ^pv-30-19

**20** הֵיכְנָא אָרְחָא דְאִתְּתָא גָיַרְתָּא אָכְלָא וּמְכַפְּרָה פּוּמָהּ וְאָמְרָה לָא עֲבַדֵית מִדַעַם רְעָתָא: ^pv-30-20

**21** תְּחוֹת תְּלָת רוּגְזָא אַרְעָא וּתְחוֹת אַרְבַּע לָא יָכְלָא לְמִסְבְּרָא: ^pv-30-21

**22** תְּחוֹת עַבְדָא כַּד נִמְלוֹךְ וְטַפְּשָׁא דְיִשְׂבַּע לַחְמָא: ^pv-30-22

**23** תְּחוֹת שְׂנוּאֲתָא דְהָוְיָא לְגַבְרָא וְאַמְתָא דִי יָרְתָא לְרִבּוֹנְתָּהּ: ^pv-30-23

**24** אַרְבְּעָא אִנוּן דִזְעִירִין בְּאַרְעָא וְהִנוּן חַכִּימִין וּמַחְכְּמִין: ^pv-30-24

**25** שׁוֹמְשְׁמָנַי לָא עֲשִׂין עַמְהוֹן וּמְתַקְנִין בְּקַיְטָא מֵיכַלְהוֹן: ^pv-30-25

**26** וַחֲנָסֵי דְעַמְהוֹן לָא תַקִיף וְעָבְדִין לְהוֹן בֵּיתָא בִּקְתָרִין: ^pv-30-26

**27** וְקַמְצֵי דְמַלְכָּא לֵית לְהוֹן וּמִתְכַּנְשִׁין כֻּלְהוֹן כַּחֲדָא: ^pv-30-27

**28** וְאַקְמְתָא דִמְסַכְכָא בִידָהָא וְעָמְדָא בְּבֵיתָא דְמַלְכֵי: ^pv-30-28

**29** תְּלָתָא אִנוּן דְשַׁפִּירָן הֲלִיכָתְהוֹן וְאַרְבְּעָא דְשַׁפִּיר מְהַלְכִין: ^pv-30-29

**30** אַרְיָא גִבָּר בִּבְעִירָא וְלָא הֲפִיךְ מִן כָּל מִדָעַם: ^pv-30-30

**31** וְאַכָּכָא דְמִזְדַרֵז בֵּינָת תַּרְנְגוֹלֵי וּתְיָשָׁא דְאָזֵל בֵּית גִיוֹרָא וּמַלְכָּא דְקָאֵם וּמְמַלֵל בֵּית עַמְמֵיהּ: ^pv-30-31

**32** לָא תִתְרוֹרָם דְלָא תִטַפֵּשׁ וְלָא תוֹשִׁיט אַיְדָךְ לְפוּמָךְ: ^pv-30-32

**33** דְמַן דְמָיְצָא חֲלָבָא נַפְקָא חֶמְאָתָא וּמִן כִּבוּשָׁא דְרוּגְזָא נִפּוּק דְמָא וּמִן חַרְיָנָא דְאַפֵּי נִפּוּק דִינָא: ^pv-30-33

## Capítulo 31

**1** מִלוֹהִי דִלְמוּאֵל מַלְכָּא נְבִיוּתָא וּמַרְדוּתָא דִרְדָתֵיהּ אִמֵיהּ וַאֲמַרַת לֵיהּ: ^pv-31-1

**2** וַי בְּרִי וּוַי בַּר כְּרֵסִי וּוַי בַּר נִדְרַי: ^pv-31-2

**3** לָא תִתֵּן לִנְשֵׁי חֵילָךְ וְאָרְחָתָךְ לִבְנַת מַלְכִין: ^pv-31-3

**4** אִזְדְהַר מִן מַלְכֵי לְמוֹאֵל מִן מַלְכֵי דְשָׁתִין חַמְרָא וּמִן שִׁלְטוֹנֵי דְשָׁתִין שִׁכְרָא: ^pv-31-4

**5** לָא תִשְׁתֵּי וְתַטְעֵי הֲוָנָךְ וּתְשַׁנֵא דִינְהוֹן דְכוּלְהוֹן בְּנֵי עֲנִיֵי: ^pv-31-5

**6** הֲבוּן שִׁכְרָא לַאֲבֵלֵי וְחַמְרָא לִמְרִירֵי נַפְשָׁא: ^pv-31-6

**7** וְנִשְׁתּוּן וְנִטְעוּן מִסְכֵּינַתְהוֹן וְשַׁחֲקֵיהוֹן לָא נִזְכְּרוּן תּוּב: ^pv-31-7

**8** פְּתַח פּוּמָךְ לְהָלֵין דְלָא מִסְטוֹ דִין וְדוּן לְכוּלְהוֹן בְּנֵי עַוְלֵי: ^pv-31-8

**9** פְּתַח פּוּמָךְ וְדוּן צִדְקְתָא וְדוּן לַעֲנִיֵי וְלַעֲלִיבֵי: ^pv-31-9

**10** אִתְּתָא כְשֶׁרְתָּא מַנוּ יִשְׁכַּח יַקִירָא הִיא מִן כֵּיפֵי טָבְתָא טִימָהָא: ^pv-31-10

**11** דְתָכֵל עֲלָהּ לִבֵּיהּ דְבַעֲלָהּ וְלָא מִתְבְּזָא וְלָא חָסְרָא: ^pv-31-11

**12** פַּרְעֲתֵיהּ טָבְתָא וְלָא בִישְׁתָא כָּל יוֹמֵי חַיָהָא: ^pv-31-12

**13** תְּבַעַת עַמְרָא וְכִתָּנָא וַעֲבַדַת הֵיךְ צִבְיָנָא דְאַיְדָהּ: ^pv-31-13

**14** וַהֲוָת הֵיךְ אִלְפַת דְתִגְרָא דְמִן רָחִיק מַיְתְיָא מֵכְלוּתָא: ^pv-31-14

**15** וְקָמַת בְּלֵילְיָא וִיהֲבַת מְזוֹנָא לְבֵיתָהּ וּפוּלְחָנָא לְטַלְיָתָהָא: ^pv-31-15

**16** וְאִתְחַשְׁבֵת בְּתַרְעִיתָא וּנְסֵבַת חַקְלָא וּמִן פֵּרֵי דִידָהָא נְצֵבַת כַּרְמָא: ^pv-31-16

**17** וַאֲסַרַת בְּעוּשְׁנָא חַרְצָהָא וּזְרֵזַת דְרָעָהָא: ^pv-31-17

**18** וּטְעַמַת מְטוּל דְטָבְתָא תַגָרוּתָהּ וְלָא דָעֵךְ בְּלֵילְיָא שְׁרָגָהּ: ^pv-31-18

**19** יְדָהָא פָּשְׁטָא בְּכוּנְשִׁרָא וִידָהָא לָבְכִין מָעְזְלָא: ^pv-31-19

**20** יְדָהּ פָּשְׁטָא לַעֲנִיָא וּדְרַעְיָה מוֹשִׁיטָא לַעֲלִיבֵי: ^pv-31-20

**21** לָא יִדְחֲלוּן בְּנֵי בַּיְתָהּ מִן תַּלְגָא מְטוּל דְכוּלְהוֹן בְּנֵי בַיְתָהּ לְבִישִׁין הֲווֹ זְהוֹרִיתָא: ^pv-31-21

**22** תַּשְׁוְיָתָא עַבְדַת לָהּ בּוּצָא וְאַרְגְוָנָא לְבוּשָׁהּ: ^pv-31-22

**23** יְדִיעַ הֲוָה בֵּינָת מְדִינָתָא בַּעְלָה כַּד יְתִיב הוּא עִם סָבֵי אַרְעָא: ^pv-31-23

**24** פְּתָגָא עֲבַדַת וּזְבַנַת וְזוּנַאֲרָא יְהַבֵית לִכְנַעֲנָאָה: ^pv-31-24

**25** עוּשְׁנָא וְהַדְרָא לְבוּשָׁהּ וְגָחֲכָא בְיוֹמָא אַחֲרַיְתָא: ^pv-31-25

**26** פּוּמָהּ פְּתַחַת בְּחָכְמְתָא וְנִימוּסָא דְחִסְדָא עַל לִישָׁנָהּ: ^pv-31-26

**27** וְגַלְיָן אָרְחָתָא דְבֵיתָהּ וְלַחְמָא חֲכִינָנוּת לָא אָכְלָא: ^pv-31-27

**28** קָמוּ בְנָהָא וִיהֲבוּן לָהּ טוּבָא בַּעֲלָהּ וּמְשַׁבְּחָהּ: ^pv-31-28

**29** סַגִיעָן בְּנָתָא דְקָנְיֵי עֻתְרָא וְאַתְּ עֲבַרְתְּ עַל כֻּלְהוֹן: ^pv-31-29

**30** מְטוּל דְשִׁקְרָא הוּא חִנָא וּסְרִיק הוּא שׁוּפְרָא אִתְּתָא דְחַלְתֵּיהּ דֵאלָהָא הִיא מִשְׁתַּבְּחָא: ^pv-31-30

**31** הֲבוּ לָהּ מִן פֵּרֵי דִידָהָא וּנְשַׁבְּחוּנָא עוֹבְדָהָא בְּתַרְעֵי: ^pv-31-31